DEUTERONOMIO 11:9 - Dios Rimashcata Quillcashcami

⁹ Mandac Dios cancunapac taitacunamanpish, quipa huiñaicunamanpish cushami nishca lechepish, mishquipish callpacuc llactapi unaita causangapacca tucui mandashcacunatami pactachina canguichic.

DEUTERONOMIO 11:9 ပူးပေါင်းရင်းမြစ်များ

ÉXODO 20:12

Mandac Dios ñuca cushca llactapi unai huatata causangapac cambac taita mamata cazungui.

ÉXODO 3:8

Chaimantami Egipto runacunapac maquimanta cacharichingapac urai shamurcani. Cai llactamanta llucchishpa lechepish, mishquipish tiyac sumac llactaman pushangapacmi shamurcani. Chai llactaca cananeocunapac, heteocunapac, amorreocunapac, ferezeocunapac, heveocunapac, jebuseocunapac llactami can.

PROVERBIOS 10:27

Mandac Diosta manchacpica, causana punzhacunami miran. Ashtahuanpish Diosta mana manchaccunapac causana punzhacunaca utcami tucurin.

PROVERBIOS 3:16

Alli maquipica unai huata causanatami charicun. Cutin lluqui maquipica charic tucunata, alli nishca canatami charicun.

PROVERBIOS 3:2

Shina ruhuashpami unai punzhacunata, unai huatacunata cushilla causangui.

PROVERBIOS 9:11

Ñucamantami can causana punzhacunapish ashtahuan miranga. Can causana huatacunapish yapachishcami canga.

EZEQUIEL 20:6

Egipto llactamanta llucchishpa, lechepish, mishquipish tiyac llactamanmi pushasha. Chai llactaca tucui llactamanta yalli sumac llactami.

DEUTERONOMIO 1:8

Riquichic, ñucami cai llactacunata cancunapac maquipi churani. Mandac Dios ñucami chai llactacunataca cancunapac taita Abrahamman, Isaacman, Jacoboman, paicunapac huahua huahuacunaman cungapac ari nircani. Chai llactacunata japishpa tiyarigrichic” nirca.

DEUTERONOMIO 11:10

Cancuna japigricushca llactaca mana cancuna llucshimushca Egipto llacta shinachu. Chaipi tarpushpaca shuc huertata parcuc shinami chaquihuan aisashpa parcuc carcanguichic.

DEUTERONOMIO 11:21

Mandac Dios cancunapac taitacunaman cushami nishca llactapica cancunapish, cancunapac huahuacunapish ima shinami jahua pacha, cai pacha huiñaita can, chashnami cancunapish huiñaita causanguichic.

DEUTERONOMIO 4:40

Cancunapish, cancunapac huahuacunapish, cancunapac quipa huiñaicunapish alli cangapac, shinallatac Mandac Dios cushca llactapi unaita causangapacca cai ñuca cunan yachachishpa mandashcacunata, pactachinacunata cazunguichic» nirca.

DEUTERONOMIO 5:16

Mandac Dios ñuca cushca llactapi unaita causangapac, chaipi alli causangapacca canta Mandac Dios ñuca mandashca shina cambac taita mamata cuyangui.

DEUTERONOMIO 5:33

Mandac Dios ima shina causachun nishca shina causanguichic. Chashna causashpami, Dios cushca llactata japishpaca, unaita, allita causanguichic.

DEUTERONOMIO 6:18

Cancunapac taitacunaman cushami nishpa ari nishca llactata japishpa, alli causangapacca Mandac Diospac ñaupapi imatapish allita, cashcata ruhuashpa causanguichic.

DEUTERONOMIO 6:2

Canpish, cambac huahuacunapish, nietocunapish canta Mandac Diosta manchachunmi yachachini. Unaita causangapacca tucui punzhacunami cai mandashcacunata yuyarashpa, cazuna canguichic.

DEUTERONOMIO 6:3

Israelcunalla uyaichicyari. Lechepish, mishquipish yacu shina callpacuc llactapi tucui imata cancuna ruhuashca alli llucshichunca caicunata yuyarashpami, pactachina canguichic. Chashnami ñaupa cancunapac taitacunaman Mandac Dios nishca shina achca tucushpa causanguichic.

DEUTERONOMIO 8:7

Mandac Diosca sumac yacu caita chaita callpacuc, allpa ucutapish yacu callpacuc, pambacunapish, urcucunapish yacu llucshicuc llactatami cancunamanca cunga.

DEUTERONOMIO 9:5

Mana cancuna cashcata ruhuac, shungupi allita yuyac cashcamantachu cai llactata japigringuichic, ashtahuanpish chai llactapi causaccuna mana allita ruhuashcamantami llucchishpa cacharca. Mandac Dios cancunapac ñaupa taita Abrahamman, Isaacman, Jacoboman cungapac ari nishcata pactachingapacmi chashnaca ruhuagrin.