DANIEL 8:13 - Dios Rimashcata Quillcashcami

¹³ Chashna ruhuacpimi, shuc jucha illac ángel caishuc angelcunaman tapucucta uyarcani. Chashna tapushpaca: “Punzhanta Diosman cushpa rupachinata muscuc shina ricunaca, ¿ima horascamantac canga? Shinallatac ¿ima punzhacamantac mana cazunapish, Diospac huasitapish, jahua pachapi ima tiyaccunatapish sarucucta muscuipi ricuc shina ricuna canga?” nirca.

DANIEL 8:13 ပူးပေါင်းရင်းမြစ်များ

SALMOS 74:10

Dioslla, ¿maicamantac ñucanchicta llaquichiccunaca pingaichicungalla? ¿Canta piñaccunaca huiñaitachu canta camishpa causagrincuna?

SALMOS 74:9

Can ñucahuan cashcata ricuchic señaltapish mana ricunchicchu. Can ima nishcata huillaccunapish mana tiyanchu. Maicaman cai llaquicuna tiyanatapish ñucanchicpurapica pi mana yachanchicchu.

SALMOS 79:5

Mandac Dioslla, ¿ima horascamantac piñashca cangui? ¿Huiñaitachu ñucanchic-huanca piñashca cagringui? ¿Can piñarishcaca mana huañuc nina shinachu?

ISAÍAS 28:18

Huañuihuan ari nishcapish yangallami canga. Seolhuan ari nishcapish mana sinchi cangachu. Yallita llaquicunami cancunataca saruc shina pasanga.

ISAÍAS 6:11

Shina nicpimi ñucaca: —Mandac Dioslla, ¿ima horacamantac chashna canguiyari?— nircani. Shina nicpimi paica: —Tucui llacta tucuricpi, shucllapish mana saquiringacaman, huasicunapi shuc runallapish mana tiyangacaman, allpacunapish shitashca saquiringacaman,

ISAÍAS 63:18

Asha huatacunallatami cambac acllashcacunaca cambaclla huasipica causarcanchic. Ashtahuanpish cunanca ñucanchicta piñaccunami cambaclla huasipica sarucun.

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

JEREMÍAS 12:10

Achca michiccunami ñuca uvas chagrata tucuchishpa, ñuca allpatapish sarunacurca. Ñucapac sumac allpacunataca tucuchishpami, shitashca pambata shina saquirca.

DANIEL 11:31

Paipac soldadocunami Diospaclla huasitapish, jatun torretapish mapayachinga. Punzhanta Diosman cushpa rupachinatapish anchuchingami. Chaipac randica millanayaipac chingachictami churanga.

DANIEL 12:11

Punzhanta Diosman animalta cushpa rupachinata anchuchishca punzhamanta millana tucuchicta churangacamanca huaranga ishcai patsac iscun chunga punzhami tucunga.

DANIEL 12:8

Shina nicta uyashpapish, chai nishcata cunan entendishpami paitaca: “Ñuca amolla, ¿ima horastac chaica pactangayari?” nishpa tapurcani.

DANIEL 4:10

Ñuca camapi sueñucushpami ñucaca caita muscurcani: Cai pacha chaupi shuc jatun yura shayacuctami ricurcani.

DANIEL 4:13

Ñuca camapi cashpami, ñuca yuyaipica, jahua pachamanta shuc ángel shamucuctami ricurcani.

DANIEL 4:23

Can jatun mandac ricushca jahua pachamanta jucha illac ángel shamushpa: “¡Chai yurata pitishpa polvoichic! Shina ruhuashpapish troncotaca chai quihua pambapi fierro cadenahuan, bronce cadenahuan huataichic. Chai troncota jahua pachamanta tamya urmashpa jucuchichun, shinallatac canchis huatacaman animalcunahuan micuchun saquichic” nishcaca,

DANIEL 7:16

Chai shayacuccunapuramanta shucpacman cuchuyashpami, tucui chaicuna imata nisha nicushcata tapurcani. Chashna tapucpimi, paica chaicuna imata nisha nicushcata huillashpaca:

DANIEL 7:23

Chai Yuyac Runaca: “Chai chuscuniqui animalca cai pachata chuscuniqui jatun mandactami nisha nin. Chai mandacca caishuc jatun mandaccunamanta chican mandacmi canga. Paica tucui cai pachatami trillac shina, polvoshpa tucuchinga.

DANIEL 9:27

Shuc semanapimi achca gentecunahuan ari ninacunga. Cutin chaupi semanapimi Diosman animalta cushpa huañuchinatapish, Diosman ofrendata cunatapish anchuchinga. Chai quipaca yallita millana tucuchicmi tucurina punzhacaman llaquichingapac shamunga. Dios llaquichina nishca punzhacamanmi llaquichishpa tucuchinga” nirca.

ZACARÍAS 1:19

Chaita ricushpami, ñucahuan parlac angeltaca: —¿Imatac chaicunaca?— nircani. Shina nicpimi, chai angelca: —Chaicunaca Judá llactapi causaccunatapish, israelcunatapish, Jerusalenpi causaccunatapish caiman, chaiman shic-huashpa cachac gachucunami— nirca.

ZACARÍAS 14:5

Chai pugru pambaca Azal llactacamanmi canga. Cancunaca chai urcu chaupipi tiyac pugru pambapi miticugringuichic. Judá llactata jatun mandac Uzías mandacui punzhacunapi jatun allpa chucchucpi, miticugrishca shinami miticugringuichic. Chai quipami ñucata Mandac Diosca paipac angelcunahuan shamunga.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

SAN MATEO 24:15

Dios ima nishcata huillac Daniel quillcashca shina, Diosta mañana huasipi millana tiyacuctami ricunguichic. (Caita rezacca alli entendichun).

MARCOS 13:14

Diosta mañana huasipi yallita millana tucuchic tiyacucta ricushpaca, Judea llactapi causaccunaca urcucunapi miticugrichun. (Maijanpish cai quillcashcata ricucca, alli entendinguichic).

SAN LUCAS 10:22

Ñuca Taitaca tucuitami ñucaman curca. Ñuca pipac Churi cashcataca pi mana yachanchu, ñuca Taitallami yachan. Ñuca Taita pi cashcatapish pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachancuna» nirca.

SAN LUCAS 21:20

Jerusalén pueblota soldadocuna muyunacushpa shayacucta ricushpaca, tucui chingachishca cashca shinata yachanguichic.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.

SAN JUAN 1:18

Diostaca jaicapi pi mana ricushcachu. Ashtahuanpish Dios-huan causac, paipac shuclla Churimi Dios ima shina cashcataca ricsichirca. Paica Diosllatacmi.

DEUTERONOMIO 33:2

bendiciashpaca: «Mandac Dios Sinaí urcumantami shamurca. Seir urcumantami achicyachirca. Parán urcumantami achicyachirca. Paipac alli maquipi achicta apashpami pai acllashca huaranga huarangacunahuan shamurca.

1 TESALONICENSES 3:13

Shinallatac Dios cancunata sinchi cricta ruhuachunmi munanchic. Chashna cashpami, Apunchic Jesús paipaclla caccunahuan shamucpica, ñucanchic Diospac ñaupapica pi mana juchanchipac jucha illac cashun.

HEBREOS 10:29

¡Ashtahuanpish Diospac Churita sarushpa, paipac jichashca yahuarta yangapi churashpa, Diospac cuyac Espirituta camishpa rimacca yalli llaquitami apanga! Chai yahuarmi mushuc ari ninacuita pactachin, shinallatac juchata pichan.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

SAN JUDAS 1:14

Adanmanta Enoccamanca, canchis taitacunami cashca. Enocca Dios yuyaita cucpimi, chai yachachiccunamanta huillashpaca: «Mandac Diosca paipac huaranga huaranga angelcunahuan shamuctami ricurcani.

APOCALIPSIS 11:2

Ashtahuanpish Mandac Diosta mañana huasi canzha pambataca ama medinguichu. Chaica Diosta mana ricsiccunaman cushcami. Paicunami chuscu chunga ishcai quillata Diospaclla cac pueblotaca llaquichinga.

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.

JUECES 13:18

Shina nicpimi, Mandac Diospac angelca: —¿Imapactac ñuca shutitaca tapungui? Ñuca shutica sumaimana shutimi— nirca.