DEUTERONOMIO 12:28 - Dios Rimashcata Quillcashcami

²⁸ Mandac Diospac ñaupapi cashcata ruhuangapacca, tucui ñuca mandashcacunata yuyarashpa cazunguichic. Chashnami cancunapish, cancunapac huahuacunapish huiñaita allita causanguichic.

DEUTERONOMIO 12:28 ပူးပေါင်းရင်းမြစ်များ

2 REYES 17:31

Aveocunaca Nibhaz, Tartac dioscunatami ruhuarcacuna. Sefarvaim pueblopi causaccunaca Adramelec, Anamelec dioscunata alli nishpami, paicunapac churicunata cushpa ninapi rupachircacuna. Chai dioscunaca Sefarvaim gentecunapac dioscunami carca.

2 CRÓNICAS 7:17

Cambac taita David shina ñuca ñaupapi allita ruhuashpa, ñuca mandashcacunata, pactachichun ñuca yachachishcata cazushpa causacpica,

NEHEMÍAS 1:5

Ñuca mañashpaca: «Jahua pachapi causac Dioslla, canca jatun poderta charic manchana Diosmi cangui. Can mandashcacunata cazucmanca can ari nishcatapish pactachic, llaquic Diosmi cangui.

SALMOS 105:45

Chaica quillcashpa mandashcacunatapish, pai rimashcacunatapish pactachichunmi chashnaca curca. ¡Mandac Diosta alabaichicyari!

ÉXODO 34:11

Cunan, canman ñuca cushca mandashcacunata huacaichingui. Cancunapac chaupimantami amorreocunatapish, cananeocunatapish, heteocunatapish, ferezeocunatapish, heveocunatapish, jebuseocunatapish llucchishpa cachasha.

ECLESIASTÉS 8:12

Juchayuc runa patsac cutin millaita ruhuacpipish unaita causacpipish, ñucaca Diosta manchashpa, paipac ñaupapi allita causac runa alli llucshic cashcatami yachani.

EZEQUIEL 37:24

Ñucata servic Davidmi paicunapac jatun mandac canga. Shuclla michicmi tiyanga. Paicunaca ñuca yachachishcacunatapish, mandashcacunatapish, rimashcacunatapish pactachishpami causanga.

LEVÍTICO 19:37

Ñuca quillcachishpa mandashcacunatapish, ñuca yachachishcacunatapish yuyarashpa pactachinguichic. Ñucami Mandac Dios cani” ninmi ningui» nirca.

SAN JUAN 15:10

Ima shinami ñuca Taita mandashcacunata pactachishpa, paipac cuyashca cani, chai shinallatacmi cancunatapish ñuca mandashcacunata pactachicpica cuyasha.

SAN JUAN 15:14

Cancuna ñuca mandashcacunata pactachishpaca, ñuca amigocunami canguichic.

SAN JUAN 15:3

Cancunaca ñuca yachachishcata uyashcamantaca, ñami chuyayashca canguichic.

DEUTERONOMIO 12:25

Cancunapish, cancunapac quipa huiñaicunapish allita causangapacca, mana chaicunata micunachu canguichic. Mandac Diospac ñaupapi allita ruhuashpa causanguichic.

DEUTERONOMIO 24:8

Lepra ungüi ricuricpica, levita curacuna mandashcata allita yachacunguichic. Paicuna tucui nishcata ruhuanguichic. Ñuca nishcacunataca tucuita pactachinguichic.

DEUTERONOMIO 4:40

Cancunapish, cancunapac huahuacunapish, cancunapac quipa huiñaicunapish alli cangapac, shinallatac Mandac Dios cushca llactapi unaita causangapacca cai ñuca cunan yachachishpa mandashcacunata, pactachinacunata cazunguichic» nirca.

DEUTERONOMIO 5:33

Mandac Dios ima shina causachun nishca shina causanguichic. Chashna causashpami, Dios cushca llactata japishpaca, unaita, allita causanguichic.