DEUTERONOMIO 1:2 - Dios Rimashcata Quillcashcami

² Horeb urcumanta Seir urcuta rishpa, Cades-barneaman chayangapacca chunga shuc punzhatami purina carca.

DEUTERONOMIO 1:2 ပူးပေါင်းရင်းမြစ်များ

GÉNESIS 32:3

Chai quipami Jacoboca huillaccunata Edom llactapi cac Seir pambapi causac paipac huauqui Esaupacman cacharca.

ÉXODO 17:6

Ñucaca Horeb urcu jahuapimi cambac ñaupapi casha. Can rumipi varahuan huactacpica, chaimanta yacuca llucshingami. Chaipica ubiangallami— nirca. Moisesca israelcunata pushaccunapac ñaupapimi chashna ruhuashpa ricuchirca.

ÉXODO 3:1

Moisesca paipac suegro Jetropac ovejacunatami michishpa causarca. Jetroca Madián llactapi curami carca. Chashna michicushpami, shitashca pambata pasashpa, Diospac Horeb urcuman chayarca.

LEVÍTICO 2:14

Punta pucushca grano ofrendata cushpaca, pucushca trigo umatapish, llullu espiga cutashcatapish ninapi camchashpami cuna can.

LEVÍTICO 9:23

Chai quipaca Dios-huan tupana huasi ucumanmi Moisespish, Aaronpish yaicurca. Chaimanta llucshishpa, israelcunata bendiciacpimi, Mandac Diospac sumaimana achiclla ricurirca.

NÚMEROS 13:26

Shina cutimushpaca, Paranpi cac Cades shitashca pambapi Moisespish, Aaronpish, tucui israelcunapish cacpimi chayamurca. Chaipimi paicunamanpish, tucui israelcunamanpish ima shina cashcata tucui huillarca. Shinallatac chai llactapi pucushcacunatapish ricuchishpami,

NÚMEROS 32:8

Cancunapac taitacunapish Cades-barnea llactamanta chai llactata ricuchun cachacpipish, chashnallatacmi ruhuarca.

DEUTERONOMIO 1:19

Ñucanchicta Mandac Dios mandashca shinami, Horeb urcumanta llucshishpaca, cancuna ricushca jatun manchaipac pambata pasashpa, amorreocunapac urcu ñanta rishpa, Cades-barneaman chayarcanchic.

DEUTERONOMIO 1:44

Ashtahuanpish chai urcupi causac amorreocuna tupangapac shamushpaca, avispacuna jataric shinami, Seir urcupi atishpa, Hormacaman macashpa catirca.

DEUTERONOMIO 2:1

Quipataca Mandac Dios mandashca shinami, cutishpa shitashca pambata Puca Cuchaman rircanchic. Shinami Seir urcuta muyushpa, yallita unayarcanchic.

DEUTERONOMIO 2:4

Israelcunataca: ‘Cancunapac familia Esaupac huahua huahuacunapac Seir llactata cancuna pasacucpica, yallita manchangacunami. Shina cacpipish, cuidaringuichic.

DEUTERONOMIO 2:8

Chaimantaca ñucanchic huauqui Esaupac huahua huahuacunapac Seir urcumantaca caruyarcanchicmi. Chashnami Elat, Ezión-geber llactacunamantaca shamuna ñanta shamurcanchic. Chai quipaca shitashca pamba Moabmanmi cutircanchic.

DEUTERONOMIO 9:23

Mandac Dios Cades-barneamanta cancunata cachashpaca: “Huichaiman rishpa, ñuca cushca llactata japigrichic” nicpipish, pai mandashcata mana cazurcanguichicchu. Chashnami cancunaca paita mana crishpa, pai nishcata mana uyarcanguichic.

JOSUÉ 14:6

Judapac churicunami Gilgal pueblopi Josuehuan parlangapac rirca. Chashna rishpami genezeocunapuramanta Jefonepac churi Calebca: —Cades-barnea pueblopi canmantapish, ñucamantapish Mandac Dios paita servic Moisesta imata nishcataca canllatac yachanguimi.