DEUTERONOMIO 12:10 - Dios Rimashcata Quillcashcami

¹⁰ Jordán yacuta pasashpami, Mandac Dios cushca llactamanca yaicunguichic. Pai tucui piñaccunamanta muyundita cuidacpimi, cushilla samaringuichic.

DEUTERONOMIO 12:10 ပူးပေါင်းရင်းမြစ်များ

1 REYES 4:25

Salomón causai punzhacunapica Judá llactapi, Israel llactapi causaccunaca Dan pueblomanta Beerseba pueblocamanmi, uvas chagrayuc, higo chagrayuc alli causarcacuna.

1 REYES 8:56

«¡Mandac Diosca alli nishca cachun! Paica paita servic Moisesta huillachun mandashca shinallatacmi tucui imata cusha nishcataca shuc rimashcallatapish mana cungarishpa, tucui pactachishca.

1 CRÓNICAS 22:18

«¿Cancunata Mandac Diosca manachu cancunahuan? ¿Maita ricpipich, manachu cancunamanca cushi causaita curca? Paimi cai llactapi causaccunataca ñuca maquipi churashca. Chaimantami chai llactapi causaccunaca Mandac Diospac ñaupapi pai acllashcacunapac ñaupapi mandashca causancuna.

SALMOS 4:8

Can Mandac Diosmi ñucataca imatapish mana manchashpa causachun ruhuashcangui. Chaimantami cushilla siririshpa sueñusha.

ÉXODO 33:14

Shina nicpimi, Mandac Diosca: —Ñucallatacmi canta pushashpa, cancunata samachisha— nirca.

PROVERBIOS 1:33

Ashtahuanpish ñucata uyashpaca, llaquicunata mana manchashpa, imatapish mana manchashpami, cushilla causanga” nishpami huillacun.

JEREMÍAS 23:6

Pai mandacui punzhacunapica Judá llactapi causaccunaca quishpiringami. Israelcunapish imata mana manchashpami Mandac Diospi shunguta churashpa causanga. Chaimantami: “Mandac Diosca ñucanchicman cashcata ruhuacmi” nishpa cayangacuna.

JEREMÍAS 32:37

ñucami nina japiric shina yallita piñarishpa, mana ricusha nishpa, llucchishpa cacharcani. Cunanca paicunataca tucui llactacunamantami cutinllatac tandachimusha. Shina tandachishpami, cai llactapica imatapish mana manchashpa causachun churasha.

JEREMÍAS 33:11

yallita cushicushpa asishcapish, novia, novio cantashcapish, shinallatac Mandac Dios ñucapac huasiman ofrendata apamushpa: “¡Tucuita mandac Diosta alabaichic, paica allimari! Paica huiñaita cuyacunllami” nishpa, cantashcapish uyaringami. Ñucaca prezumanta cutichimushpaca, utcapi shinallatac causachunmi allichisha. Chaitaca Mandac Dios ñucami nini.

EZEQUIEL 28:26

Chai llactapimi imatapish mana manchashpa, huasicunata shayachishpa, uvas tarpushpa causanga. Chai llactapica imatapish mana manchashpami causanga. Chai muyundipi causaccunata cashcata ruhuashpa, ñuca llaquichicpimi, chashnaca causanga. Chaita ricushpami, ñucataca Mandac Dios cashcata yachangacuna” ninmi ningui» nirca.

EZEQUIEL 34:25

Cushi causai tiyachunmi paicunahuan ari ninacusha. Cai llacta millai animalcunataca anchuchishami. Chaimantami shitashca pambapi imata mana manchashpa causanga. Sachapi cashpapish sumactami sueñunga.

EZEQUIEL 34:28

Shuctac llactapi causaccunapish ña mana ashtahuan servichishpa llaquichingachu. Cai allpapi tiyac millai animalcunapish mana micungachu. Pipish mana llaquichingachu. Chaimantami imata mana manchashpa causanga.

EZEQUIEL 38:11

Chaimantami canca: ‘Muyundita mana pircashca, punguta mana aldabashca, macanacunata mana yachac llactacunaman rishpa, chai cushilla causac gentecunata llaquichingapacmi rigrini.

EZEQUIEL 38:8

Achca punzhacuna quipaca Israel llacta urcucunaman richunmi mandasha. Chai llactaca unai huatacuna quipami llaquimanta quishpiringa. Chai llactamanmi tandanacushpa ringui. Israel llacta urcucunaman shamungui. Chaipi causaccunaca llaquinayaita tucuchishcami carca. Shina cashpapish, cunanca shuctac llactacunamanta llucshimushpami, imata mana manchashpa causan.

DEUTERONOMIO 11:31

Mandac Dios cushca llactata japingapacmi Jordán yacuta pasagringuichic. Chai llactata japishpami, chaipi causanguichic.

DEUTERONOMIO 3:27

Pisga urcuman llucshishpa uratapish, jahuatapish, inti tigrana ladotapish, inti llucshina ladotapish ricui. Canca Jordán yacutaca mana pasanguichu.

DEUTERONOMIO 33:12

Benjaminmanta nishpaca: «Mandac Diosca paita cuyanmi. Paipac ladopimi mana manchashpa causanga. Paipac rigra ucupimi cuidashpa charinga» nirca.

DEUTERONOMIO 33:28

Israelca mana manchashpami causanga. Jacobomanta mirashca israelcunaca paicunallami grano allpapi, uvas chagra allpapi causanga. Jahua pachamanta urmac sumac garua tamyapish mana illangachu.

DEUTERONOMIO 4:22

Chaimantami ñucaca Jordán yacuta mana pasashpa, cai llactapi huañugrini. Shina cacpipish, cancunaca cai yacuta pasashpa, sumac llactata japinguichicmi.

DEUTERONOMIO 9:1

¡Israelcuna uyaichic! Cunanmi Jordán yacuta pasashpa, cancunata yalli achca, sinchi gentecunamanta allpata quichushpa, llucchishpa cachagringuichic. Muyundita alto pircashca llactacunatapish quichunguichicmi.

JOSUÉ 11:23

Mandac Dios Moisesta mandashca shinallatacmi Josueca tucui chai llactata japirca. Chai llactacunataca Israel aillucuna mashna aillu cashca shinallatacmi, chaupishpa curca. Shinami chai llactaca ña mana macanacui tiyacpi samarirca.

JOSUÉ 14:1

Canaán llactapica cai allpatami israelcunaca japirca. Cai allpataca Eleazar cura, Nunpac churi Josué, Israel aillucunapac huasi ucupurata pushaccunami chaupishpa curca.

JOSUÉ 3:17

Ashtahuanpish Mandac Dios ari nishca quillcata huacaichina Arcata huandushpa ric curacunaca Jordán yacu chaupipimi chaquishca allpapi tucui gentecuna pasangacaman shayacurcacuna. Chashnami Jordán yacuca tucui israelcuna pasangacaman chaquishca carca.

JOSUÉ 4:12

Moisés mandashca shinallatacmi Rubenpac, Gadpac aillupish, Manasespac chaupi aillupish macanacunata apashpa, caishuc israelcunapac ñaupata pasarca.

1 SAMUEL 7:12

Chai quipami Samuelca shuc jatun rumita japishpa, Mizpa pueblohuan Sen pueblohuan tupanacui chaupipi churashpaca: «¡Mandac Diosca caicamanmi ñucanchictaca ayudashca!» nishpa, Eben-ezerta shutichirca.