DEUTERONOMIO 1:28 - Dios Rimashcata Quillcashcami

²⁸ ¿Maimantac rishun? Ñucanchic huauquicunaca: ‘Chai llactapica ñucanchicta atishpa ashtahuan achca, ashtahuan jatun gentecunami tiyan. Llactacunapish muyundita alto jarcashca, shinallatac Anac runapac huahua huahuacunatami chaipica ricumunchic nishpami manchachirca’ ninmi” nircanguichic.

DEUTERONOMIO 1:28 ပူးပေါင်းရင်းမြစ်များ

GÉNESIS 11:4

Chai quipaca: «Cunanca, shuc pueblotapish, jahua pachaman alto shuc torretapish chayachingapac jacuchic. Shina ruhuashpami, mana caita chaita rishpa, cai pachapica tucui gentecunapac alli nishca causashun» ninacurca.

ÉXODO 15:15

Edom llactata mandaccunaca yuyai illacmi tucunga. Sinchi Moab gentecunapish manchaihuan chucchungami. Canaanpi causaccunaca mancharishpami imata mana ruhuai pudinga.

ISAÍAS 13:7

Chaimantami tucuipac maquicuna irquiyanga. Tucuipac shungucunami huañunalla tucunga.

EZEQUIEL 21:7

Chashna huacacpi: “¿Imamantatac huacacungui?” nicpica: “Jatun llaquimi tiyagrin. Chai llaqui shamucpica, maquicunapish fuerza illacmi saquiringa. Mucucunapish yacu shinami chucchunga. Pipish imata mana ruhuai pudingachu” ningui. ¡Chai llaquica ñami chayamugrin! Chaitaca Mandac Dios ñucami nini» nirca.

DEUTERONOMIO 1:29

Chashna nicpimi ñucaca: “Ama paicunata manchaichicchu, ama chucchuichicchu,

DEUTERONOMIO 2:10

(Chai llactapica emitacunami utcapica causac carca. Chai gentecunaca Anacpac churicuna shinami yalli jatun carca.

DEUTERONOMIO 20:20

Ashtahuancarin maijan mana pucuc yuracunataca pitishpa, chai llactahuan macanacuna baluartecunata ruhuanguichiclla.

DEUTERONOMIO 20:8

Cutinllatac quipa mandaccuna israelcunata rimashpaca: “¿Cancunapurapi maijantac manchaihuan, mana cashpaca shaicushca shina canguichic? Chashna cashpaca, huasiman cutichiclla. Pacta shuccunatapish manchaipi churanman” nirca.

DEUTERONOMIO 7:17

Cancunapac shungupica: “Cai llactapi causaccunaca ñucanchicta yalli achcami. ¿Ima shinatac llucchishpa cachashunyari?” ninguichicmi.

JOSUÉ 11:22

Anaquitacunaca israelcunapac llactapica shucllapish mana saquirircachu. Ashtahuanpish maijancunallami Gaza, Gat, Asdod pueblocunapi saquirirca.

JOSUÉ 14:8

Ashtahuanpish ñucahuan huichai ric huauquicunaca israelcunamanca manchai shungutami curca. Shina cacpipish, ñucaca ñucata Mandac Dios imata nishcatami tucui shunguhuan cazurcani.

JOSUÉ 15:14

Calebmi Anacpac churi Sesai, Ahimán, Talmai quimsa churicunata chai llactamanta llucchishpa cacharca.

JOSUÉ 2:11

Chaita uyashpaca, ñucanchic shunguca yallita shaicushca shinami tucurca. Cancunata manchashpami, tucui gentecuna ima cushicuitapish, mana charincuna. Cancunata Mandac Diosca jahua pachapipish, cai pachapipish Diosmi.

JOSUÉ 2:24

Paicunaca Josuetaca: —Mandac Diosca chai tucui llactatami ñucanchic maquipi churashca. Chai llactapi causaccunaca tucuimi manchashpa chucchucuncuna— nirca.

JOSUÉ 2:9

—Mandac Dios cai llactata cancunaman cushcataca yachanimi. Chaimantami paica cancunata manchachun, manchaita shungupi churashca. Tucui llactapi causaccunami cancunataca yallita manchaihuan chucchushpa, imatapish mana ruhuai pudincuna.

JUECES 1:10

Chaimanta rishpaca, Hebronpi causac cananeocunahuan macanacushpami, Sesai, Ahimán, Talmai mandaccunatapish huañuchirca. Utcapica Hebronca Quiriat-arba shutimi carca.

JUECES 1:20

Moisés nishca shinallatacmi Hebrón pueblotaca Calebman curca. Chai pueblomantami paica Anacpac quimsa churicunata llucchishpa cacharca.