DEUTERONOMIO 12:31 - Dios Rimashcata Quillcashcami

³¹ Mandac Dios-huanca ama chashna ruhuanguichicchu. Mandac Diosca paicuna ruhuashcataca mana ricusha ninchu. Paicunapac dioscunamanca millana mana allicunatami ruhuarca. Paicunapac churicunatapish, ushicunatapish paicunapac dioscunaman cushpami rupachirca.

DEUTERONOMIO 12:31 ပူးပေါင်းရင်းမြစ်များ

2 REYES 16:3

Ashtahuanpish Israel llactata jatun mandaccuna shinallatacmi, jatun millana juchata ruhuashpa causarca. Israelcunapac ñaupamanta Mandac Dios llucchishpa cachashca gentecuna shinallatacmi Acazca paipac churita rupachirca.

2 REYES 17:31

Aveocunaca Nibhaz, Tartac dioscunatami ruhuarcacuna. Sefarvaim pueblopi causaccunaca Adramelec, Anamelec dioscunata alli nishpami, paicunapac churicunata cushpa ninapi rupachircacuna. Chai dioscunaca Sefarvaim gentecunapac dioscunami carca.

2 REYES 21:2

Mandac Diospac ñaupapica mana allitami ruhuashpa causarca. Israelcunapac ñaupamanta Mandac Dios llucchishpa cachashca gentecuna ruhuashca shinallatacmi millanayai juchacunata ruhuashpa causarca.

2 REYES 3:27

Chaimantami paipac randi mandagricuc punta churita paipac diosman cushpa, pirca jahuapi tucuita rupachirca. Israelcunahuanca yallitami piñarirca. Chai quipaca jatun mandacpac ladomanta anchurishpami, paicunapac llactaman cutirca.

2 CRÓNICAS 33:2

Ashtahuanpish Mandac Diospac ñaupapica mana allita ruhuashpami, israelcunapac ñaupamanta Mandac Dios llucchishpa cachashca gentecuna shinallatac juchata ruhuashpa causarca.

2 CRÓNICAS 36:14

Shinallatac curacunata tucui mandaccunapish, tucui gentecunapish ashtahuanmi mana allita ruhuashpa catircacuna. Shuctac llactapi causaccuna shinallatacmi mana allita ruhuashpa Mandac Diospac huasita mapayachirca. Chai huasitaca Mandac Diosllatacmi paipaclla cachun Jerusalenpi chicanyachishca carca.

SALMOS 106:37

Paicunapac churicunatapish, ushicunatapish supaicunaman cushpami huañuchirca.

ÉXODO 23:2

Taucacuna millaita ruhuashun nicpipish, ama paicunata catinguichu. Ama taucacuna llullashcallamanta pitapish llaquichinguichu.

JEREMÍAS 32:35

Paicunapac churicunata, ushicunata Moloc diosman cushpa rupachingapacmi Henonpac pambapi Baal diosman altarcunata ruhuashpa, Judá gentecunataca juchata ruhuachirca. Chaicunata ruhuachichunca mana mandarcanichu, chaita mandana yuyaillapish mana tiyarcachu nini» nirca.

JEREMÍAS 7:31

Bet-hinom pambapi tiyac Tofet urcupipish altarcunata ruhuashpami, paicunapac churicunata, ushicunata cushpa rupachirca. Chaitaca mana mandarcanichu, mana yuyarircanipishchu.

EZEQUIEL 20:31

Cunancamanmi cancunapac churicunata ruhuashcalla dioscunaman rupachishpa, yallita mapayashpa causanguichic. ¿Chai shina cashpachu tapuc shamunguichic? ¡Ñuca shutipimi nini: Cancuna tapushcataca mana cutichishachu!

EZEQUIEL 23:27

Chashnami millaita ruhuaccunatapish, Egipto llactamanta huainayac huainayaccunata anchuchisha. Shina ruhuacpica, Egipto gentecunataca ña mana alzarishpa ricunguichu. Ña mana ashtahuan yuyaringuichu.

LEVÍTICO 18:21

Ama cambac cari huahuataca Moloc shuti ruhuashcalla diosman cushpa rupachinguichu. Chashna ruhuashpaca, cambac Diostami yangapi churangui. Ñucami Mandac Diosca cani.

LEVÍTICO 18:3

Cancuna causashca Egiptopi causaccuna shina, shinallatac cancuna causagricushca Canaán llactapi causaccuna shina, ama ruhuanguichicchu. Ama paicunapac mandashcacunata catinguichicchu.

LEVÍTICO 20:2

«Israelcunataca: “Maijan israelcunapish, shuctac llactamanta shamushpa Israelpi causac cashpapish paipac huahuata Moloc diosman cucpica, huañuchishcami canga.

MIQUEAS 6:7

Mandac Diosca, ¿huaranga huaranga cari ovejacunata chasquingachu? Mana cashpaca, ¿chunga huaranga tucyacuc aceiteta cucpica cushicungachu? Ñuca mana cazushcamantaca, ¿ñuca punta churitachu cusha? Ñuca juchamantaca, ¿ñucamanta llucshishca huahuatachu cusha?

DEUTERONOMIO 12:30

Paicuna shina causashpa, pacta pandaringuichicman. Chai llactapi causaccunata tucuchishca quipaca: “Ñucanchicpish paicuna shina adorangapac, ¿paicunaca ima shinashi chai dioscunata adorac carca?” nishpa tapunacunguichicchu.

DEUTERONOMIO 12:4

Cancunaca chai runacuna shinachu, Mandac Diosta servina canguichic.

DEUTERONOMIO 20:18

Chashna ruhuacpimi, paicunapac dioscunata adorashpa millana juchacunataca cancunaman mana yachachinga. Cancuna chashna ruhuashpami, mana Mandac Diospac ñaupapi juchallinguichic.

DEUTERONOMIO 9:4

Mandac Dios cancunapac ñaupamanta catishpa cachacpica, pacta cancunaca: “Ñucanchic allita ruhuashcamantami Mandac Diosca cai llactata cungapac pushamushca” yuyanguichicman. Ashtahuanpish chai llactapi causaccuna mana allita ruhuashcamantami Mandac Diosca llucchishpa cacharca.

DEUTERONOMIO 9:5

Mana cancuna cashcata ruhuac, shungupi allita yuyac cashcamantachu cai llactata japigringuichic, ashtahuanpish chai llactapi causaccuna mana allita ruhuashcamantami llucchishpa cacharca. Mandac Dios cancunapac ñaupa taita Abrahamman, Isaacman, Jacoboman cungapac ari nishcata pactachingapacmi chashnaca ruhuagrin.