DEUTERONOMIO 1:7 - Dios Rimashcata Quillcashcami

⁷ Cancunaca amorreocunapac urcucunaman, chai cuchulla llactacunaman richic. Chai llacta ladollapi cac Arabá llactapi, urcupi, pugru pambapi, shitashca pamba Neguevpi, mama cucha patapi causac cananeocunapac llactapi, Líbano llactapi cac Eufrates yacu ladocaman rishpa causagrichic.

DEUTERONOMIO 1:7 ပူးပေါင်းရင်းမြစ်များ

GÉNESIS 12:9

Chaimantaca Abramca ashancaman rishpami, Neguev llactaman chayarca.

2 SAMUEL 8:3

Shinallatac Davidca Rehobpac churi jatun mandac Hadad-ezerta atishpami, Soba llactata mandacurca. Chai jatun mandacmi Eufrates yacu cuchulla llactacaman japisha nicurca.

1 CRÓNICAS 18:3

Shinallatac Davidca Soba llactata jatun mandac Hadad-ezertapish Hamat pueblopimi misharca. Chai mandacca Eufrates jatun yacu ladocamanmi mandagricurca.

1 CRÓNICAS 27:29

Sarón llactapi huagrata michiccunataca Sarón pueblomanta Sitraimi mandacurca. Pugru pambapi huagrata michiccunataca Adlaipac churi Safatmi mandacurca.

1 CRÓNICAS 5:9

Galaad llactapi achca animalcunata charishcamantami, inti llucshina ladoman rishpa Eufrates jatun yacu ladopi tiyac shitashca pambahuan tupanacuiman causarcacuna.

ÉXODO 23:31

Cambac llacta linderoca Puca Cuchamanta filisteocunapac cuchacaman, shinallatac shitashca pambamanta Eufrates yacucamanmi canga. Chai llactapi causaccunataca cancunapac maquipimi churasha. Canmi paicunataca llucchishpa cachangui.

AMÓS 2:9

Ñucami amorreocunataca paicunapac ñaupapi tucuchircani. Paicunaca cedro yura shina jatun, encina yura shina sinchimi carca. Shuc yurata pucushcandi, sapindi tucuchic shinami, paicunataca tucuchircani.

NÚMEROS 10:12

Mandashca shinami, israelcunaca Sinaí shitashca pambamantaca shitashca pamba Paranman rirca. Chai puyuca chai pambapimi shayarirca.

DEUTERONOMIO 1:19

Ñucanchicta Mandac Dios mandashca shinami, Horeb urcumanta llucshishpaca, cancuna ricushca jatun manchaipac pambata pasashpa, amorreocunapac urcu ñanta rishpa, Cades-barneaman chayarcanchic.

DEUTERONOMIO 11:11

Cancuna japingapac yaicugricuc llactaca urcucunapish, pambacunapish jahua cielomanta tamyahuan pucuna allpacunami.

DEUTERONOMIO 11:24

Maipimi cancuna sarunguichic, chai llactaca cancunapacmi canga. Cancunapac llactaca shitashca pambamanta Libanocaman, Eufrates yacumantaca inti llucshina lado cuchacamanmi canga.

JOSUÉ 1:4

Cancunapac allpaca shitashca pambamanta Libanota catishpa, Eufrates jatun yacucaman, shinallatac tucui heteocunapac llactata catishpa, inti tigrana lado jatun mama cuchacamanmi canga.

JOSUÉ 10:40

Chashnami Josueca tucui pueblocunata japirca. Urcucunapi tiyac tucui pueblocunata, Neguev shitashca pambacunata, quingraicunata, chaipi tiyac tucui jatun mandaccunatapish huañuchishpami, shucllatapish mana causacta saquirca. Chashnami israelcunata Mandac Dios mandashca shinallatac shucllatapish mana causacta saquishpa, tucui huañuchirca.

JOSUÉ 24:15

Mandac Diosta servina mana alli cacpica, maijan diosta servingapac acllaichiclla. Cancunapac ñaupa taitacuna jatun yacu chimba ladopi causashpa servishca dioscunata, mana cashpaca cunan cancuna causacuc llactapi causac amorreocuna servishca dioscunata servichiclla. Shina cacpipish, ñuca familiahuanca Mandac Diostami servishpa causasha» nirca.

JOSUÉ 9:1

Israelcuna chashna ruhuashcataca Jordán yacu ladopi causac jatun mandaccunapish, urcucunapi causac mandaccunapish, mama cucha ladopi causac mandaccunapish, tucui Líbano llactata jatun mandaccunapish yachac chayarcami. Chaicunaca heteocuna, amorreocuna, cananeocuna, ferezeocuna, heveocuna, jebuseocunami,

APOCALIPSIS 9:14

cornetata charicuc suctaniqui angeltaca: «¡Eufrates yacu patapi huatashca chuscu angelcunata cachari!» nirca.