DEUTERONOMIO 10:15 - Dios Rimashcata Quillcashcami

¹⁵ Shina cacpipish, Mandac Diosca cancunapac taitacunata cuyarcami. Chaimantami paicunapac huahua huahuacunata tucui llactacunamanta acllarca. Chai acllashcacunaca cancunami canguichic.

DEUTERONOMIO 10:15 ပူးပေါင်းရင်းမြစ်များ

1 CRÓNICAS 16:13

Diosta servic israelcunapac huahua huahuacunapish, pai acllashca Jacobopac huahua huahuacunapish yuyarichic.

SALMOS 135:4

Mandac Diosmi Jacobotaca acllarca. Israelcunatapish paimi paipaclla cachun chicanyachirca.

SALMOS 44:3

Chai llactataca mana paicunapac espadahuan, mana paicunapac rigrahuan macanacushpachu japirca. Ashtahuanpish can cuyashcamantami paicunapac ñaupaman achiclla shamushpa, cambac poderhuanmi mishachircangui.

AMÓS 3:2

«Cai pachapi causacpuramantaca cancunallatami ñucaca acllarcani. Chaimantami cancuna mana allita ruhuashcamantaca llaquichisha» ninmi.

NÚMEROS 14:8

Mandac Dios ñucanchicman chai allpata cusha nishpaca paillatac cungallami. Chai llactaca lechepish, mishquipish yacu shina callpacuc llactami.

ROMANOS 11:28

Mana israelcunapac allipacmi, israelcunaca alli huillaita mana cazushpa, Dios piñashca tucushcacuna. Shina cacpipish, Diosca paicunapac ñaupa taitacunata acllashcamantami cuyacun.

DEUTERONOMIO 4:37

Paica cancunapac ñaupa taitacunata cuyashpami, paicunapac huahua huahuacunataca acllarca. Paimi Egiptomantaca paipac poderhuan llucchimurca.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.