DEUTERONOMIO 11:28 - Dios Rimashcata Quillcashcami

²⁸ Ashtahuanpish ñuca mandashcata mana uyashpa, Mandac Diosta mana cazushpa, mana ricsishca shuctac dioscunata catishpaca, maldiciashcami canguichic.

DEUTERONOMIO 11:28 ပူးပေါင်းရင်းမြစ်များ

PROVERBIOS 3:33

Mandac Diosca paita mana manchacpac huasitaca maldiciangami. Ashtahuanpish cashcata ruhuacpac huasitaca bendiciangami.

ISAÍAS 1:20

Ashtahuanpish cariyashpa, mana uyasha nishpaca jatun macanacuipimi tucuringuichic. Chaitaca Mandac Dios ñucami nini» ninmi.

ISAÍAS 3:11

¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.

JEREMÍAS 7:6

Shuctac llacta runatapish, taita mama illac huahuatapish, viudatapish ama llaquichinguichicchu. Cai llactapi causac mana faltayuc runapac yahuarta ama jichaichicchu. Cancunapac allipacllata ama shuctac dioscunata catinguichicchu.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

GÁLATAS 3:10

Mandashcacunata pactachishpalla Dios alli tucusha niccunaca jatun llaquitami apangacuna. Dios quillcachishcapica: «Mandashcacunata mana tucui allita pactachictaca, llaquichingapac chicanyachishcami canga» ninmi.