DANIEL 6:4 - Dios Rimashcata Quillcashcami

⁴ Chaimantami prefectocunapish, caishuc mandaccunapish Danielta juchanchingapac pai ima shina mandacucta ricushpalla puricurca. Shina cashpapish, ima pandaita mana tarircachu. Chaica Danielca imatapish allillatami ruhuac carca. Chaimantami ima pandaitapish, ima juchatapish mana tarirca.

DANIEL 6:4 ပူးပေါင်းရင်းမြစ်များ

GÉNESIS 41:38

Chaimantami Faraonca paita serviccunataca: —¿Diospac Espirituhuan cac cai shina runataca maipi tarishunchu?— nirca.

GÉNESIS 43:18

Shina Josepac huasiman pushacpimi, paicunaca mancharishpa: —Punta shamuipi ñucanchic tulucunapi cullquita cutichishpa apashcamantami ñucanchictaca tucllahuan shina japishpa, burrocunandi paita servichun pushamushca yuyachin— ninacurca.

PROVERBIOS 29:27

Cashcata ruhuaccunaca mana allita ruhuac runataca millanayachinmi. Cutin Diosta mana manchac runaca allita ruhuashpa causaccunatami millanayachin.

ECLESIASTÉS 4:4

Shinallatac achcata trabajashpa tucui imatapish alli ruhuacpica, shuccunaca envidiashpa piñac cashcatapish ricurcanimi. Shinaca alli canapish, huairata caticushca shina yangallami.

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

JEREMÍAS 18:23

Mandac Dioslla, paicuna ñucata huañuchingapac yuyaricushcataca yachanguimi. Paicunapac juchacunata ama cungaringuichu. Paicuna mana allita ruhuashcataca ama perdonanguichu. ¡Paicuna cambac ñaupapi urmachun, nina japiric shina piñariyari!

JEREMÍAS 20:10

Tucui ladocunapimi ñucata huashalla rimashpaca: «¡Manchaica tucui llactacunapimi! ¡Chaitaca huillaichicyari, huillashunchicyari!» nincuna. Ñucahuan apanacuccunapish ñuca pandaricta chapacuncunami. Paicunaca: «Ima shinapish umashpa, huañuchishpami mishashun. Ñucanchicta ima shina, llaquichishca shinallatacmi llaquichishun» nincunami.

JEREMÍAS 29:7

Cancuna prezu tiyacuc llactapi cushi causai tiyachun munaichic. Chai llactapi cushi causai tiyacpica, cancunapish casillami causanguichic. Chaimanta cushi causai tiyachun ñucata mañaichic.

DANIEL 3:8

Chai punzhallatacmi adivinocunapuramanta maijan jatun mandacpacman shamushpa, Judá gentecunapac contra huillarca.

DANIEL 5:12

Chai runaca Danielmi. Paitami jatun mandacca tucuita alli yachac, allita yachacushca, allita entendic cashcamanta muscushca imata nisha nicushcatapish huillac cashcata, pipish mana yachashcata huillac cashcata ricurca. Paitami Beltesasarta shutichirca. ¡Chashna cashcamantaca Danielta cayaichic! Pai chai quillcashca imata nisha nicushcata huillachun— nirca.

DANIEL 6:22

Leoncuna ñucata ama llaquichichunmi ñuca Diosca leoncunapac shimita huichcachun, paipac angelta cacharca. Paipac ñaupapica ima juchayuc mana canichu. Jatun mandaclla, cambac ñaupapipish mana faltayucchu cani— nirca.

SAN MATEO 26:4

Jesusta umashpa pacalla japishpa huañuchinata yuyarinacurca.

SAN MATEO 27:18

Pilatoca Jesustaca envidiamanta apamushcatami yacharca.

SAN LUCAS 20:20

Chaimantami ima mana allita nicpica, juchanchishpa llactata mandacman japichingapac, shuc cashcata ruhuac runacunata tapuchun cacharca.

SAN LUCAS 20:26

Gentecunapac ñaupapi Jesús tucuita allita huillacpimi, paicunaca imata mana juchanchi pudishpa, yallita mancharishpa saquirirca.

SAN LUCAS 22:2

Curacunata mandac curacunapish, mandashcacunata yachachiccunapish gentecunata manchashcamantami, Jesusta ima shina huañuchinata yuyarinacurca.

SAN JUAN 19:4

Pilato cutin llucshishpaca: —Riquichic, ima juchata paipica mana tarinichu, chaita yachaichic— nirca.

2 CORINTIOS 11:12

Chai llullashpa puriccuna huillashpa ama cushicuchunmi, ima shina ruhuacuc shinallatac imata mana chasquishpa ruhuashpa catisha.

FILIPENSES 2:15

Chashna ruhuashpami, cai pacha mana cric millai gentecunapac chaupipica, Diospac huahuacuna cashcamanta mana pi juchanchishca, allita ruhuac, achicyachic lucerocuna shina canguichic.

1 TIMOTEO 5:14

Chaimantami huambrarac viudacunataca cazarashpa, huahuacunata charishpa, quiquin huasipi sumacta pushashpa causachun nini. Chashna cacpimi, criccunata piñaccunaca mana juchanchingacuna.

TITO 2:8

ama pi juchanchichunca rimana cashcallata rimangui. Shina ruhuacpimi maijanpish ñucanchicta piñaccunaca pingashpa, imata mana ni pudingacuna.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

1 PEDRO 3:16

Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa catichic.

JUECES 14:4

Chai huatacunaca filisteocunami israelcunata macashpa causacurca. Chaimantami Mandac Diosca israelcunahuan, filisteocunahuan piñanacuchingapac chashna ruhuarca. Cai yuyaicuna Diosmanta shamushcataca taita mamaca mana yacharcachu.

1 SAMUEL 12:4

Shina nicpimi paicunaca: —Pita mana juchanchircanguichu, mana llaquichircanguichu. Maijanpac maquimantapish imata mana japircanguichu— nircacuna.

1 SAMUEL 18:14

Davidca Mandac Dios paihuan cacpimi, ima ruhuanapipish allita ruhuac carca.

1 SAMUEL 22:14

Shina nicpimi, Ahimelec curaca jatun mandactaca: —¿Tucui canta servicpuramanta cambac yerno shina can mandashcata pactachicca pitac tiyanyari? Paica tucui canta cuidac soldadocunata pushacmi, shinallatac can mandashpa causana huasipipish tucuimi alli nincuna.