DEUTERONOMIO 11:10 - Dios Rimashcata Quillcashcami

¹⁰ Cancuna japigricushca llactaca mana cancuna llucshimushca Egipto llacta shinachu. Chaipi tarpushpaca shuc huertata parcuc shinami chaquihuan aisashpa parcuc carcanguichic.

DEUTERONOMIO 11:10 ပူးပေါင်းရင်းမြစ်များ

ISAÍAS 19:10

Tucui telata ruhuaccunapish, trabajaccunapish llaquillami canga.

ISAÍAS 37:25

Ñucaca shuctac llactacunapimi junduta allashpa, yacuta ubiarcani. Egiptopi tiyac jatun yacucunataca ñuca chaquihuan sarushpami chaquichircani’ nishcanguimi.

JEREMÍAS 2:7

Ñucami allita micushpa causachun alli grano pucuc allpaman pushamurcani. Ashtahuanpish cancuna chaiman yaicushpaca ñuca llactata mapayachircanguichicmi. Millanatami ruhuarcanguichic.

ZACARÍAS 14:18

Egiptomanta maijan familia Jerusalenman mana shamucpica, paicunapac llactapica mana tamyangachu. Mandac Diosca ramacunahuan chucllata ruhuana fiestata ruhuangapac mana shamuc gentecunapac llactacunataca jatun ungüihuanmi llaquichinga.

DEUTERONOMIO 11:11

Cancuna japingapac yaicugricuc llactaca urcucunapish, pambacunapish jahua cielomanta tamyahuan pucuna allpacunami.

DEUTERONOMIO 11:9

Mandac Dios cancunapac taitacunamanpish, quipa huiñaicunamanpish cushami nishca lechepish, mishquipish callpacuc llactapi unaita causangapacca tucui mandashcacunatami pactachina canguichic.

DEUTERONOMIO 8:7

Mandac Diosca sumac yacu caita chaita callpacuc, allpa ucutapish yacu callpacuc, pambacunapish, urcucunapish yacu llucshicuc llactatami cancunamanca cunga.