COLOSENSES 3:6 - Dios Rimashcata Quillcashcami

⁶ Chashna mana allita ruhuashcamantami, Dios piñarishpa, tucui paita mana cazuccunataca llaquichinga.

Nuevo Testamento en Quichua Cañar 1996

⁶ Chashna mana allita ruhuashcamantami, Taita Dios p'iñarishpa, tucui paita mana cazuccunataca llaquichinga.

COLOSENSES 3:6 ပူးပေါင်းရင်းမြစ်များ

ISAÍAS 57:4

¿Pitatac burlanguichic? ¿Pitatac calluta yallita llucchishpa burlarcanguichic? Cancunaca, ¿manachu mana cazuc runapac, llulla runapac huahua huahuacuna canguichic?

ROMANOS 1:18

Diosca jahua pachamantami paita mana cazuccunaman, millaita ruhuaccunaman pai piñarishcata ricuchin. Paicunaca mana allita ruhuashpami, cashcata ruhuanata jarcancuna.

EFESIOS 5:6

Yanga parlocunahuanca pipish cancunata ama pandachichun. Chashna mana allita ruhuashcamantami Dios piñarishpa, tucui paita mana cazuccunataca llaquichinga.

1 PEDRO 1:14

Alli cazuc huahuacuna shina, Diosta manarac ricsic cashpa, jucha munashca shina causanataca ama munaichicchu.

2 PEDRO 2:14

Maijan huarmita ricushpaca, huainayana yuyaillami cancuna. Juchallinataca manatac shaicuncunachu. Manarac sinchi criccunataca pandachincunami. Paicunaca tucuita atishpa imatapish charinallata munaccuna, shinallatac Dios mana ricunayachishca gentecunami can.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.