DANIEL 9:27 - Dios Rimashcata Quillcashcami

²⁷ Shuc semanapimi achca gentecunahuan ari ninacunga. Cutin chaupi semanapimi Diosman animalta cushpa huañuchinatapish, Diosman ofrendata cunatapish anchuchinga. Chai quipaca yallita millana tucuchicmi tucurina punzhacaman llaquichingapac shamunga. Dios llaquichina nishca punzhacamanmi llaquichishpa tucuchinga” nirca.

DANIEL 9:27 ပူးပေါင်းရင်းမြစ်များ

ISAÍAS 28:15

Cancunaca: «Ñucanchicca huañuihuanpish, Seolhuanpish ari ninacurcanchicmi. Ñucanchictaca llullami miticuna huasi shina jarcacun. Chaimanta yacu jataric shina, shamushpapish ñucanchictaca mana llaquichingachu. Llullana huasipimi miticushun» nircanguichic.

ISAÍAS 28:22

Cunanca, cancunata huatashca huascahuan ama ashtahuan sipichunca mana burlanachu canguichic. Chaica, tucuita Mandac Dios cai llactata tucuchinata yuyarishcatami uyarcani.

ISAÍAS 42:6

«Mandac Dios ñucami cantaca cashcata ruhuachun cayashpa, maquimanta aisashpa cuidasha. Cantaca ñuca acllashcacunahuan ari nishcata ruhuachun, shuc llactapi causaccunapac luz shina cachun,

ISAÍAS 53:11

Paica, pai llaquita apashcaca mana yanga cashcata ricushpami, yallita cushicunga. Chai servicca allita yachac, cashcata ruhuac cashcamantami cashcata ruhuashpa, gentecunapac juchacunata aparinga.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

JEREMÍAS 7:30

Mandac Diosca: «Judá llactapi causaccunaca ñucapac ñaupapimi mana allita ruhuancuna. Ñuca shutita mañana huasipi millana dioscunata churashpami mapayachirca.

DANIEL 11:31

Paipac soldadocunami Diospaclla huasitapish, jatun torretapish mapayachinga. Punzhanta Diosman cushpa rupachinatapish anchuchingami. Chaipac randica millanayaipac chingachictami churanga.

DANIEL 11:36

Chai jatun mandacca pai munashcata ruhuashpami, jatun tucushpa tucui dioscunata yalli jatun tucunga. Tucui dioscunapac Diostapish millaitami rimanga. Dios piñarishpa llaquichingacamanmi paica imata ruhuashpapish alli canga. Chaica, paita llaquichina cashcaca pactangami.

DANIEL 12:11

Punzhanta Diosman animalta cushpa rupachinata anchuchishca punzhamanta millana tucuchicta churangacamanca huaranga ishcai patsac iscun chunga punzhami tucunga.

DANIEL 7:25

Paica jahua pacha Diosta millaita rimashpami, jahua pachapi causac Diospaclla caccunata yallita llaquichinga. Paica fiestacunatapish, mandashcacunatapish shuctacyachisha ningami. Paipac maquipimi Diospaclla caccunataca quimsa huata chaupicaman churanga.

DANIEL 8:13

Chashna ruhuacpimi, shuc jucha illac ángel caishuc angelcunaman tapucucta uyarcani. Chashna tapushpaca: “Punzhanta Diosman cushpa rupachinata muscuc shina ricunaca, ¿ima horascamantac canga? Shinallatac ¿ima punzhacamantac mana cazunapish, Diospac huasitapish, jahua pachapi ima tiyaccunatapish sarucucta muscuipi ricuc shina ricuna canga?” nirca.

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

NÚMEROS 7:62

Shinallatac chunga siclosta pezac curi cucharapi inciensota jundachishcatapish apamurcami.

SAN MATEO 24:15

Dios ima nishcata huillac Daniel quillcashca shina, Diosta mañana huasipi millana tiyacuctami ricunguichic. (Caita rezacca alli entendichun).

SAN MATEO 26:28

Caica, Dios cancunahuan mushuc ari nishca yahuarmi. Caimi achca runacunapac juchacunata perdonangapac jichana ñuca yahuarmi.

SAN MATEO 27:51

Chai ratomi Diosta mañana huasi tiyac lienzoca, jahuamanta uraiman chaupita lliquirirca. Allpapish chucchurcami, jatun rumicunapish chictarircami.

MARCOS 13:14

Diosta mañana huasipi yallita millana tucuchic tiyacucta ricushpaca, Judea llactapi causaccunaca urcucunapi miticugrichun. (Maijanpish cai quillcashcata ricucca, alli entendinguichic).

SAN LUCAS 21:20

Jerusalén pueblota soldadocuna muyunacushpa shayacucta ricushpaca, tucui chingachishca cashca shinata yachanguichic.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.

ROMANOS 11:26

Chai quipaca, tucui israelcunami quishpiringa. Dios quillcachishcapica: «Sión pueblomantami Quishpichic shamunga. Jacobopac huahua huahuacunapac juchacunatami anchuchinga.

ROMANOS 5:15

Dios cuyashpa cushcaca maita mana Adán juchallishcahuan chimbapuraipacchu. Shuc runa juchallishcamantami tucui gentecuna huañuna carca. Shina cacpipish, Dios cuyashpa, Jesucristota cachashpaca, tucuipac allipacmi cacharca.

ROMANOS 5:19

Ima shinami shuc runa mana cazushcamanta, tucui gentecuna juchayuc tucurca. Chai shinallatacmi shuc runa cazushcamanta, tucui gentecunata Diosca chasquinga.

HEBREOS 9:28

Apunchic Jesusca achca gentecunapac juchacunata pichangapacmi, shuc cutinlla pai quiquinllatac huañurca. Quipataca ña mana juchacunata anchuchingapacchu shamunga, ashtahuanpish paita shuyacuccunata quishpichingapacmi shamunga.