COLOSENSES 3:14 - Dios Rimashcata Quillcashcami

¹⁴ Tucuimanta yallica, cuyanacushpami causana canguichic. Chashna cuyanacushpa causashpami, tucui mashna shuc shinalla sumacta causanguichic.

Nuevo Testamento en Quichua Cañar 1996

¹⁴ Tucuimanta yallica, c'uyanacushpami causana canguichic. Chashna c'uyanacushpa causashpami, tucui mashna shuc shinalla sumacta causanguichic.

COLOSENSES 3:14 ပူးပေါင်းရင်းမြစ်များ

SAN JUAN 13:34

Mushuc mandashcatami saquini: Caishuc chaishuc-huan cuyanacuichic. Ñuca ima shinami cuyani, chashnallatac cancunapish cuyanacuichic.

SAN JUAN 15:12

Caitami ñucaca mandani: Ñuca cancunata cuyashca shina, caishuc chaishuc cuyanacuichic.

SAN JUAN 17:23

Ñucaca paicunahuan, canca ñucahuan cacpimi, paicunaca shuc shinalla canga. Shina cacpimi, cai pachapi causaccunaca can cachashcata, shinallatac ñucata ima shinami cuyangui, chashnallatac paicunatapish cuyac cashcata yachangacuna.

ROMANOS 13:8

Ima mañashcataca ama charicuichicllachu, ashtahuanpish caishuc chaishuc-huan cuyanacuichic. Maijanpish cuyacca, Dios mandashcacunatami pactachin.

EFESIOS 1:4

Diosca paipac cuyaimantami manarac cai pachata ruhuashpa, ñucanchictaca jucha illac paipac ñaupapi paipaclla cachun acllashca.

EFESIOS 4:3

Diospac Espíritu alli apanacushpa shuc shinalla causachun yuyaita cushcamantaca, chashna causana yuyailla caichic.

EFESIOS 5:2

Jesucristo ñucanchicta cuyac shinallatac, cancunapish cuyanacushpa causaichic. Paica Diosman cushpa rupachishca mishquiman ashnacuc shina cangapacmi pai quiquinllatac japi tucushpa, ñucanchicmanta huañurca.

COLOSENSES 2:2

Paicuna tucui shunguhuan crishpa, cuyanacushpa, sinchiyashpa catichunmi, chashnaca ruhuacuni. Chashna ruhuacpimi, Dios pacashca ima shina cashcataca tucui allita yachanga. Chaica Cristomi.

1 TESALONICENSES 4:9

Diosllatacmi caishuc-huan chaishuc-huan cuyanacunataca ña yachachishca, chaimantami ña mana ashtahuan cuyanacunamantaca quillcana canchic.

1 TIMOTEO 1:5

Caita mandashpaca, chuya shunguhuan, chuya yuyaihuan, mana nic tucushpalla crishpa, caishuc chaishuc-huan cuyanacuchunmi nini.

HEBREOS 6:1

Chaimanta Cristomanta callari yachanacunata saquishpa, ashtahuanpish alli yachaccuna cangapac ashtahuan yachacushun. Diosman cutirinamanta, ima shina crina yuyaicunamanta, huañuiman apacuc ima millaicunamanta,

1 PEDRO 4:8

Tucuimanta yallica caishuc chaishuc cuyanacuichic. Chashna cuyanacushpaca, achca juchacunatami perdonanguichic.

2 PEDRO 1:7

Ña Diosta allita yuyariccuna cashpaca, criccunapura allita ruhuaccuna caichic. Ña criccunapura allita ruhuaccuna cashpaca, tucuita cuyaccuna canata munaichic.

1 JUAN 3:10

Maijanpish cashcata mana ruhuashpa, criccunata mana cuyacca, mana Diospac huahuachu. Shina cashcamanta maijanlla Diospac huahuacuna, maijanlla diablopac huahuacuna cashcataca ricunallami can.

1 JUAN 3:23

Paica paipac Churi Jesucristota crichun, shinallatac pai mandashca shina caishuc chaishuc-huan cuyanacuchunmi, ñucanchictaca mandan.

1 JUAN 4:21

«Diosta cuyashpaca, paipac huauquitapish cuyachun» nishpami, Apunchic Jesusca mandashca.