COLOSENSES 3:10 - Dios Rimashcata Quillcashcami

¹⁰ Cancuna mushuc churanata churaric shinami, mushuc yuyaita japishcanguichic. Imatapish ruhuac Dios mushucta ruhuashpa pushacpimi, cancunaca pai shina tucushpa Diosta allita ricsic chayanguichic.

Nuevo Testamento en Quichua Cañar 1996

¹⁰ Cancuna mushuc churanata churaric shinami, mushuc yuyaita japishcanguichic. Imatapish ruhuac Taita Dios mushucta ruhuashpa pushacpimi, cancunaca pai shina tucunguichic. Chashna cashpami, Taita Diosta allita ricsic chayanguichic.

COLOSENSES 3:10 ပူးပေါင်းရင်းမြစ်များ

GÉNESIS 5:1

Caicunami Adanpac huahua huahuacunapac shuticunaca. Diosca runata ruhuashpaca, pai shinatami ruhuarca.

JOB 29:14

Ñucaca churanata churaric shinami cashcata ruhuashpa causarcani. Chaimi ñucataca pilluchirca. Ñucapac jahualla churana shinaca, allita ruhuanami carca.

SALMOS 51:10

Ñuca Dioslla, ñucataca chuya shunguta ruhuaiyari. Allita ruhuac Espirituta ñucapica cutin churaiyari.

ISAÍAS 52:1

¡Sión llactalla, ricchariyari! ¡Sinchiyaiyari! Diospaclla llacta Jerusalenlla, sumac churanata churariyari. Circuncisionta mana ruhuashca runapish, mapa runapish mana cutin yaicungachu.

ISAÍAS 59:17

Cashcata ruhuanataca fierro churanata shina, quishpirinataca cascota shinami, umapi churarirca. Paita mana cazushca shinallatac llaquichinataca churanata churaric shinami churarirca. Yallita cuyaihuanmi jahualla churaric shina taparirca.

EZEQUIEL 11:19

Paicunamanca mushuc yuyaita, mushuc shungutami cusha. Rumi shunguta anchuchishpami, aicha shunguta churasha.

EZEQUIEL 18:31

Juchacunata ruhuashpa, ñucata llaquichishcata yuyarishpa shungutapish, yuyaitapish mushucyachichic. Israelcunalla, ¿imamantatac huañunguichicyari?

EZEQUIEL 36:26

Cancunamanca mushuc shunguta, mushuc yuyaitami cusha. Rumi shunguta anchuchishpami cazuc shunguta churasha.

SAN JUAN 17:3

Cai huiñai causaitaca, shuclla Dios cashcata crishpa, Jesucristoca Dios cachashca cashcata crishpami chasquinga.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

ROMANOS 13:12

Tutapish ñami pacarimugrin. Chaimanta amsapi mana allicunata ruhuashpa causanata saquishpa, achicta churaric shina, allita ruhuaichic.

ROMANOS 13:14

Chaipac randica, Apunchic Jesusta churanata churaric shina, paihuan millaita mishaichic. Ashtahuanpish ama cai pacha jucha munashcata ruhuaichicchu.

ROMANOS 6:4

Diosca, paipac poderhuanmi Cristota huañushcacunapuramanta causachirca, chai shinallatacmi ñucanchicpish mushuc causaita causangapac bautizarircanchic. Shinallatac Cristo huañushca shina huañungapac, pai enterrarishca shina enterraringapacmi bautizarircanchic.

ROMANOS 8:29

Diosca, ñaupaman ricsishcacunataca paipac Churi shina cachunmi acllarca. Chashnami achca criccunamanta punta cachun chicanyachirca.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañota anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa caticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa caticun.

2 CORINTIOS 4:16

Ñucanchic cuerpo punzhanta maucayashpa tucurimucpipish, ñucanchic almaca punzhantami mushucyashpa caticun. Chaimantami mana shaicunchic.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

GÁLATAS 3:27

Bautizarishpaca, Cristohuan shuc shinalla tucushpami shuctac churanata churarishca shina Cristohuanca shuctaclaya tucushcanguichic.

GÁLATAS 6:15

Circuncisionta ruhuashcapish, mana circuncisionta ruhuashcapish mana ima canchu, ashtahuanpish Dios mushucyachicpi mushuc causanami ashtahuan alli.

EFESIOS 2:10

Diosmi ñucanchictaca ruhuarca. Chashna ruhuashpaca, Jesucristohuan shuc tucushcamanta allicunata ruhuachunmi mushucta ruhuarca. Chai allicunata ruhuachunmi, ñucanchictaca ñaupamanta pacha allichishca.

EFESIOS 2:15

Cristoca pai huañushpami, Moisés mandashcacunatapish, ima ruhuanacunatapish cazunamanta anchuchirca. Chashnami Israelmantapish, mana Israelmantapish paihuan tandachishpa shuc shinallatac ruhuarca. Chai shinami sumac apanacuica tiyan.

COLOSENSES 3:12

Diosca cancunata cuyashpami, paipaclla cachun acllarca. Chaimantami mushuc churanata churaric shina, shungumanta llaquishpa, cuyashpa, mana jatun tucushpa, mana piñarishpa, shinallatac cuyac shunguhuan causana canguichic.

COLOSENSES 3:14

Tucuimanta yallica, cuyanacushpami causana canguichic. Chashna cuyanacushpa causashpami, tucui mashna shuc shinalla sumacta causanguichic.

FILEMÓN 1:6

Ñucanchic crishcata shuccunaman huillachun, shinallatac Dios cushca allicunata Jesucristomanta chasquishcatapish alli entendichun nishpami, canmantaca Diosta mañacuni.

HEBREOS 6:6

Crinata saquishpaca mana Dios-huan alli tucungapac tigrari pudinchu. Paicuna Diospac Churitaca tucuipac ñaupapi pucllashpa, cutin chacatacuc shina ruhuancuna.

1 JUAN 2:3

Diospac mandashcacunata pactachishpaca, paita ricsishcatami yachanchic.

1 JUAN 2:5

Shina cacpipish Dios rimashca shimita maijanpish cazucca, Dios cuyac shinallatacmi mai cuyac cashcata ricuchin. Chashna cashpami paihuan shuclla cashcata yachanchic.

APOCALIPSIS 21:5

Chai quipaca mandashpa tiyarinapi tiyacucca: «Ñucaca tucuitami mushucta ruhuani» nirca. Shinallatac paica: «Quillcai, cai ñuca rimashcacunaca chashna pactanatac, shinallatac mana llullachu» nirca.