DEUTERONOMIO 10:21 - Dios Rimashcata Quillcashcami

²¹ Cancuna alli nina Diosmi. Paica cancunamantami jatun mancharinacunata ruhuarca. Chaitaca cancunapac ñahuihuanmi ricurcanguichic. Paica cancunapac Diosmi.

DEUTERONOMIO 10:21 ပူးပေါင်းရင်းမြစ်များ

2 SAMUEL 7:23

Shinallatac can acllashca Israel llacta shinaca, ¿maijan llactatac cai pachapica tiyanyari? Cai llactataca paicunaman allita ruhuashpa, tucuiman ricsichingapacmi huatashca shina causacucmanta cacharichircangui. Canca llactapi causaccunatapish, chaipi tiyac dioscunatapish llucchishpa cachashpaca, jatun mancharinacunata ruhuashpami Egiptomanta cambaclla cachun llucchimurcangui.

SALMOS 109:1

Ñuca alli nina Dioslla, ama upalla saquirichu.

SALMOS 145:6

Pi mana ruhuaipac jatun mancharinacunata can ruhuashcata huillacpica, ñucapish can sumaimana ruhuashcacunataca huillashami.

SALMOS 148:14

Paimi, pai acllashcacunapac mandanatapish sinchiyachin. Diosta tucui caticcuna paita alabachun. Israelcunapish, paicunapac cuchullapi causaccunapish paita alabaichicyari. ¡Mandac Diostaca alabaichicyari!

SALMOS 22:3

Canca jucha illacmi cangui. ¡Israelcuna alli nishcami causangui!

ÉXODO 15:2

Mandac Diosca ñucata sinchiyachicmi. Ñuca cantana Diosmi. Paimi ñucata quishpichirca. ¡Paimi ñuca Dios, paitami cantasha! ¡Paimi ñuca taitapac Dios! ¡Paitami jatunyachisha!

ÉXODO 34:10

Mandac Diosca Moisestaca: «Riqui, ñucaca tucuipac ñaupapimi ari ninacuita ruhuani. Cai pachapipish, mai llactacunapipish mana ruhuashca jatun mancharinacunatami ruhuashpa ricuchisha. Tucui canhuan cac gentecunami chashna Mandac Dios mancharinacunata ruhuashcata ricunga. Ñuca ruhuashcacunaca mai sumacmi canga.

ISAÍAS 60:19

Punzhaca mana intichu cantaca achicyachinga. Tutaca mana quillachu cantaca achicyachinga. Ashtahuanpish Mandac Dios ñucami huiñai huiñaita achicyachisha. Cambac Dios ñucami cambac sumaimana achicyachic casha.

ISAÍAS 64:3

Jaicapi ñucanchic mana yuyashca mancharinacunata ruhuangapac can urai shamucpica, urcucunapish cambac ñaupapi chucchurcami.

JEREMÍAS 17:14

Mandac Dioslla, ñuca alli nina Diosmi cangui. Ñucata jambiyari. Can jambicpica, alli tucushatacmi. Quishpichiyari. Can quishpichicpica, quishpirishatacmi.

SAN LUCAS 2:32

Mana israelcunamanca, achicyachic luz shinami canga. Pai acllashca israelcunapacca mandacmi canga» nirca.

JOSUÉ 24:18

Mandac Diosmi ñucanchic ñaupamanta mai llactapi causaccunatapish, chai llactapi causac amorreocunatapish llucchishpa cacharca. Chaimanta ñucanchicpish, Mandac Diostami servishun, paica ñucanchic Diosmi— nircacuna.

APOCALIPSIS 21:23

Chai pueblotaca Dios pai sumaimana cashcahuan, shinallatac Pactalla Oveja lámpara shina achicyachicucpimi, intipish, quillapish achicyachingapacca mana tiyana carca.

1 SAMUEL 12:24

Mandac Diosllatac manchashpa, tucui shunguhuan servishpa causaichic. Cancunamanca Mandac Diosca achca allicunata ruhuashcataca allitami yuyarina canguichic.