DEUTERONOMIO 1:25 - Dios Rimashcata Quillcashcami

²⁵ Cutishpaca, chai llactapi pucushca granocunatami ricuchingapac apamurca. Shinallatac paicunaca: “Ñucanchicta Mandac Dios ñucanchicman cushca llactaca sumac llactami” nishpami huillarca.

DEUTERONOMIO 1:25 ပူးပေါင်းရင်းမြစ်များ

ÉXODO 3:8

Chaimantami Egipto runacunapac maquimanta cacharichingapac urai shamurcani. Cai llactamanta llucchishpa lechepish, mishquipish tiyac sumac llactaman pushangapacmi shamurcani. Chai llactaca cananeocunapac, heteocunapac, amorreocunapac, ferezeocunapac, heveocunapac, jebuseocunapac llactami can.

NÚMEROS 13:20

chai allpaca grano pucuc cashcata, mana cashpaca mana pucuc cashcata, yuracuna tiyashcata, mana tiyac cashcata ricunguichic. Chai llactapi pucushcata mana manchashpa apamunguichiclla» nirca. Chai punzhacunaca punta pucushca uvasta pallana punzhacunami carca.

NÚMEROS 13:27

paicunaca: «Can ricumuchun cachashca llactataca ricumunchicmi. Chai llactapica lechepish, mishquipish yacu shina callpacucmi cashca. Riqui, cai granocunatami chaimanta apamunchic.

NÚMEROS 14:7

tandanacushca israelcunataca: —Ñucanchic ricungapac rishca allpaca mai alli llactami.

DEUTERONOMIO 1:24

Paicunaca urcuman huichai rishpa, Escol pugru pambaman chayashpami, chai allpacunata allita ricushpa purirca.

DEUTERONOMIO 1:26

Ashtahuanpish cancunaca mana rishun nishpami, Mandac Dios mandashcata mana cazushpa, paita llaquichircanguichic.