DEUTERONOMIO 12:29 - Dios Rimashcata Quillcashcami

²⁹ Cancuna japigricuc llactapi causaccunata Mandac Dios cancunapac ñaupapi tucuchicpica, cancunami chaipica causanguichic.

DEUTERONOMIO 12:29 ပူးပေါင်းရင်းမြစ်များ

2 CRÓNICAS 33:2

Ashtahuanpish Mandac Diospac ñaupapica mana allita ruhuashpami, israelcunapac ñaupamanta Mandac Dios llucchishpa cachashca gentecuna shinallatac juchata ruhuashpa causarca.

SALMOS 78:55

Chaipi causac runacunataca israelcuna ricucucpimi, llucchishpa cacharca. Chai quipaca huascahuan medishpami allpacunata chaupishpa curca. Chai runacuna causana huasicunapica Israel aillucunatami causachun churarca.

ÉXODO 23:23

Ñuca angelmi ñaupata rishpa amorreocunapac, heteocunapac, ferezeocunapac, cananeocunapac, heveocunapac shinallatac jebuseocunapac llactaman apanga. Paicunataca ñucami tucuchisha.

DEUTERONOMIO 12:30

Paicuna shina causashpa, pacta pandaringuichicman. Chai llactapi causaccunata tucuchishca quipaca: “Ñucanchicpish paicuna shina adorangapac, ¿paicunaca ima shinashi chai dioscunata adorac carca?” nishpa tapunacunguichicchu.

DEUTERONOMIO 19:1

Mandac Dios cugricuc llactacunapi causaccunata tucuchishpa, cancunaman cucpica, cancunaca llactacunapi, huasicunapi causanguichic.

DEUTERONOMIO 9:3

Cunanmi Mandac Dios cancunapac ñaupata tucuita rupachic nina shina ringa. Chai llactapi causaccunata cumurichingami. Paicunataca Mandac Dios nishca shinami, utca tucuchinguichic.

JOSUÉ 21:43

Shinami Mandac Diosca ñaupa taitacunaman cusha nishpa ari nishca llactataca israelcunaman curca. Chai tucui llactatami paicuna causachun curca.

JOSUÉ 23:4

Riquichic, ña japishca llactacunatapish, mana japishca llactacunatapish suerteta ruhuashpami, cancunapac aillucunaman curcani. Inti llucshina lado Jordán yacumantaca inti tigrana ladoman cac mama cuchacamanmi curcani.