DEUTERONOMIO 12:14 - Dios Rimashcata Quillcashcami

¹⁴ Cancunapac aillupurapi Mandac Dios acllashca pushtupi rupachinguichic. Chaillapitac tucui ñuca mandashcatapish ruhuanguichic.

DEUTERONOMIO 12:14 ပူးပေါင်းရင်းမြစ်များ

1 REYES 12:27

Israelcunaca Mandac Diospac huasipimi animalcunata Diosman cushpa huañuchingapac Jerusalenman huichai ringacuna. Cai gentecunaca Judá llactata jatun mandac paicunapac amo Roboampacman cutinatami, paicunapac shungupica yuyaringa. Shina tucushpaca ñucata huañuchishpami, Judá llactata jatun mandac Roboamhuan tandaringacuna» nishpa yuyarca.

1 REYES 8:29

Canhuan tupana cai huasitaca tutapish, punzhapish chapacunguilla. Canllatacmi: “Cai huasipimi ñucaca causasha” nircangui. Chaimanta canta servic ñuca caipi mañacuctaca uyaiyari.

2 REYES 18:22

Cutin cancunaca: ‘Ñucanchicta Mandac Diospimi shunguta churanchic’ nishpaca ¿Ima nishpatac lomacunapi tiyac altarcunataca Ezequiasllatac anchuchirca? Chashna anchuchishpaca, ¿manachu Judá gentecunata, Jerusalenpi causaccunataca: ‘Jerusalenpi tiyac altar ñaupapi Diosta alli nina canguichic?’ nirca.

1 CRÓNICAS 22:1

Shina cacpimi Davidca: «Mandac Diospac huasipish, shinallatac Israelcuna animalcunata Diosman cushpa tucui rupachina altartapish caipimi canga» nirca.

SALMOS 5:7

Shina cacpipish ñucaca can yallita llaquic cashcamantami cambac huasiman yaicusha. Ñucaca cambaclla huasiman ñahuita churashpami cambac ñaupapi cumurini.

SALMOS 9:11

Sionpi causac Mandac Diostaca cantaichicyari. Pai ruhuashcacunata shuccunamanpish huillaichicyari.

LEVÍTICO 17:3

“Israelpuramanta maijan shuc huagrata, shuc maltón ovejata, shuc huarmi chivota carpa huasi ucupi, mana cashpaca canzhapi huañuchishpa,

LEVÍTICO 17:4

ñucahuan tupana huasi yaicunapi ñucaman cungapac mana apamushpa, paicuna causacuc ucullapitac, mana cashpaca canzhapi huañuchishcamantaca juchanchishcami canga. Shinallatac israelpuramanta anchuchishcami canga.

2 CORINTIOS 5:19

Diosca gentecunapac juchata mana yuyarishpami, Jesucristomanta tucui cai pachapi causaccuna paihuan alli tucuchun chasquicun. Dios-huan alli tucunata huillaccuna cachunmi, ñucanchicman mingarca.

DEUTERONOMIO 12:11

Mandac Dios paipac shutita causachun acllashca pushtuman ñuca apachun nishca tucui rupachinatapish, paiman cunatapish, chungamanta shuctapish, alzashpa cuna ofrendatapish, cushami nishca ofrendatapish apanguichic.

DEUTERONOMIO 12:13

Ama maipipish paiman cushpa tucuita rupachinguichicchu.

DEUTERONOMIO 12:15

Shina cashpapish tucui cancunapac llactacunapimi cancuna munashca shina, Mandac Dios bendiciashca animalta huañuchishpa, micui pudinguichic. Chaicunataca mapa cashpapish, mana mapa cashpapish, gacelata, venadota micuc shina micunguichiclla.

DEUTERONOMIO 12:18

Mandac Dios acllashca pushtuman rishpa, paipac ñaupapi ushicunahuan, churicunahuan, servic caricunahuan, servic huarmicunahuan, cancunapac llactapi causac levitacunahuan micunguichic. Chaipimi cancunapac maquihuan ruhuashcata Mandac Dios bendiciashcamanta cushicuna canguichic.

DEUTERONOMIO 12:5

Ashtahuanpish Mandac Dios, paipac shutita causachun churangapac acllashca pushtuman rishpa, chaipi paitaca alli nina canguichic.

DEUTERONOMIO 14:23

Mandac Dios paipac shutita causachun acllashca pushtupi, Mandac Diospac ñaupapi chungamanta shucta cushca huagrata, mushuc vinota, aceiteta, punta huacharishca huagrata, ovejata micunguichic. Chashnami Mandac Diostaca tucui punzhacuna manchana canguichic.

DEUTERONOMIO 15:20

Chaicunataca Mandac Dios acllashca pushtupimi huatanta paipac ñaupapi cancunapac familiacunahuan micuna canguichic.

DEUTERONOMIO 16:2

Chai punzhapica Mandac Dios paipac shuti causachun acllashca pushtupimi ovejata, mana cashpaca vacata paiman cushpa huañuchinguichic.

DEUTERONOMIO 17:8

Maijan llaquicuna mana allipac tiyangami. Chaica huañuchinacui, quichunacui, macanacui, mana cashpaca shucta piñanacui tiyacpica, Mandac Dios acllashca pushtumanmi rina canguichic.

DEUTERONOMIO 18:6

Israelcuna causana maijan llactapi shuc levita causacushpa, Mandac Dios acllashca pushtuman tucui munaihuan

DEUTERONOMIO 31:11

cai mandashcacunata Mandac Diospac acllashca pushtuman israelcuna tandanacumucpi rezanguichic.

HEBREOS 13:15

¡Chaimantami Diostaca, Jesucristomanta huiñaita alabacunalla canchic! Chaimi Diosman cushca ofrenda shina can. ¡Chaimanta ñucanchic shimihuan Diospac shutita alli nicushunchic!

JOSUÉ 22:29

Mana Mandac Diosta piñachingapacchu, mana Mandac Diosta catinata saquingapacchu, cai altartaca ruhuashcanchic. Caitaca mana Diosman animalta cushpa tucui rupachingapacchu, mana grano ofrendata cungapacchu, Dios-huan alli tucungapac mana cungapacchu ruhuashcanchic. Caica mana Dios-huan tupana huasi ñaupapi tiyac cancunata Mandac Diospac altar tiyashca jahua ruhuashcachu” nirca.

JOSUÉ 9:27

Chai punzhami Josueca gabaonitacunataca yantata pitic cachun, tandanacushca israelcunamanpish, Mandac Diospac altarmanpish yacuta ashtachun churarca. Mandac Dios acllashca pushtupimi chashna ruhuashpa, causachun churarca. Cunancamanmi chaita ruhuashpa causancuna.