COLOSENSES 3:22 - Dios Rimashcata Quillcashcami

²² Serviccunapish, cai pachapi tiyac amocuna tucui ima nishcata cazushpa, ama paicuna ricucucpi alli ricuringaraiculla ruhuac tucuichicchu, ashtahuanpish Apunchic Jesusta alli niccuna cashcamanta, tucui shunguhuan ruhuaichic.

Nuevo Testamento en Quichua Cañar 1996

²² Serviccunapish, cai pachapi tiyac amocuna tucui ima nishcata cazushpa, ama paicuna ricucucpi alli ricuringaraiculla ruhuac tucuichicchu, ashtahuanpish Apunchic Jesusta alli niccuna cashcamanta, tucui shunguhuan ruhuaichic.

COLOSENSES 3:22 ပူးပေါင်းရင်းမြစ်များ

GÉNESIS 42:18

Quimsa punzhapica Joseca: —Ñucaca Diosta manchanimi, cancuna mana huañungapacca caita ruhuaichic:

NEHEMÍAS 5:15

Ashtahuanpish ñucapac punta mandaccunaca micungapacpish, vinopacpish, chuscu chunga siclos cullquita mañashpami llaquichishpa causarca. Shinallatac paicunata serviccunapish chashnallatacmi ruhuarca. Ashtahuanpish ñucaca Diosta manchac cashpami, mana chashna ruhuarcani.

NEHEMÍAS 5:9

ñucaca: —Cancunaca mana allitachu ruhuacunguichic. Ashtahuanpish, ¿manachu shuctac llactapi causac ñucanchicta piñaccuna ama burlachun, Diosta manchashpa causana canguichic?

SALMOS 123:2

Riqui, serviccuna paicunapac amopac maquita chapacuc shina, servic huarmicuna paicunapac amapac maquita chapacuc shinami, ñucanchicca Mandac Dios llaquingacaman, paillata chaparacunchic.

ECLESIASTÉS 12:13

Cai tucui yachachishca uyashca quipaca, ña tucuchingapacca tucurina rimaicunatami nini. Diosta manchangui. Pai mandashcacunata pactachingui. Tucui caicunatami runacunaca ruhuana can.

ECLESIASTÉS 5:7

Chaica, muscuc shina imatapish yuyacucpica, yanga yuyaicunapish, yanga rimaicunapish llucshinmi. Ashtahuanpish canca Diosta manchai.

ECLESIASTÉS 8:12

Juchayuc runa patsac cutin millaita ruhuacpipish unaita causacpipish, ñucaca Diosta manchashpa, paipac ñaupapi allita causac runa alli llucshic cashcatami yachani.

MALAQUÍAS 1:6

Churica taitata cazunmi. Servicpish amota manchanmi. Ñuca cancunapac Taita cacpica, ¿ima nishpatac mana cazunguichic? Ñuca cancunapac amo cacpica, ¿ima nishpatac mana manchanguichic? Ñuca shutita yangapi churac curacunalla, cancunaca: “¿Ima shinatac cambac shutitaca yangapi churanchicyari?” ninguichicmi. Chaitaca Mandac Dios ñucami nini.

SAN MATEO 6:22

Cuerpopac luz shinaca ñahuimi. Chaimanta cambac ñahui alli cacpica, tucui cuerpomi achicpi canga.

SAN MATEO 8:9

Ñucaca shuc mandacpac mandashcapish, soldadocunata mandacpishmi cani. Maijan soldadota “ri” nicpica, rinllami. Cutin maijanta “shamui” nicpica shamunllami. Ñuca servicta “imata ruhuai” nicpica, ruhuanllami— nirca.

SAN LUCAS 6:46

Cancunaca, ¿ima nishpatac Apunchic Jesús, Apunchic Jesús nicushpapish, mandashcataca mana pactachinguichic?

SAN LUCAS 7:8

Ñucapish mandachun churashcallami cani. Maijan soldadota ñuca “ri” nicpica, rinllami. Maijanta “shamui” nicpica, shamunllami. Ñuca servicta “imata ruhuai” nicpica, ruhuanllami ningui— nishpa cacharca.

HECHOS 2:46

Punzhantami Diosta mañana huasipi tandanacuc carca. Shinallatac paicunapac huasicunapipish tandanacushpa, Jesús huañushcata yuyarishpa, cuyai shunguhuanmi micuc carca.

2 CORINTIOS 7:1

Cuyashca criccuna, Dios ñucanchicman allicunata cushami nishcamantaca, Diosta manchashpa cuerpotapish, almatapish tucui imapish mapayachinamanta huacaichirishpa, chuyanlla causashunchic.

GÁLATAS 1:10

Chashna nishpaca gentecunalla alli nichunca mana munanichu, ashtahuanpish Dios alli nishca canatami munani. Gentecunalla ñucata alli nichun nishpaca, ña mana Cristopacta ruhuacchu caiman.

COLOSENSES 3:20

Huahuacunapish, cancunapac taita mama tucui ima nishcata cazuichic. Chashna cazuchunmi, Apunchic Jesusca munan.

1 TESALONICENSES 2:4

Ashtahuanpish Diosllatacmi alli nishpa, alli huillaita huillachun ñucanchicman mingarca. Chai shina huillashpaca, mana gentecunatachu cushichishun ninchic, ashtahuanpish ñucanchic shungu imata yuyacushcata yachac Diostamari cushichishun ninchic.

FILEMÓN 1:16

Cunanca ña mana cambac randishca runa shinachu, ashtahuanpish Jesusta crishcamantaca shuc cuyashca huauqui shinami ñucamanca tucushca. Cancarin yallimari cuyana cangui. Mana shuc yanga runalla shinachu cuyana cangui, ashtahuanpish Apunchic Jesusta cric cashcamantami, ashtahuan cuyana cangui.