DEUTERONOMIO 12:11 - Dios Rimashcata Quillcashcami

¹¹ Mandac Dios paipac shutita causachun acllashca pushtuman ñuca apachun nishca tucui rupachinatapish, paiman cunatapish, chungamanta shuctapish, alzashpa cuna ofrendatapish, cushami nishca ofrendatapish apanguichic.

DEUTERONOMIO 12:11 ပူးပေါင်းရင်းမြစ်များ

1 REYES 12:27

Israelcunaca Mandac Diospac huasipimi animalcunata Diosman cushpa huañuchingapac Jerusalenman huichai ringacuna. Cai gentecunaca Judá llactata jatun mandac paicunapac amo Roboampacman cutinatami, paicunapac shungupica yuyaringa. Shina tucushpaca ñucata huañuchishpami, Judá llactata jatun mandac Roboamhuan tandaringacuna» nishpa yuyarca.

1 REYES 8:13

Shina cacpipish, ñucaca can causachunmi shuc huasita shayachircani. Chai huasipimi canca huiñaita causangui» nirca.

1 REYES 8:16

“Ñuca acllashca israelcunata Egiptomanta llucchimushca punzhamanta pacha, tucui Israel aillucunapac pueblocunamantaca maijantapish ñuca shuti causana huasita shayachichunca, mana acllarcanichu. Shina cashpapish ñuca acllashca israelcunata mandachunca, Davidtami acllarcani” nishcami nirca.

1 REYES 8:29

Canhuan tupana cai huasitaca tutapish, punzhapish chapacunguilla. Canllatacmi: “Cai huasipimi ñucaca causasha” nircangui. Chaimanta canta servic ñuca caipi mañacuctaca uyaiyari.

2 REYES 18:22

Cutin cancunaca: ‘Ñucanchicta Mandac Diospimi shunguta churanchic’ nishpaca ¿Ima nishpatac lomacunapi tiyac altarcunataca Ezequiasllatac anchuchirca? Chashna anchuchishpaca, ¿manachu Judá gentecunata, Jerusalenpi causaccunataca: ‘Jerusalenpi tiyac altar ñaupapi Diosta alli nina canguichic?’ nirca.

1 CRÓNICAS 22:1

Shina cacpimi Davidca: «Mandac Diospac huasipish, shinallatac Israelcuna animalcunata Diosman cushpa tucui rupachina altartapish caipimi canga» nirca.

2 CRÓNICAS 6:20

Canhuan tupana cai huasitaca tutapish, punzhapish chapacunguilla. Canllatacmi: “Cai huasipimi ñucaca causasha” nircangui. Chaimanta canta servic ñuca caipi mañashcata uyanguiyari.

2 CRÓNICAS 7:12

Chai quipami Mandac Dios Salomonman tuta ricurishpaca: «Can mañashcataca uyarcanimi. Cai huasitaca animalcunata ñucaman cushpa huañuchina huasi cachunmi acllarcani.

ESDRAS 6:12

Maijan jatun mandacpish, maijan gentecunapish ñuca mandashcata mana cazushpa, Jerusalenpi cac Diospac huasita urmachicpica, paipac shutita chaipi causachun saquic Diosllatac llaquichichun. Jatun mandac Darío ñucami caitaca mandani. Chaitaca utca pactachinguichic» nishpami quillcani.

SALMOS 100:2

Mandac Diostaca cushicushpa servichicyari. Paipac ñaupamanca cushicuihuan shamuichicyari.

SALMOS 116:17

Canta pagui nishpami, animalta huañuchishpa canman cusha. Mandac Dioslla, cambac shutitami mañasha.

SALMOS 66:13

Cambac huasimanca canman cushpa tucui rupachina animalhuanmi yaicusha. Canman cusha nishcataca cushatacmi.

SALMOS 78:68

Chaipac randica Judapac ailluta, Sión urcuta acllashpami cuyarca.

ÉXODO 25:8

Cancunapac chaupipi ñuca causangapac ñucahuan tupana huasita shayachinguichic.

ÉXODO 29:45

Ñucaca israelcunapac chaupipimi causasha, shinallatac ñucaca paicunapac Diosmi casha.

JEREMÍAS 7:12

Ñaupa punzhacunapi ñuca shutita causachun churashca Silo llactaman richic. Chaipi ñuca acllashca israelcuna mana allita ruhuashcamanta ñuca imata ruhuashcata ricuichic.

LEVÍTICO 17:4

ñucahuan tupana huasi yaicunapi ñucaman cungapac mana apamushpa, paicuna causacuc ucullapitac, mana cashpaca canzhapi huañuchishcamantaca juchanchishcami canga. Shinallatac israelpuramanta anchuchishcami canga.

DEUTERONOMIO 12:13

Ama maipipish paiman cushpa tucuita rupachinguichicchu.

DEUTERONOMIO 12:14

Cancunapac aillupurapi Mandac Dios acllashca pushtupi rupachinguichic. Chaillapitac tucui ñuca mandashcatapish ruhuanguichic.

DEUTERONOMIO 12:18

Mandac Dios acllashca pushtuman rishpa, paipac ñaupapi ushicunahuan, churicunahuan, servic caricunahuan, servic huarmicunahuan, cancunapac llactapi causac levitacunahuan micunguichic. Chaipimi cancunapac maquihuan ruhuashcata Mandac Dios bendiciashcamanta cushicuna canguichic.

DEUTERONOMIO 12:21

Mandac Dios paipac shutita churangapac acllashca pushtu carupi cacpica, ñuca mandashca shina huagracunatapish, ovejacunatapish huañuchishpa, cancuna munashca shina, cancunapac llactallapitac micunguichiclla.

DEUTERONOMIO 12:26

Shina cashpapish, Mandac Diosman cungapac chicanyachishcatapish, cushami nishca ofrendatapish Mandac Dios acllashca pushtuman apanguichic.

DEUTERONOMIO 12:5

Ashtahuanpish Mandac Dios, paipac shutita causachun churangapac acllashca pushtuman rishpa, chaipi paitaca alli nina canguichic.

DEUTERONOMIO 14:23

Mandac Dios paipac shutita causachun acllashca pushtupi, Mandac Diospac ñaupapi chungamanta shucta cushca huagrata, mushuc vinota, aceiteta, punta huacharishca huagrata, ovejata micunguichic. Chashnami Mandac Diostaca tucui punzhacuna manchana canguichic.

DEUTERONOMIO 15:19

Tucui punta huacharishca huagracunata, cari ovejacunata Mandac Diospaclla cachun chicanyachinguichic. Punta huacharishca huagrahuan ama trabajanguichicchu. Punta huacharishca ovejata ama rutunguichicchu.

DEUTERONOMIO 15:20

Chaicunataca Mandac Dios acllashca pushtupimi huatanta paipac ñaupapi cancunapac familiacunahuan micuna canguichic.

DEUTERONOMIO 17:8

Maijan llaquicuna mana allipac tiyangami. Chaica huañuchinacui, quichunacui, macanacui, mana cashpaca shucta piñanacui tiyacpica, Mandac Dios acllashca pushtumanmi rina canguichic.

DEUTERONOMIO 18:6

Israelcuna causana maijan llactapi shuc levita causacushpa, Mandac Dios acllashca pushtuman tucui munaihuan

DEUTERONOMIO 23:16

Paillatac cancunapac maijan llactata acllashpa cancunapac chaupipi causachun saquinguichic. Ama paita llaquichinguichicchu.

DEUTERONOMIO 26:2

punta pucushca granota shuc canashtapi churashpa, Mandac Dios paipac shuti causachun acllashca pushtuman apanguichic.

DEUTERONOMIO 31:11

cai mandashcacunata Mandac Diospac acllashca pushtuman israelcuna tandanacumucpi rezanguichic.

JOSUÉ 18:1

Tucui tandanacushca israelcuna chai llactacunata japishca quipaca, Silo pueblopimi tandanacushpa, Dios-huan tupana huasita shayachirca.

JOSUÉ 22:11

Chaitami israelcunaca: “Rubenpac, Gadpac aillucunapish, Manasespac chaupi aillupish Canaán llacta chimba lado Jordán yacu lado israelcunapac ladopimi shuc altarta ruhuashca” nicta uyarca.

JOSUÉ 22:16

—Mandac Diospac tucui tandanacushca israelcunami: “¿Ima nishpatac yachashca jahua israelcunapac Diosta piñachishpa mana cazucunguichic? Cunanca, ¿ima nishpatac Mandac Diosta catinata saquishpa, paita mana cazushpa, shuc altarta ruhuarcanguichic?

JOSUÉ 22:23

Ñucanchicca Mandac Diosmanta mana caruyashcanchicchu. Cai altartaca mana Diosman animalta cushpa tucui rupachingapacchu, mana ofrendata cungapacchu, mana Dios-huan alli tucungapac cungapacchu ruhuashcanchic. Chaicunata ruhuangapac chai altarta ruhuashca cacpica, ñucanchicta Mandac Dios llaquichichun.

JOSUÉ 22:27

ashtahuanpish ñucanchicpish, Mandac Diospac ñaupapi servic cashcata, animalta cushpa tucui rupachic cashcata, ofrendata cuc cashcata, Dios-huan alli tucungapac ofrendata cuc cashcata ñucanchicpac, cancunapac quipa huiñai churicunaman shuc ricuchina cachunmi ruhuanchic. Shina ruhuacpimi, quipa punzhacunaca cancunapac churicunaca ñucanchic churicunataca: ‘Cancunaca Mandac Diosmantaca ima japinatapish mana charinguichicchu’ nishpaca mana rimanga” nircanchic.

JOSUÉ 22:29

Mana Mandac Diosta piñachingapacchu, mana Mandac Diosta catinata saquingapacchu, cai altartaca ruhuashcanchic. Caitaca mana Diosman animalta cushpa tucui rupachingapacchu, mana grano ofrendata cungapacchu, Dios-huan alli tucungapac mana cungapacchu ruhuashcanchic. Caica mana Dios-huan tupana huasi ñaupapi tiyac cancunata Mandac Diospac altar tiyashca jahua ruhuashcachu” nirca.

JOSUÉ 9:27

Chai punzhami Josueca gabaonitacunataca yantata pitic cachun, tandanacushca israelcunamanpish, Mandac Diospac altarmanpish yacuta ashtachun churarca. Mandac Dios acllashca pushtupimi chashna ruhuashpa, causachun churarca. Cunancamanmi chaita ruhuashpa causancuna.

1 SAMUEL 1:21

Chai quipami Elcanaca tucui paipac familiacunandi Mandac Diosman animalta cushpa huañuchishpa pai ari nishcata pactachingapac Diospac huasiman rirca.