DANIEL 2:47 - Dios Rimashcata Quillcashcami

⁴⁷ Shinallatac jatun mandacca Danieltaca: —Cancunapac Diosca, dioscunapac Diosmi, jatun mandaccunapac Jatun Mandacmi. Pipish mana yachashcata ricuchinmi. Chaimantami pipish mana yachashcata canca huillangui— nirca.

DANIEL 2:47 ပူးပေါင်းရင်းမြစ်များ

GÉNESIS 41:39

Shina nishpami, Faraonca Josetaca: —Tucui caicunataca Diosmi canmanca yachachishca, can shina yachac yuyaisapa runaca maipi mana tiyanchu.

2 REYES 5:15

Chai quipami Naamanca paipac ricsishcacunahuan Diospac runapacman cutishpa, paipac ñaupapi shayarishpaca: —¡Riqui, tucui cai allpapica Diosca mana tiyanchu! ¡Ashtahuanpish Israel llactapimi tiyan! ¡Chaitami cunan yachac chayani! ¡Chashna cashcamanta canta servic ñuca ima carashcatapish chasquiyari!— nirca.

JOB 12:19

Curacunataca paicuna imata ruhuana cashcamanta anchuchinmi, poderta chariccunatapish llucchishpami cachan.

SALMOS 136:2

Tucui dioscunapac Diosta alabaichicyari. ¡Paica huiñaita llaquicmi!

SALMOS 136:3

Mandaccunata Mandacta alabaichicyari. ¡Paica huiñaita llaquicmi!

SALMOS 72:11

Tucui jatun mandaccunami paipac ñaupapi cunguringa. Tucui shuctac llactacunapi causaccunami paita servinga.

SALMOS 82:1

Diosca jahua pacha tandanacushcapac chaupipimi mandacun. Dioscunapac chaupipi tiyarishpami allita ricushpa taripacun.

SALMOS 96:4

Mandac Diosca jatunmi. Tucuimanta yalli alabana Diosmi. Tucui dioscunamanta yalli manchana Diosmi.

EZEQUIEL 26:7

Mandac Dios ñucaca: Tiro llactata llaquichichunca, jahua Babilonia llactata jatun mandac Nabucodonosortami pushamusha. Paica jatun mandaccunatapish jatun mandacmi. Paimi achca caballocunahuan, carretacunahuan, caballopi ric soldadocunahuan, achca runacunahuan shamunga.

DANIEL 11:36

Chai jatun mandacca pai munashcata ruhuashpami, jatun tucushpa tucui dioscunata yalli jatun tucunga. Tucui dioscunapac Diostapish millaitami rimanga. Dios piñarishpa llaquichingacamanmi paica imata ruhuashpapish alli canga. Chaica, paita llaquichina cashcaca pactangami.

DANIEL 2:19

Chashna huillacpimi, pi mana huillai pudishcata Danielman tuta muscuipi shina ricuchirca. Chaimantami Danielca jahua pacha Diosta alli nishpaca:

DANIEL 2:22

Canmi maita mana yachaipaccunatapish yachachingui. Canmi yalli purapi caccunatapish achicyachingui. Canmi luz cangui.

DANIEL 2:28

Shina cacpipish, jahua pachapimi, pipish mana yachashcata huillac Dios tiyan. Paimi jatun mandac Nabucodonosorman shamuc punzhacunapi ima tucunata ricuchishca. Can muscushca, can sueñushpa ricushcaca,

DANIEL 2:29

jatun mandac canca, cambac camapi sueñucushpami, shamuc punzhacunapi ima tucunata yachanata munarcangui. Pi mana yachashcata huillacmi shamuc punzhacuna ima tucunata canman ricuchishca.

DANIEL 2:30

Chai mana yachashcataca ñucamanmi ricuchirca. Chaica, mana ñuca tucui gentecunata atishpa yachashcamantachu ñucaman ricuchirca. Ashtahuanpish can muscushca imata nisha nicushcata, cambac shungu imata yuyacushcata huillachunllami ñucaman ricuchirca.

DANIEL 2:37

Jatun mandaclla, canca jatun mandaccunatapish mandacmi cangui. Chaica, jahua pacha Diosmi, llactata mandanatapish, fuerzatapish, mandangapac yuyaitapish canman curca.

DANIEL 3:15

Cunanca Cornetapi, flautapi, tamborpi, arpapi, salteriopi, zampoñapi, shinallatac shuctac tocanacunapi tocashca uyaricpi, ¿ñuca ruhuashca runaman ricchapac ñaupapi cumurishpa alli ningapac rinallachu canguichic? Chai horas cumurishpa mana adorashpaca rupacuc hornopimi shitashca canguichic— nirca.

DANIEL 3:28

Chaimantami Nabucodonosorca: «Sadrocpac, Misacpac, Abed-negopac Diosca alli nishca cachun. Paimi, paita yuyarishpa causac, paita servic runacunata quishpichingapac paipac angelta cacharca. Paicunaca ñuca jatun mandac cacpipish, ñuca mandashcata mana cazurcachu. Paicunaca Diosta saquishpa, shuctac diosta servinapac randica, paicunapac cuerpotami rupachun saquirca.

DANIEL 3:29

Chaimantami ñucaca: ‘Llactapi causaccunapish, ima rimaita rimaccunapish Sadracpac, Misacpac Abed-negopac Diosta piñashpa rimacca pitinacushca canga. Paipac huasipish tucuchishcami canga. Cashna quishpichic Dios shinaca mana shuctac dios tiyanchu’ nishpami mandani» nirca.

DANIEL 4:17

Angelcunaca cai pacha runacunapac llactataca jahua pacha Dios mandacushcata, chai mandanata pai piman cusha nishpaca cuclla cashcatapish, tucuimanta yalli yangalla runata mandanapi churac cashcata causaita chariccuna yachachunmi chashna mandashpa huillarca’ nirca.

DANIEL 4:25

Cantaca gentecunapuramantami llucchishpa cachanga. Chaimantami canca animalcunahuan pacta causangui. Huagraman shinami quihuata caranga. Jahua pachamanta tamya urmashpami canta jucuchinga. Chashnami canca cai pacha mandaccunataca jahua pacha Dios mandac cashcata, shinallatac cai pacha llactacunata mandanata piman cusha nishpaca cuclla cashcata yachangacaman canchis huatata chashna causangui.

DANIEL 4:32

Gentecunapuramanta llucchishpa cachacpimi, sacha animalcunahuan pacta causangui. Huagraman shinami quihuata caranga. Cai pacha mandaccunataca jahua pacha Dios mandacushcata, cai pacha mandanataca piman cusha nishpapish cuclla cashcata yachangacamanmi canchis huatata chashna causangui» nirca.

DANIEL 5:11

Can mandacuc llactapimi shuc runa jucha illac diospac espirituyuc tiyan. Paimi cambac taita causacui punzhapica luz shina achicyachicpish, dioscuna shina allita yachacpish carca. Paitami cambac taita jatun mandac Nabucodonosorca lucerota ricushpa yachaccunata, caldeocunata, adivinocunata mandachun churarca.

AMÓS 3:7

Mandac Diosca, pai ima nishcata huillac, paita serviccunaman manarac huillashpaca mana llaquichingachu.

1 CORINTIOS 14:25

Shinallatac paipac shungupi tucui ima yuyacushcatapish mana pacashpa huillangami. Chashnami Dios cancunahuan cashcata yachashpa, cumurishpa, Diosta “allimari cangui” ninga.

DEUTERONOMIO 10:17

Mandac Diosca tucui dioscunapac Diosmi, mandaccunapacpish Mandacmi. Mandac Diosca manchana poderyucmi. Mana pitapish ñahuita ricushpa llaquichic Dioschu. Pimantapish mana imata japicchu.

1 TIMOTEO 6:15

Diosca pai acllashca punzha pactacpimi, Apunchic Jesucristotaca cutin cachanga. Diosca mai sumacmi. Paica tucuita Mandacmi. Jatun mandaccunapacpish Jatun Mandacpish, amocunapacpish Jatun Amomi.

JOSUÉ 22:22

—Mandac Diosca dioscunapac Diosmi. Ñucanchic chai altarta imapac ruhuashcataca paimi yachan. Ñucanchicca mana paita catinata saquishcamanta, mana paita mana cazushcamantachu cai jatun altarta ruhuashcanchic. Chaica caicunatami israelcunamanca huillanchic. Mana chashna cacpica, ama ñucanchicta quishpichinguichicchu.

APOCALIPSIS 1:5

Cai pachapi tiyac jatun mandaccunata Mandac, huañushcacunapuramanta punta causaric, shinallatac Diosmanta allita huillac Jesucristo cancunaman sumac causaita cuchunmi munani. Ñucanchicta cuyac, paipac yahuarhuan juchacunamanta ñucanchicta pichac,

APOCALIPSIS 17:14

Chaicunaca Pactalla Ovejahuanmi macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios cayashpa acllashca, paita allita caticcunahuan tucushpa, paicunata mishanga» nirca.

APOCALIPSIS 19:16

Paipac churanapipish, changapipish “Amocunapac Amo, Jatun Mandaccunapac Jatun Mandac” nishca quillca apashcami carca.