DANIEL 2:38 - Dios Rimashcata Quillcashcami

³⁸ Cambac maquipimi cai pachapi causac runacunatapish, sacha animalcunatapish, jahuata volashpa ric animalcunatapish mandachun churarca. Canmi chai curi umaca cangui.

DANIEL 2:38 ပူးပေါင်းရင်းမြစ်များ

JEREMÍAS 34:1

Babilonia llactata jatun mandac Nabucodonosor tucui paipac soldadocunahuan, cai pachapi tiyac pai mandacuc llactacunata mandaccunahuan shamushpa, Jerusalenpi causaccunahuan, chai llactacunapi causaccunahuan macanacucucpimi, Mandac Diosca Jeremiastaca:

DANIEL 1:2

Mandac Diosmi Judá llactata mandac Joacimtapish, paipac huasipi tiyac imacunatapish Nabucodonosorpac maquipi churarca. Shina churacpimi, Babiloniaman apashpa, paipac dioscunapac imacuna huacaichinapi churarca.

DANIEL 2:32

Umaca curimi carca. Pechopish, rigrapish cullquimi carca. Cutin huicsamanta uraimanca broncemi carca.

DANIEL 2:39

Cambac quipaca shuc yangalla jatun mandacmi mandai callaringa. Chai quipaca bronce shina, jatun mandacmi mandai callaringa. Paimi tucui cai pachata mandanga.

DANIEL 4:18

Cai muscuitaca jatun mandac Nabucodonosor ñucami muscurcani. Cai muscushca imata nisha nicushcataca tucui ñuca mandana llactacunapi causac yachaccunaca mana huillai pudircachu. Chaimanta can Beltesasar huillaiyari. Canpica jucha illac dioscunapac espiritumi causan. Chaimantami cai muscui imata nisha nicushcataca huillai pudingui” nircani» nirca.

DANIEL 5:18

Jatun mandaclla, cambac taita Nabucodonosormanca jahua pacha Diosmi sinchi mandac cachunpish, tucuipac alli nishca cachunpish curca.

DANIEL 7:4

Punta animalca león shinapish, anga shina alascunayucpishmi carca. Ñuca ricucucllapitacmi paipac alascunata piticpi, pambamanta jatarishpa, runa shina ishcai chaquihuan jatarirca. Chai animalmanca runapac yuyaitami curca.