DEUTERONOMIO 10:2 - Dios Rimashcata Quillcashcami

² Puntapi can paquishca rumipi quillcashca shinallatacmi chai rumipi quillcasha. Chai rumitaca caspimanta ruhuashca Arcapi huacaichingui” nirca.

DEUTERONOMIO 10:2 ပူးပေါင်းရင်းမြစ်များ

1 REYES 8:9

Diospac Arcapica ima shucca mana tiyarcachu. Horeb urcupi cashpa, Moisés churashca ishcai tabla rumicunallami tiyacurca. Chai rumicunapica, Egiptomanta llucshimucpi, Mandac Dios israelcunahuan ari nishcatami quillcashca carca.

2 CRÓNICAS 5:10

Chai Arcapica Horeb urcupi Moisés churashca ishcai tabla rumicunallami carca. Chaica, Egiptomanta llucshimucpi, Mandac Dios Israelcunahuan ari nishcata quillcashcami carca.

ÉXODO 32:19

Carpa huasicunaman Moisés cuchuyashpaca, curimanta ruhuashca becitapish, israelcuna danzacuctapish ricushpami, yallita piñarishpa, pai charicushca ishcai tabla rumicunata urcu chaquipi ñuturicta shitarca.

ÉXODO 34:1

Mandac Diosca Moisestaca: —Utcapi ruhuashca tabla rumicunata cutin ruhuai. Chaipica can paquishca rumicunapi quillcashca rimashcacunallatatac quillcai.

ÉXODO 40:20

Chai quipami ari nishca quillcata japishpa Arca ucupi churarca. Huanduna varacunatapish, Arca tapatapish churarcami.

DEUTERONOMIO 10:5

Urcumanta uraiman cutishpami, chai rumicunataca ñuca ruhuashca Arcapi churarcani. Chaipimi Mandac Dios mandashca shinallatac cunancaman tiyacun.

DEUTERONOMIO 4:13

Chaipimi Mandac Diosca pai ari nishcata huillashpa, chunga mandashcacunata ishcai tabla rumipi quillcashpa mandarca.

HEBREOS 9:4

Chaica, inciensota rupachina curi altarmi tiyarca. Dios-huan ari nishcata huacaichina, muyundita curimanta ruhuashca cajonpish tiyarcami. Chai cajonpica maná shuti tandapish, curimanta ruhuashca mangapish, Aaronpac huiñacuc verdinlla taunapish, Dios mandashcacunata quillcashca ishcai tabla rumipish tiyarcami.