DEUTERONOMIO 10:18 - Dios Rimashcata Quillcashcami

¹⁸ Paica taita mama illaccunamanpish, viudacunamanpish cashcata ruhuacmi. Shuctac llactamanta shamushpa causaccunamanpish caracmi, churachicmi.

DEUTERONOMIO 10:18 ပူးပေါင်းရင်းမြစ်များ

2 CRÓNICAS 19:7

Mandac Diosta manchashpa causanguichic. Imata ruhuangapacpish alli yuyarichic. Ñucanchicta Mandac Diosmanca ima mana allipish, shucllaman tucunapish, ima cushcacunata pacalla japinapish mana tiyanchu» nirca.

SALMOS 10:18

Allpallamantac ruhuashca runa ama llaquichishpa catichunmi taita mama illac huahuacunatapish, llaquichishca causaccunatapish ayudashcangui.

SALMOS 103:6

Mandac Diosmi llaquihuan causaccunamanca cashcata ruhuashpa, japina cashcata cun.

SALMOS 145:9

Mandac Diosca tucuihuanmi alli. Tucui pai ruhuashcacunaca pai llaquishcamantami tiyan.

SALMOS 146:9

Mandac Diosca, pozashpalla causaccunata cuidacmi. Taita mama illac huahuacunamanpish, viudacunamanpish caracmi. Shina cashpapish paita mana manchaccunamanta causaita quichunmi.

SALMOS 68:5

Paipaclla huasipi tiyacuc Diosca taita mama illac huahuacunapac Taitami. Viudacunapac juezmi can.

SALMOS 68:6

Diosmi shitashca huahuacunataca, familiahuan causachun churan. Prezu causaccunatapish cacharichinmi. Paita cariyaccunataca chaquishca allpapimi causachun churan.

ÉXODO 22:20

Maijanpish Mandac Diosman animalcunata huañuchishpa, mana cushpa, shuctac dioscunaman cucca huañunami can.

ÉXODO 22:21

Egiptopica pozashpallami causarcangui. Chaimanta cancunapac llactapi pozashpalla causactaca ama umanguichu, ama llaquichinguichu.

ÉXODO 22:22

Viuda huarmitapish, taita mama illac huahuacunatapish ama llaquichinguichu.

ÉXODO 22:23

Paicunata llaquichicpi, paicuna ñucata mañacpica, ñucaca uyashami.

ISAÍAS 1:17

allita ruhuanata yachacuichic. Allita mandanata munaichic. Llaquichic runata rimaichic. Taita mama illac huahuacunatapish, viuda huarmitapish ayudaichic» ninmi.

JEREMÍAS 49:11

Taita mama illac huahuacunataca saquichiclla, ñucami huiñachisha. Viuda huarmicunapish ñucapi shunguta churachunlla» ninmi.

OSEAS 14:3

Asiriocunaca ñucanchictaca mana quishpichingachu. Caballocunapipish mana montashunchu. Ñucanchicllatac ruhuashca dioscunataca jaicapi mana: “Caimi ñucanchic diosca” nishunchu. Taita mama illac huahuataca canllami llaquingui» nishpa mañaichicyari.

LEVÍTICO 25:35

Cancunapuramanta maijanpish huaccha tucushpa, mana causai pudishpa, canman mañacpica, paita ayudangui. Paica shuctac llactamanta shamushca shinami canhuanca causan.

NÚMEROS 10:32

Ñucanchic-huan ricpica, Mandac Dios tucui allicunata ñucanchicman cushcatami canmanpish cushun— nirca.

SAN MATEO 5:45

Chashnami jahua pacha Diospac huahuacuna canguichic. Paica allicunaman, mana allicunaman, paita cazuccunaman, mana cazuccunamanmi intitapish, tamyatapish cachanlla.

HECHOS 14:17

Chashna cacpipish, Diosca tamyahuan granota pucuchishpa, mana nicta carashpami cushichicun. Chashna allita ruhuashpami, pai pi cashcata ricuchin— nirca.

DEUTERONOMIO 27:19

Cutin: “¡Shuctac llactata runacuna, taita mama illaccuna, viudacuna japinata shucman cucca, llaqui tucushca cachun!” nicpica, tucui gentecunami: “¡Chashna cachun!” ninga.