DANIEL 1:17 - Dios Rimashcata Quillcashcami

¹⁷ Diosmi chai chuscu mosocunataca alli yachaita, tucuilaya quillcanata yachachirca. Danielca muscuipi shina ricurishcatapish, muscushcatapish alli yachacmi carca.

DANIEL 1:17 ပူးပေါင်းရင်းမြစ်များ

1 REYES 3:12

Riqui, cunanca can mañashca shinallatacmi ruhuasha. Riqui, alli entendic alli yuyaita charic shungutami canman curcani. Chashna alli yuyaita charic runaca cambac ñaupapish, mana tiyarcachu. Cambac quipapish, can shinaca mana tiyangachu.

1 REYES 3:28

Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.

2 CRÓNICAS 1:10

Cunanca, cai tucui gentecunata mandai callaringapacca, alli yuyaitapish, yachaitapish cuiyari. Cambac cai tucui achca gentecunataca, ¿pitac mandangayari?— nirca.

2 CRÓNICAS 1:12

Chaimantami alli yuyaitapish, yachaitapish canman cuni. Shinallatac chayuc canatapish, ima charinacunatapish, alli nishca canatapish cunimi. Caitaca cambac punta jatun mandaccunaca pipish mana charishcachu, cambac quipa jatun mandaccunapish, manallatac charingachu— nirca.

2 CRÓNICAS 26:5

Zacarías causacui punzhacunapica Zacarías Diosta manchanata allita yachachishcamantami Uziasca Mandac Diosta servishpa causarca. Usaías Mandac Diosta servishpa causai punzhacunapica tucuimi alli llucshirca.

JOB 32:8

Runataca paipi tiyac espiritumi yachachin. Tucuita ruhuac Diospac samaimi alli yuyaita cun.

PROVERBIOS 2:6

Mandac Diosmi alli yachaitaca cun. Paipac shimimi allita yachachin, allita entendichin.

ECLESIASTÉS 2:26

Diosca, paipac ñaupapi alli causac runallamanmi alli yuyaita, alli yachaita, cushicuita cun. Ashtahuanpish juchayuc runamanca charishca jahuapish, ashtahuan tandachichunmi cun. Chai huacaichishcacunataca Diospac ñaupapi alli causac runaman cungapacmi chashnaca cun. Chaicunapish huairata caticuc shina yangallami.

ISAÍAS 28:26

Tarpuc runataca paipac Diosmi allita ruhuanata yachachicun.

EZEQUIEL 28:3

¿Canca Danielta yalli yachacchu cangui? ¿Canca mana yachaipac, imapish pacallata yachanguichu?

DANIEL 1:18

Chai mosocunata jatun mandacpac ñaupaman pushamuchun nishca punzhami pactarca. Chaimantami mandana huasipi serviccunata mandacca Nabucodonosorpac ñaupaman chai mosocunata pushamurca.

DANIEL 1:20

Tucui alli yachacushcata, alli yuyaiyuc cashcata jatun mandac yachashpaca, pai mandacuc llactapi tiyac tucui yachaccunatapish, lucerota ricushpa yachacuccunatapish chunga cutinhuan yalli yachac cashcatami ricurca.

DANIEL 1:4

Shinallatac mana ima tucushca, sumac ñahui, imatapish allita yachac, alli yuyaiyuc mosocunatami mandana huasipi paita servishpa causaccunata quillcanatapish, caldeocunapac rimaitapish yachachichun cayac cacharca.

DANIEL 10:1

Persia llactata jatun mandac Ciro quimsa huatata mandacucpimi Beltesasar nishca Danielman caicunata huillarca. Chai huillashcaca llaqui shamunamanta mana llullashpa huillashcami carca. Danielca chai huillashcata allita uyashpami, muscuipi shina ricurishca imata nisha nicushcata alli entendirca.

DANIEL 2:19

Chashna huillacpimi, pi mana huillai pudishcata Danielman tuta muscuipi shina ricuchirca. Chaimantami Danielca jahua pacha Diosta alli nishpaca:

DANIEL 2:21

Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.

DANIEL 2:23

Ñucanchic taitacunapac Dioslla, cantami alli nini. Canmi alli yachaita cushpa sinchiyachishcangui. Cunanmi ñucanchic mañashcata uyashpa, jatun mandac tapushcata ñucanchicman ricuchingui» nirca.

DANIEL 2:30

Chai mana yachashcataca ñucamanmi ricuchirca. Chaica, mana ñuca tucui gentecunata atishpa yachashcamantachu ñucaman ricuchirca. Ashtahuanpish can muscushca imata nisha nicushcata, cambac shungu imata yuyacushcata huillachunllami ñucaman ricuchirca.

DANIEL 4:6

Chaimantami chai muscushca imata nisha nicushca huillachun Babilonia llactapi causac tucui yachaccunata pushamuchun mandarcani.

DANIEL 5:14

Cantaca jucha illac diospac espirituyuc cashcatami uyani. Shinallatac cantaca luz achicyachic shina allita yachac, allita entendic cashcatami uyani.

DANIEL 7:1

Jatun mandac Belsasar Babilonia llactata mandai callari huatami Danielca camapi sueñucushpa, shuc muscuita muscurca. Paipac yuyaipish muscuipi shinami imacunata ricurca. Chaimanta riccharishpami, maijan yuyaicunallata quillcarca.

DANIEL 8:1

Jatun mandac Belsasar quimsa huatata mandacucpimi, Daniel ñucaca utcapi ricushca shinata cutin muscuipi shina ricurcani.

NÚMEROS 12:6

Mandac Diosca: «Cunanca, ñuca rimashcata uyaichic. Cancunapuramanta maijan shuc ñucamanta huillac tiyacpica, muscuipi shina ricurishpami parlasha.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

HECHOS 6:10

Ashtahuanpish Diospac Espíritu yuyaita cushpa, Estebanta rimachicpimi, chai runacunaca mana ati pudircacuna.

HECHOS 7:10

Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.

HECHOS 7:22

Shinami Moisesca Egipto llactapi ima yachanacunatapish alli yachachishca huiñarca. Chaimantami rimangapacpish, imata ruhuangapacpish alli yachac carca.

COLOSENSES 1:9

Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.