DANIEL 6:20 - Dios Rimashcata Quillcashcami

²⁰ Chai jutcu cuchuman chayashpa Danielta llaquilla tucushpa cayashpaca: —¡Causac Diosta servic Daniel-lla! Punzhanta can servina cambac Diosca, ¿leoncunapac jutcumanta quishpichishcachu?— nirca.

DANIEL 6:20 ပူးပေါင်းရင်းမြစ်များ

GÉNESIS 18:14

Mandac Diosmanca, ¿imapish mana ruhuaipacca tiyanchu? Cunan shina shamuc huata ñuca cutimucpica, Saraca ñami shuc cari huahuata charinga— nirca.

1 CRÓNICAS 16:11

Mandac Diosman cuchuyaichic. Paipac poderta mashcaichic. Paipac ñahuita punzhanta, mashcaichicyari.

SALMOS 119:112

Can mandashcacunata huañungacaman punzhanta ñuca shungupica pactachina yuyaillami cani.

SALMOS 146:2

Ñuca causaipica Mandac Diostami alabasha. Ñuca causashcacamanca salmocunahuanmi Diostaca cantasha.

SALMOS 73:23

Shina cashpapish canmantaca manatac caruyarcanichu. Canca alli maquimantami ñucataca charirarcangui.

JEREMÍAS 32:17

“¡Jatun Mandac Dioslla, jahua pachatapish, cai pachatapish cambac rigrata chutashpami, cambac jatun poderhuan ruhuashcangui! Can Diospacca ima ruhuanapish mana sinchichu.

DANIEL 3:15

Cunanca Cornetapi, flautapi, tamborpi, arpapi, salteriopi, zampoñapi, shinallatac shuctac tocanacunapi tocashca uyaricpi, ¿ñuca ruhuashca runaman ricchapac ñaupapi cumurishpa alli ningapac rinallachu canguichic? Chai horas cumurishpa mana adorashpaca rupacuc hornopimi shitashca canguichic— nirca.

DANIEL 3:17

Chashna ruhuacpica, ñucanchic servina, ñucanchic Diosmi chai rupacuc hornomantapish, can jatun mandacpac maquimantapish quishpichinga.

DANIEL 6:16

Shina nicpimi, jatun mandacca Danielta apamushpa leoncuna causana jutcupi shitachun mandarca. Chashna shitacpimi, jatun mandacca Danieltaca: —¡Can punzhanta servina cambac Dios quishpichichun!— nirca.

DANIEL 6:19

Jatun mandacca cayandi achicyamucucpimi, utcashpa leoncuna causana jutcuman rirca.

DANIEL 6:26

Ñucaca tucui ñuca mandana llactacunapi causaccuna Danielpac Diospac ñaupapi manchaihuan pagui nichunmi mandani. Paica huiñaita causac Diosmi. Pai mandanaca mana tucuringachu. Huiñaita mandacungallami.

DANIEL 6:27

Paillatacmi quishpichicpish, cacharichicpish can. Jahua pachapipish, cai pachapipish pi mana ruhuaipaccunata ruhuashpami ricuchin. Paimi leoncuna causana jutcupica cuidarca» nishpami quillcarca.

OSEAS 12:6

Cancunaca Mandac Diospacman cutirishpa llaquiccunapish, cashcata ruhuaccunapish caichic. Tucui causaipi Mandac Diosllata yuyarishpa causaichic.

NÚMEROS 11:23

Shina nicpimi, Mandac Diosca Moisestaca: —Ñuca imatapish ruhuaipaclla cashcata, ¿manachu yachangui? Ñuca rimashca pactana cashcata, mana pactana cashcataca cunanmi ricungui— nirca.

SAN LUCAS 1:37

Diosmanca imapish ruhuaipacllami— nirca.

SAN LUCAS 18:1

Diosta punzhanta mana shaicushpa mañanamanta Jesús chimbapurashpa, parlashpaca:

HECHOS 6:4

Paicuna chaita ruhuacucpica, ñucanchicca Diosta mañanatapish, paimanta huillanatapish mana saquishunchu— nirca.

ROMANOS 2:7

Diosca maijanpish allillata ruhuashpa, paipac ñaupapi alli ricurinata, huiñai causaita japinata munashpa causaccunamanca huiñai causaitami cunga.

2 CORINTIOS 1:10

Diosmi chai huañuna llaquimanta huacaichirca. Paillatacmi chai llaquimanta huacaichicun, paillatacmi tucui llaquimanta huacaichishpa catinga yuyanchicmi.

COLOSENSES 4:2

Diosta mañashpa, paita pagui nicuichiclla.

2 TIMOTEO 1:12

Chashna huillac cashcamantami tucui cai llaquicunataca apacuni. Ashtahuanpish ñuca pita crishcatapish, ñucaman mingashcatapish, shamuc punzhacaman huacaichina cashcatapish allimi yachani. Chaimantaca manatac pinganichu.

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

SANTIAGO 1:25

Ashtahuanpish huatashca shina cashcamanta cacharichic, Dios mandashpa rimashca shimita uyashpa, mana cungarishpa, shungupi huacaichicca imata ruhuashpapish cushicungami.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.