DANIEL 3:19 - Dios Rimashcata Quillcashcami

¹⁹ Shina nicpimi, Sadrac-huan, Misac-huan, Abed-negohuan yallita piñarishpa ñahui shuctaclaya tucurca. Chaimantami hornotaca canchis cutinhuan yalli rupacyachichun mandarca.

DANIEL 3:19 ပူးပေါင်းရင်းမြစ်များ

GÉNESIS 31:2

Shinallatac Jacoboca Labán piñashca ñahuihuan ricuc cashcatapish ricurcami.

ESTER 3:5

Amanca paipac ñaupapi mana cunguricta, mana llaquiricta ricushpami, Mardoqueohuanca yallita piñarirca.

ESTER 7:7

Jatun mandacca nina japiric shina piñarishpami vinota ubianata saquishpa mandashpa tiyana huasi lado huertaman rirca. Jatun mandacca Amanta huañuchinalaya tucucpimi, Amanca paita ama huañuchichun jatun mandac Esterman mañangapac saquirirca.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

PROVERBIOS 16:14

Jatun mandac piñarishcaca huañuimanta huillac shinami. Ashtahuanpish yachaisapa runaca chai piñarishcata allichinmi.

PROVERBIOS 21:24

Cariyac, jatun tucuc runataca mana cazushpa asic runa nincunami. Yallita cariyashpa mana cazushpami, imatapish ruhuan.

ISAÍAS 51:23

Chai copata canta yallita llaquichiccunapac maquipi churashpaca: “Ñucanchic sarushpa pasangapac cumuri” niccunapac maquipimi churagrini. Shina nicpica, canca ñan allpan shina tucushpa, cambac jahuata pasachunmi saquingui» ninmi.

DANIEL 2:12

Shina nicpimi, jatun mandacca yallita piñarishpa, Babiloniapi causac tucui yachaccunata huañuchichun cacharca.

DANIEL 3:13

Chashna nicpimi, Nabucodonosorca yallita piñarishpa, Sadracta, Misacta, Abed-negota pushamuchun cacharca. Chashna mandacpimi, chai runacunata jatun mandacpac ñaupaman pushamurca.

DANIEL 3:20

Chai quipami paipac soldadopuramanta ashtahuan sinchi runata Sadractapish, Misactapish, Abed-negotapish huatashpa rupacuc hornopi shitachun mandarca.

DANIEL 5:6

Chaita ricushpami, jatun mandacca yallita mancharishpa ñahuipish irquiyashpa musparishca saquirirca. Paipac siqui tullucunapish chururic shina tucushpami, mucucunapish paicunapura huactarinacucurca.

DANIEL 6:24

Chai quipaca jatun mandacca Danielta juchanchic mandaccunata apamuchunmi mandarca. Chashna apamucpimi, paicunataca huarmindi, huahuacunandi leoncuna causana jutcupi shitarca. Paicuna manarac chai jutcu pambaman chayacpimi, japishpa tullucunata polvoshpa micurca.

LEVÍTICO 26:18

Chashna llaquichicpipish manallatac cazucpica, canchis cutin yallihuanmi cancunapac juchamantaca llaquichisha.

LEVÍTICO 26:21

Cancuna ñucata manallatac uyashpa, mana cazushpa caticpica, canchis cutin yallihuanmi llaquichisha.

LEVÍTICO 26:24

canchis cutin yallihuanmi cancunapac juchamantaca llaquichisha.

LEVÍTICO 26:28

ñucapish piñarishpami canchis cutin yallihuan cancunapac juchamantaca llaquichisha.

HECHOS 5:33

Shina nicta uyashpami, chai mandaccunaca piñarishpa, huañuchinata munarcacuna.

HECHOS 7:54

Esteban chashna nicpimi, chai mandaccunaca quirucuna canirishpa, yallita piñarirca.