DEUTERONOMIO 10:8 - Dios Rimashcata Quillcashcami

⁸ Chai huatacunapimi Mandac Dios ari nishca quillcata huacaichina Arcata apachun, Levipac aillucunata chicanyachirca. Mandac Diosca paipac ñaupapi servichun, paipac shutita cunan punzhacaman alli nichunmi chicanyachirca.

DEUTERONOMIO 10:8 ပူးပေါင်းရင်းမြစ်များ

1 REYES 8:6

Chai quipami curacunaca Mandac Dios ari nishca quillcata huacaichina Arcataca Dios-huan tupana huasiman yaicuchishpa, Diospaclla chicanyachishca ucuman apashpa querubincunapac alas ucupi churarca.

1 CRÓNICAS 15:2

Shina ruhuashpami Davidca: «Diospac Arcataca mana pipish apangachu, ashtahuanpish levitacunallami apanga. Mandac Diosmi paicunataca paipac Arcata apachunpish, tucui causaipi paita servichunpish acllashca» nirca.

1 CRÓNICAS 15:26

Mandac Dios ari nishca quillcata huacaichina Arcata levitacuna apacucpi, Dios ayudashcamantami canchis becita, canchis cari ovejata Diosman cushpa huañuchirca.

1 CRÓNICAS 23:13

Amrampac churicunaca: Aarón, shinallatac Moisesmi carca. Aarontapish, paipac huahua huahuacunatapish paipac ñaupapi huiñaita servishpa inciensota rupachichun, shinallatac paipac shutipi israelcunata huiñaita bendiciachunmi Mandac Diosca chicanyachirca.

1 CRÓNICAS 23:26

Levitacunaca Dios-huan tupana huasitapish, Diospacta ruhuangapac ima charinacunatapish mana ashtahuan maimanpish apangacunachu» nirca.

2 CRÓNICAS 29:11

Ñuca huahuacunalla, ama mana entendiccuna, imatapish cungariccuna canguichicchu. Mandac Diosca cancunataca paipac ñaupapi paillata servishpa, paipacllata ruhuachun, shinallatac inciensota rupachichunmi acllarca» nirca.

2 CRÓNICAS 30:27

Chai quipaca curacunapish, levitacunapish jatarishpami, gentecunata bendiciarca. Paicuna ima nishcataca Diosca uyarcami. Shinallatac paicuna mañashcapish, Mandac Dios causacuc jahua pachacamanmi uyarirca.

SALMOS 134:1

Riqui, Mandac Diostaca alli nichicyari. Tucui paita serviccunapish, paipac huasita tuta cuidaccunapish alli nichicyari.

SALMOS 134:2

Paipac huasiman maquicunata chutashpa, Mandac Diosta alli nichicyari.

SALMOS 135:2

Mandac Diospac huasipi caccunapish, ñucanchic Diospac huasi canzha pambapi caccunapish alabaichicyari.

JEREMÍAS 15:19

Shina nicpimi, Mandac Diosca: «Can ñucapacman cutiricpica, cutinmi cantaca alliyachisha. Shina ruhuacpica, ñuca ñaupapimi ñucata servishpa causangui. Imapacpish mana vali parlocunata saquishpa, alli rimaicunallata parlashpaca, ñuca rimashcatami cutin huillangui. Canca ama paicunapacman cutirichu. Ashtahuanpish paicunami cambacman cutiringa.

EZEQUIEL 44:11

Paicunaca ñuca huasi pungucunata cuidashpami servinga. Paicunami tucui rupachina animalcunatapish, israelcuna ñucaman cushca animalcunatapish huañuchinga. Israelcunata servishpami causanga.

EZEQUIEL 44:15

Ashtahuanpish Sadoc curapac huahua huahua levita curacunaca, israelcuna ñucamanta caruyacpipish ñuca huasipi servishpami catirca. Chaimantami paicunaca ñucapaclla huasipi, ñucapac ñaupapi servishpa catinga. Ñucaman cushca huiratapish, yahuartapish ñuca ñaupapimi rupachinga. Chaitaca Mandac Dios ñucami nini.

LEVÍTICO 8:9

Cutin umapica mitrata churachishpami, ñaupamanca Diospaclla cashcata ricuchishpa, curi latapi quillcashpa churarca. Moisesca Mandac Dios mandashca shinallatacmi ruhuarca.

LEVÍTICO 9:22

Israelcuna paicunapac juchacunamanta Diosman cushcatapish, tucui rupachina animaltapish, Dios-huan alli tucungapac cushca animaltapish Diosman cushca quipami maquita alzashpa, israelcunata bendiciashpa, altar cuchumanta anchurirca.

NÚMEROS 3:31

Paicunami Arcatapish, candelerocunatapish, altarcunatapish, Dios-huan tupana huasi ucupi tucui imalla tiyashcacunatapish, Diospaclla chicanyachishca ucupi imalla ruhuanacunatapish, jarcachishca pañocunatapish, tucui imalla tiyashcacunatapish ricucurca.

NÚMEROS 3:6

«Aarón curata ayudachun Levipac aillucunata pushamui.

NÚMEROS 4:15

Aarón paipac churicunahuan tucui ñucapaclla chicanyachishcacunata catashpa, shuc llactaman rigricpimi, Cohatpac churicunaca apangapac cuchuyanga. Shina apashpapish, ñucapaclla caccunataca mana tuparinachu can. Tuparishpaca huañungami. Caicunami Cohatpac churicuna ñucahuan tupana huasipi ruhuanaca can.

SAN JUAN 15:16

Mana cancunachu ñucataca acllarcanguichic, ashtahuanpish ñucami cancunataca acllarcani. Cancuna rishpaca, allita, huiñaita pucuc yura shina causaichic, Shina causashpa, ñuca shutipi imata mañacpica, ñuca Taitaca cungallami.

HECHOS 13:2

Paicuna ayunashpa, Diosta mañashpa tiyacucpimi, Diospac Espirituca: «Bernabetapish, Saulotapish huillachun cachaichic. Paicunataca ñami acllarcani» nirca.

ROMANOS 1:1

Jesucristota servic, apóstol cangapac acllashca, alli huillaita huillachun Dios chicanyachishca Pablomi caita quillcani.

ROMANOS 12:7

Shuccunata servicta ruhuashca cacpica, servishpa catichun. Yachachicta ruhuashca cacpica, yachachishpa catichun.

2 CORINTIOS 6:17

Chaimantami tucuita Mandac Diosca: «Paicunapuramanta llucshichic. Paicunamanta chicanyarichic. Imapish mapayachic-huanca ama chapurichicchu, chaipica ñucaca chasquishami.

GÁLATAS 1:15

Shina cacpipish ñuca manarac huacharicpimi, Diosca ñucata mai cuyashpa, chicanyachishpa acllarca. Chashna acllashpaca, pai munashca pachami

DEUTERONOMIO 17:12

Mandac Diosta servic curatapish, jueztapish maijan mana cazushpa, quiquin munashcata ruhuacpica, chai runataca huañuchinami canguichic. Chashnami israelpuramanta millaita anchuchinguichic.

DEUTERONOMIO 18:5

Mandac Diosmi paicunatapish, paicunapac churicunatapish huiñaita paipac shutipi servichun tucui aillumanta acllarca.

DEUTERONOMIO 21:3

Chai huañushcamanta cuchullapi cac llactapi causac pushac yuyaccunami shuc manarac trabajac, manarac yugota aparishca vaquillata apamunga.

DEUTERONOMIO 21:5

Chai quipaca Levipac churi curacunami cuchuyanga. Paicunatami Mandac Diosca servichun, paipac shutipi bendiciachun acllarca. Ima piñanacui, ima mana alli tiyacpica, paicuna imata nicpimi, imatapish ruhuanga.

DEUTERONOMIO 31:9

Moisesca cai mandashcacunata quillcashpami Mandac Dios-huan ari nishca quillcata huacaichina Arcata apac Levipac huahua huahuacunamanpish, israelcunata pushac yuyaccunamanpish curca.