DANIEL 4:35 - Dios Rimashcata Quillcashcami

³⁵ Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

DANIEL 4:35 ပူးပေါင်းရင်းမြစ်များ

JOB 23:13

Ashtahuanpish pai imata ruhuasha nishcataca, ¿pitac shuctacyachingayari? Paillami imatapish ruhuan.

JOB 34:29

Dios upalla saquicpica, ¿pitac llaquichi pudingayari? Pai ñahuita pacacpica, ¿pitac catishpa ricui pudingayari? Paica jatun llactatapish, shuc runatapish chai shinallatacmi ricucun.

JOB 40:2

«¿Canca tucuita ruhuac Dios-huanchu cariyashpa chimbapurasha ningui? Maijanpish Dios-huan chimbapurasha nishpaca caicunatami cutichina can» nirca.

JOB 42:2

«Ñucaca cantaca tucuita ruhuac cashcatami yachani. Can imata ruhuanata yuyarishpaca tucuitami ruhuangui. Canmanca mana ruhuaipacca imapish mana tiyanchu.

JOB 9:4

Paipac shungupica tucuita yachanmi. Tucui imatapish ruhuacmi. ¿Pitac paita mana cazushpaca alli llucshingayari?

SALMOS 115:3

¡Ñucanchic Diosca jahua pachapimi! ¡Pai munashcatami tucuita ruhuashca!

SALMOS 135:6

Mandac Diosca jahua pachapipish, cai pachapipish, mama cuchatapish, chaipi tucui tiyaccunatapish, yacucunapipish pai munashcatami ruhuan.

SALMOS 33:14

Pai causac huasimantaca tucui cai pachapi causaccunatami ricucun.

SALMOS 39:5

Riqui, ñuca causana punzhacunatapish ashallatami cushcangui. Ñuca causaica cambac ñaupapica yangallami. Tucui runacunapac causaica samai chingaric shinami tucurinlla.

SALMOS 49:1

Tucui llactacuna caita uyaichic. Cai pachapi tucui causaccuna caita uyaichic.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

ECLESIASTÉS 8:4

Jatun mandac mandashcaca poderta charinmi. ¿Pitac: «Imatatac ruhuacungui» nishpa tapungayari?

ISAÍAS 19:17

Tucuita Mandac Dios yallita llaquichigricucpimi, Egiptopi runacunaca Judapi causaccunaca yallita manchanga. Judá llactapi causaccunata yuyarishpallami yallita manchanga.

ISAÍAS 26:9

Tucui shunguhuanmi tutapish canta yuyaricuni. Ñuca causai tiyashcacamanca tutamanta jatarishpami cantaca mañasha. Can llaquicpimi, cai pachapi causaccunaca cashcata ruhuashpa causanata yachacun.

ISAÍAS 43:13

Ñaupa punzhacunamanta pachami ña tiyarcani. Ñuca maquimantaca quichucca pi mana tiyanchu. Ñuca imata ruhuanata munashcataca pi mana jarcai pudingachu» ninmi.

DANIEL 6:27

Paillatacmi quishpichicpish, cacharichicpish can. Jahua pachapipish, cai pachapipish pi mana ruhuaipaccunata ruhuashpami ricuchin. Paimi leoncuna causana jutcupica cuidarca» nishpami quillcarca.

JONÁS 1:14

Chaimanta Mandac Diosta caparishpa mañashpaca: «¡Mandac Dioslla, cai runamantaca ama ñucanchicta huañuchichu! Cai runa mana faltayuc cacpipish, ama pai huañushcamanta ñucanchicta juchanchinguichu. Can imata ruhuanata munashcatami ruhuashcangui» nirca.

HECHOS 11:17

Ñucanchic Apunchic Jesucristota cricpi, Dios paipac Espirituta cushca shinami, paicunamanpish curca. Dios chashna ruhuacucta jarcangapacca ñucaca, ¿imatac caniyari?— nirca.

HECHOS 4:28

Chashnami can ñaupaman alli yachashpa, chashna tucuchun nishcata pactachirca.

HECHOS 5:39

Ashtahuanpish paicuna yachachishca Diosmanta cacpica, mana jarcai pudinguichicchu. Pacta Diospac munaita jarcashun nicunguichicman— nirca.

HECHOS 9:5

Chaita uyashpami Sauloca: —Amito, ¿pitac cangui?— nirca. Shina nicpimi chai rimacca: —Ñucaca can piñashpa llaquichicuc Jesusmi cani. Canllatami puyapi chugriric shina, llaquita apacungui— nirca.

1 CORINTIOS 10:22

¿Apunchic Jesustachu piñachisha ninguichic? ¿Ñucanchicca paita yallichu canchic?

1 CORINTIOS 2:16

Dios quillcachishcapica: «Mandac Diospac yuyaitaca, ¿pitac ricsingayari? Shinallatac paitaca, ¿pitac yachachingayari?» ninmi. Shina cacpipish, ñucanchictaca Cristomi yuyaita cushpa yachachicun.

EFESIOS 1:11

Cristohuan shuclla cashcamanta pai cusha nishcata ñucanchic japichunmi, Diosca pai munashca shina ñaupaman ña acllashca. Tucui imatapish pai munashca shinami ruhuan.

JOSUÉ 2:2

Chaita Jericó llactata mandacman maijancuna huillashpaca: —Israelcunapuramanta maijan runacunami cunan tuta cai llactata pacalla ricungapac shamushca— nishpa huillarca.

1 SAMUEL 3:18

Shina nicpimi, Samuel imatapish mana pacashpa tucui huillarca. Chaita uyashpami Elica: —¡Paica Mandac Diosmi! Paiman ima alli cacpica, chashnallatac ruhuachunlla— nirca.