DANIEL 11:29 - Dios Rimashcata Quillcashcami

²⁹ Pai cutina punzhapimi cutinga. Shina cutishpapish mana utcapi shina mishai pudingachu.

DANIEL 11:29 ပူးပေါင်းရင်းမြစ်များ

ISAÍAS 14:31

¡Llacta pungupi cuidaccuna huacaichicyari! ¡Llactapi causaccunapish sinchita caparichicyari! Jahua lado llactamantaca yana cushnimi llucshin. Tucui Filistea llactapi causaccunami yacuyac shina tucurigringuichic. Chai amsamantaca shucllapish mana puchungachu.

DANIEL 10:1

Persia llactata jatun mandac Ciro quimsa huatata mandacucpimi Beltesasar nishca Danielman caicunata huillarca. Chai huillashcaca llaqui shamunamanta mana llullashpa huillashcami carca. Danielca chai huillashcata allita uyashpami, muscuipi shina ricurishca imata nisha nicushcata alli entendirca.

DANIEL 11:23

Paihuan ari nishca cashpapish umangami. Chashna umashpami ashalla soldadocunahuan huichai rishpa mishashpa cutinga.

DANIEL 11:25

Chai mandacca cutinllatac sinchiyashpa, yallita piñarishpami, achca soldadocunata tandachishpa ura llactata mandac-huan macanacungapac shamunga. Chashna shamucpica, ura llacta mandacpish mai sinchi achca soldadocunata tandachishpami macanacungapac llucshinga. Shina llucshishpapish paipacllatac soldadocuna umacpimi, mana mishai pudinga.

DANIEL 11:28

Jahua llactata jatun mandacca achca quichushcacunata apashpami, paipac llactaman cutinga. Jucha illac Dios-huan ari nishcata piñashpa cungachinatami munanga. Pai munashcata ruhuashpami, llaquichishpa paipac llactaman cutinga.

DANIEL 11:30

Chaica, Quitim llactamantami jatun barcocuna paihuan macanacungapac shamunga. Chaimantami mana macanacusha nishpa cutinga. Shina cutishpaca jucha illac Dios-huan ari nishcata cungachina yuyaihuanmi cutinga. Chashnami pai munashcata ruhuashpa llaquichinga. Shinallatac jucha illac Dios-huan ari nishcata saquiccunahuanmi shuc yuyailla tucunga.

DANIEL 8:19

riccharishpaca: “Tucuri punzhaca chai nishca punzhapimi canga. Chaimanta Dios piñarishpa llaquichinatami huillagrini.

HECHOS 17:26

Tucui cai pachapi causachunmi, shuclla runamanta tucui runacunata mirarirca. Paillatacmi gentecuna mashna huatacaman causanatapish, maipi causanatapish churarca.

GÁLATAS 4:2

Taita ima punzhamanta “chai charishcata ricungui” nishcacamanmi, shuccuna chai huahuataca yachachishpa mandancuna.