DEUTERONOMIO 12:5 - Dios Rimashcata Quillcashcami

⁵ Ashtahuanpish Mandac Dios, paipac shutita causachun churangapac acllashca pushtuman rishpa, chaipi paitaca alli nina canguichic.

DEUTERONOMIO 12:5 ပူးပေါင်းရင်းမြစ်များ

1 REYES 12:27

Israelcunaca Mandac Diospac huasipimi animalcunata Diosman cushpa huañuchingapac Jerusalenman huichai ringacuna. Cai gentecunaca Judá llactata jatun mandac paicunapac amo Roboampacman cutinatami, paicunapac shungupica yuyaringa. Shina tucushpaca ñucata huañuchishpami, Judá llactata jatun mandac Roboamhuan tandaringacuna» nishpa yuyarca.

1 REYES 14:21

Judá llactataca Salomonpac churi Roboammi mandarca. Roboamca chuscu chunga shuc huatata charishpami mandai callarirca. Paica chunga canchis huatatami Jerusalenpi mandarca. Chai pueblotaca Mandac Diosmi tucui aillupuramantaca paipac shutita chaipi churangapac acllarca. Roboampac mamaca amonitapuramanta Naamami carca.

1 REYES 8:16

“Ñuca acllashca israelcunata Egiptomanta llucchimushca punzhamanta pacha, tucui Israel aillucunapac pueblocunamantaca maijantapish ñuca shuti causana huasita shayachichunca, mana acllarcanichu. Shina cashpapish ñuca acllashca israelcunata mandachunca, Davidtami acllarcani” nishcami nirca.

1 REYES 8:20

Mandac Diosca pai cushami nishcataca pactachishcami. Chaimantami ñucaca Mandac Dios ima shina nishca shinallatac ñuca taita Davidpac randi, israelcunata mandangapac tiyarinapi tiyarircani. Shinallatac israelcunata Mandac Diospac shutipi mañana huasitapish shayachircani.

1 REYES 8:27

Ashtahuanpish, ¿Diosca cai pachapica causangachu imashi? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. Ñuca shayachishca cai huasicarin, ¡Maitatac pactangayari!

1 REYES 8:29

Canhuan tupana cai huasitaca tutapish, punzhapish chapacunguilla. Canllatacmi: “Cai huasipimi ñucaca causasha” nircangui. Chaimanta canta servic ñuca caipi mañacuctaca uyaiyari.

2 REYES 18:22

Cutin cancunaca: ‘Ñucanchicta Mandac Diospimi shunguta churanchic’ nishpaca ¿Ima nishpatac lomacunapi tiyac altarcunataca Ezequiasllatac anchuchirca? Chashna anchuchishpaca, ¿manachu Judá gentecunata, Jerusalenpi causaccunataca: ‘Jerusalenpi tiyac altar ñaupapi Diosta alli nina canguichic?’ nirca.

1 CRÓNICAS 22:1

Shina cacpimi Davidca: «Mandac Diospac huasipish, shinallatac Israelcuna animalcunata Diosman cushpa tucui rupachina altartapish caipimi canga» nirca.

2 CRÓNICAS 7:12

Chai quipami Mandac Dios Salomonman tuta ricurishpaca: «Can mañashcataca uyarcanimi. Cai huasitaca animalcunata ñucaman cushpa huañuchina huasi cachunmi acllarcani.

ESDRAS 3:2

Chashna tandanacushpami, Josadacpac churi Jesúa curaca caishuc curacunahuan, Salatielpac churi Zorobabelhuan, paipac huauquicunahuan, Diosta servic Moisés quillcashpa mandashca shinallatac animalcunata Diosman cushpa, tucui rupachingapac israelcunapac Diospac altarta ruhuanata callarirca.

ESDRAS 6:12

Maijan jatun mandacpish, maijan gentecunapish ñuca mandashcata mana cazushpa, Jerusalenpi cac Diospac huasita urmachicpica, paipac shutita chaipi causachun saquic Diosllatac llaquichichun. Jatun mandac Darío ñucami caitaca mandani. Chaitaca utca pactachinguichic» nishpami quillcani.

ESDRAS 7:17

Chai cullquihuanca Jerusalenpi cac cancunapac Diospac huasipi tiyac altarpi Diosman cushpa rupachingapac becicunata, cari ovejacunata, maltón ovejacunata, rupachina harinahuan, tallina vinohuan mana cungarishpa randingui.

NEHEMÍAS 1:9

Shina cacpipish, ñucaman cutirishpa, ñuca mandashcacunata cazucpica, caita chaita rishca cacpipish cutin tandachishpami ñuca shuti causachun acllashca pushtuman pushamusha” nishcanguimi.

SALMOS 78:68

Chaipac randica Judapac ailluta, Sión urcuta acllashpami cuyarca.

ÉXODO 15:2

Mandac Diosca ñucata sinchiyachicmi. Ñuca cantana Diosmi. Paimi ñucata quishpichirca. ¡Paimi ñuca Dios, paitami cantasha! ¡Paimi ñuca taitapac Dios! ¡Paitami jatunyachisha!

ÉXODO 20:24

Ñucamanca allpamanta shuc altarta ruhuanguichic. Chai jahuapi ovejacunata, vacacunata ñucahuan alli tucungapac ñucaman cushca tucui ofrendata rupachichic. Maipi cacpipish, ñucaca yuyarishpami, cancunapacman shamushpa bendiciasha.

ÉXODO 25:22

Chaipimi ñucaca canhuan tupasha. Dios-huan ari nishca quillcata huacaichina Arca tapa jahuamanta, chai tapa jahuapi tiyacuc ishcai querubincunapac chaupimantami israelcunata imata ninata huillasha.

JEREMÍAS 26:2

«Ñucapac huasi pungupi shayarishpa, ñuca huillashcata Judá llactacunamanta ñucapac huasipi alli ningapac shamuccunaman huillai. Shuc rimashcallatapish mana saquishpa tucuita huillangui.

JEREMÍAS 7:12

Ñaupa punzhacunapi ñuca shutita causachun churashca Silo llactaman richic. Chaipi ñuca acllashca israelcuna mana allita ruhuashcamanta ñuca imata ruhuashcata ricuichic.

JEREMÍAS 7:14

Chaimantami cancuna shunguta churashpa, ñuca shutita mañana huasitaca Silo llactata shinallatac ruhuagrini. Cai huasitaca cancunamanpish, cancunapac ñaupa taitacunamanpishmi curcani.

LEVÍTICO 17:4

ñucahuan tupana huasi yaicunapi ñucaman cungapac mana apamushpa, paicuna causacuc ucullapitac, mana cashpaca canzhapi huañuchishcamantaca juchanchishcami canga. Shinallatac israelpuramanta anchuchishcami canga.

NÚMEROS 7:89

Dios-huan tupana huasipi paihuan parlangapac Moisés yaicucpica, Dios quillcachishcata huacaichina tapashca jahuapi ishcai alasyuccuna tiyacuc chaupimantami Mandac Diosca paihuan rimac carca.

DEUTERONOMIO 12:11

Mandac Dios paipac shutita causachun acllashca pushtuman ñuca apachun nishca tucui rupachinatapish, paiman cunatapish, chungamanta shuctapish, alzashpa cuna ofrendatapish, cushami nishca ofrendatapish apanguichic.

DEUTERONOMIO 12:13

Ama maipipish paiman cushpa tucuita rupachinguichicchu.

DEUTERONOMIO 12:18

Mandac Dios acllashca pushtuman rishpa, paipac ñaupapi ushicunahuan, churicunahuan, servic caricunahuan, servic huarmicunahuan, cancunapac llactapi causac levitacunahuan micunguichic. Chaipimi cancunapac maquihuan ruhuashcata Mandac Dios bendiciashcamanta cushicuna canguichic.

DEUTERONOMIO 12:4

Cancunaca chai runacuna shinachu, Mandac Diosta servina canguichic.

DEUTERONOMIO 14:23

Mandac Dios paipac shutita causachun acllashca pushtupi, Mandac Diospac ñaupapi chungamanta shucta cushca huagrata, mushuc vinota, aceiteta, punta huacharishca huagrata, ovejata micunguichic. Chashnami Mandac Diostaca tucui punzhacuna manchana canguichic.

DEUTERONOMIO 14:24

Mandac Dios chungamanta shucta bendiciacpi, Mandac Dios paipac shutita causachun acllashca pushtu caru cashcamanta, mana apai pudishpaca,

DEUTERONOMIO 15:20

Chaicunataca Mandac Dios acllashca pushtupimi huatanta paipac ñaupapi cancunapac familiacunahuan micuna canguichic.

DEUTERONOMIO 16:11

Mandac Dios paipac shutita causachun acllashca pushtupimi paipac ñaupapi cancunapac churicunahuan, ushicunahuan, servic caricunahuan, servic huarmicunahuan, cancunapac llactapi causac levitacunahuan, shuctac llacta runacunahuan, taita mama illaccunahuan, cancunapac llactapi causac viudacunahuan cushicuna canguichic.

DEUTERONOMIO 16:15

Mandac Dios acllashca pushtupi Mandac Diosman canchis punzhacaman fiestata ruhuanguichic. Mandac Diosca tucui cancunapac granota, tucui cancunapac maquihuan ruhuashcatami bendiciashca. Chaimanta yallitami cushicunguichic.

DEUTERONOMIO 16:2

Chai punzhapica Mandac Dios paipac shuti causachun acllashca pushtupimi ovejata, mana cashpaca vacata paiman cushpa huañuchinguichic.

DEUTERONOMIO 16:6

Ashtahuanpish Mandac Dios paipac shutita causachun acllashca pushtupimi huañuchina canguichic. Chaipimi chishi inti tigracpi, animaltaca huañuchina canguichic. Chai horasmi Egiptomantaca llucshircanguichic.

DEUTERONOMIO 16:7

Mandac Dios acllashca pushtupi cusashpa micushpami, cayandi tutamantaca huasiman cutina canguichic.

DEUTERONOMIO 17:8

Maijan llaquicuna mana allipac tiyangami. Chaica huañuchinacui, quichunacui, macanacui, mana cashpaca shucta piñanacui tiyacpica, Mandac Dios acllashca pushtumanmi rina canguichic.

DEUTERONOMIO 18:6

Israelcuna causana maijan llactapi shuc levita causacushpa, Mandac Dios acllashca pushtuman tucui munaihuan

DEUTERONOMIO 26:2

punta pucushca granota shuc canashtapi churashpa, Mandac Dios paipac shuti causachun acllashca pushtuman apanguichic.

DEUTERONOMIO 31:11

cai mandashcacunata Mandac Diospac acllashca pushtuman israelcuna tandanacumucpi rezanguichic.

COLOSENSES 2:9

Dios imalaya cashcaca, Cristopimi tucui ricurin.

HEBREOS 12:22

Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,

JOSUÉ 18:1

Tucui tandanacushca israelcuna chai llactacunata japishca quipaca, Silo pueblopimi tandanacushpa, Dios-huan tupana huasita shayachirca.

JOSUÉ 22:11

Chaitami israelcunaca: “Rubenpac, Gadpac aillucunapish, Manasespac chaupi aillupish Canaán llacta chimba lado Jordán yacu lado israelcunapac ladopimi shuc altarta ruhuashca” nicta uyarca.

JOSUÉ 9:27

Chai punzhami Josueca gabaonitacunataca yantata pitic cachun, tandanacushca israelcunamanpish, Mandac Diospac altarmanpish yacuta ashtachun churarca. Mandac Dios acllashca pushtupimi chashna ruhuashpa, causachun churarca. Cunancamanmi chaita ruhuashpa causancuna.

APOCALIPSIS 14:1

Chai quipaca Sión urcu jahuapi Pactalla Oveja shayacuctami ricurcani. Paihuanca pasac chuscu chunga chuscu huaranga quishpirishcacunami frentepi Pactalla Ovejapac shutita, shinallatac Diospac shutita quillcashca carcacuna.