DEUTERONOMIO 12:3 - Dios Rimashcata Quillcashcami

³ Altarcunatapish, adorana rumicunatapish tigrachinguichic. Asera huarmi diosta yuyarina yuracunatapish ninapi rupachishpa, polvoshpa, paicunapac shuticunata chai llactapi chingachinguichic.

DEUTERONOMIO 12:3 ပူးပေါင်းရင်းမြစ်များ

1 REYES 14:15

Mandac Diosca yacu patapi cuyuricuc totorata shina israelcunataca caiman chaiman cuyuchinga. Paimi israelcunataca paicunapac ñaupa taitacunaman cushca sumac llactamanta llucchishpa, Eufrates yacu chimba ladocaman cachanga. Asera huarmi dioslayacunata ruhuashpa, Mandac Diosta piñachishcamantami chashnaca ruhuanga.

1 REYES 15:13

Shinallatac Asera diosta ruhuashcamantami paipac mama Maacatapish jatun mandac canamanta anchuchirca. Asaca mamapac yanga diosta paquishpaca, Cedrón yacu ladopimi rupachirca.

2 REYES 11:18

Chai quipaca, chai llactapi causac tucui gentecunami Baal diospac huasiman yaicushpa, tucui urmachirca. Shinallatac chai ucupi tiyac altarcunata, imamanpish riccha tucui dioscunatapish paquishpa, Baal diosta servic Matán curatapish altar cuchupi huañuchirca. Chai quipaca Joiada curaca Mandac Diospac huasita cuidachunmi soldadocunata churarca.

2 REYES 18:4

Paimi lomacunapi tiyac altarcunata anchuchishpa, imamanpish riccha dioscunata paquirca. Asera huarmi diosta yuyarina yuracunata pitishpami, Moisés ruhuachishca bronce culebratapish paquirca. Chai punzhacamanmi israelcunaca inciensota rupachishpa carcacuna. Chaimantami Nehustán nishpa shutichirca.

2 REYES 23:14

Ruhuashcalla dioscunatapish, Asera diosta yuyarina yuratapish ñutuchishpami shitarca. Chai pushtucunapica gentecunapac tullucunatami jundachirca.

2 CRÓNICAS 14:2

Asaca paita Mandac Diospac ñaupapica imapipish mana pandarishpami allita causarca.

2 CRÓNICAS 14:3

Paimi mana ricsishca dioscunapac altarcunatapish, lomacunapi tiyac altarcunatapish anchuchirca. Imamanpish riccha dioscunatapish paquishpami Asera huarmi diosta yuyarina yuratapish tucuchirca.

2 CRÓNICAS 19:3

Shina cacpipish, Asera huarmi diosta yuyarina yuracunata anchuchishpa cambac tucui shunguhuan Mandac Diosta mashcashcamantami can alli cashcata ricushca— nirca.

2 CRÓNICAS 31:1

Tucui chaicunata ruhuashca quipami chaipi tandanacushca tucui israelcunaca Judá llacta pueblocunaman rishpa, ruhuashcalla dioscunatapish, Asera huarmi diosta yuyarina yuratapish tucui paquishpa tucuchirca. Tucui Judá llacta, Benjamín llacta lomacunapi tiyac altarcunatapish urmachircacunami. Efraín llactatapish, Manasés llactatapish tucui tucuchingacamanmi urmachircacuna. Chai quipami israelcunaca paicunapac pueblocunaman, paicuna causacuc allpacunaman cutircacuna.

2 CRÓNICAS 34:3

Josiasca ña pusac huatata mandacushpa, huambrarac cashpami, paipac ñaupa taita Davidpac Mandac Diosta mashcai callarirca. Chunga ishcai huatata mandacushpami, lomacunapi tiyac altarcunata, Asera huarmi diosta yuyarina yurata, labrashpa ruhuashca dioscunata, yacuyachishpa ruhuashca dioscunata tucui anchuchishpa, Judá llactatapish, Jerusalentapish chuyayachirca.

SALMOS 16:4

Shuctac diosta serviccunaca yallitami nanaicunahuan canga. Ñucaca chai dioscunamanca ima animalcunapac yahuarta cushpa, mana chirapashachu. Chaicunapac shuticunataca mana rimashachu.

ÉXODO 23:13

Tucui ñuca nishcacunata pactachingui. Ruhuashcalla dioscunata ama mañanguichu, paicunapac shutitapish ama rimanguichu.

ÉXODO 23:24

Paicunapac dioscunapac ñaupapi ama cumuringuichu. Shinallatac ama servinguichu, ama paicuna shina mana allita ruhuanguichu. Ashtahuanpish diosman riccha rumicunataca ñutuchishpami chingachina cangui.

ÉXODO 34:13

Ashtahuanpish paicunapac altarcunata urmachishpa shitangui. Adorana rumi dioscunatapish paquingui. Asera huarmi diosta yuyarina yuracunatapish pitingui.

ISAÍAS 27:9

Chashnami Jacobopac huahuacunapac yalli juchacunataca cungaringa. Paicuna rumimanta ruhuashca altarcunataca cabia rumita shina ñutuchishpa, Asera huarmi diosman riccha caspicunatapish, intiman riccha yanga dioscunatapish urmachishpa, Jacobopac huahuacunapac juchataca perdonanga.

JEREMÍAS 17:2

Cancunapac huahuacunaca jatun yuracuna ladopi tiyac Asera huarmi diosta yuyarina altarta, jatun lomacunapi cancuna churashca altarta,

OSEAS 2:17

Baal dios nishpa rimanataca cungaringacunami. Chai diostaca mana ashtahuan yuyaringachu.

MIQUEAS 5:14

Asera huarmi diosta yuyarina yuracunatapish, cancunapac llactacunatapish tucuchishami.

ZACARÍAS 13:2

Tucuita Mandac Diosca: «Chai punzhapica cai llactapi tiyac ruhuashcalla dioscunapac shuticunataca tucuitami anchuchisha. Chai dioscunataca mana ashtahuan yuyaringacunachu. Llulla huillaccunatapish, mapayachic espiritutapish cai llactamanta anchuchishami.

NÚMEROS 33:52

chai llactapi causaccunataca tucuita llucchishpa cachanguichic. Chashnallatac rumimanta ruhuashca dioscunata chingachinguichic. Lomacunapi ruhuashca altarcunatapish tucuita chingachinguichic.

DEUTERONOMIO 12:4

Cancunaca chai runacuna shinachu, Mandac Diosta servina canguichic.

DEUTERONOMIO 7:25

Paicunapac ruhuashca dioscunataca ninapi rupachinguichic. Chai dioscunapi cahuishca curita, cullquita munashpapish ama japinguichicchu. Chaicunata japishpaca, mitcaric shinami pandaringuichic. Mandac Diosca chai dioscunata ruhuaccunataca millashpami mana ricunayachin.

DEUTERONOMIO 7:5

Paicunataca cashnami ruhuana canguichic: Paicunapac altarcunata tigrachishpa, ruhuashcalla dioscunata yuyarina rumicunatapish polvonguichic. Asera huarmi diosta yuyarina yuracunatapish tigrachishpa, labrashpa ruhuashca dioscunatapish tucui rupachinguichic.

APOCALIPSIS 13:1

Mama cucha ladopi cac tio allpapi shayacushpami yacumanta shuc manchana animal llucshicta ricurcani. Chai animalca canchis umayuc, chunga gachuyucmi carca. Chai gachucunapica coronatami charirca. Shinallatac umacunapica, Diosta piñachishpa quillcashcacunatami charirca.

JUECES 2:2

Cancunapish cai llactapi causaccunahuan ama imata ari ninacunguichicchu. Paicunapac dioscunapac altarcunatapish tucui urmachinguichic” nircani. Shina cacpipish, cancunaca ñuca nishcataca mana cazushcanguichicchu. ¿Ima nishpatac chashna ruhuarcanguichic?