COLOSENSES 2:16 - Dios Rimashcata Quillcashcami

¹⁶ Chaimanta cancunataca imata micushcamanta, ubiashcamanta, mana cashpaca fiesta punzhacunapi, llullu quilla punzhacunapi, samana punzhacunapi imata ruhuacushcamanta ama pi juchanchichun.

Nuevo Testamento en Quichua Cañar 1996

¹⁶ Chaimanta cancunataca imata micushcamanta, ubiashcamanta, mana cashpaca fiesta punzhacunapi, llullu quilla punzhacunapi, samana punzhacunapi*f** imata ruhuacushcamanta ama pi juchanchichun.

COLOSENSES 2:16 ပူးပေါင်းရင်းမြစ်များ

2 REYES 4:23

Shina nicpimi, paipac cusaca: —Cunanca, mana llullu quillapish, mana samana punzhapish canchu. ¿Imapactac paita ricungapac rigringui?— nirca. Shina nicpi, chai huarmica: —Chaimanta ama mancharichu— nirca.

1 CRÓNICAS 23:31

Samana punzhacunapi, llullu quilla punzhacunapi, jatun fiesta punzhacunapi Mandac Diosman cushca tucui animalcunata rupachingapacmi ric carca. Chai punzhacunapi mashna animalcunata cuchun mandashca shinallatacmi Mandac Diospac ñaupapi curcacuna.

2 CRÓNICAS 31:3

Tutamantapish, chishipish Diosman cushpa rupachichunca, jatun mandacllatacmi paipac quiquin haciendamanta animalcunata curca. Shinallatac samana punzhapi, llullu quillapi, fiesta punzhapi, Mandac Dios mandashpa quillcashcapi nishca shinallatac Diosman cushpa rupachichunmi curca.

NEHEMÍAS 10:31

Chashnallatac samana punzhapi, Diospaclla chicanyachishca punzhapi shuc llacta gentecuna imacunata, granocunata, mana cashpaca ima shuctac micunacunata catungapac shamucpi, mana randingapac. Shinallatac canchis huata tucucpica, allpacunatapish samachingapac, debicunatapish perdonangapac.

NEHEMÍAS 10:33

Diosman cuna tandapac, punzhanta cuna ofrendapac, Diosman animalta cushpa punzhanta rupachingapac, samana punzhacunapi, llullu quilla punzhacunapi, fiesta punzhacunapi cungapac. Shinallatac Diosman chicanyachishpa cungapac animalta israelcunapac juchamanta cushpa huañuchingapac, ñucanchic Diospac huasipi imata ruhuachun cungapacmi ñucanchicllatac ari nircanchic.

NEHEMÍAS 8:9

Chaita uyashpami tucui gentecuna huacarca. Shina huacacpimi mandac Nehemiaspish, quillcac Esdraspish, rezashcata entendichic levitacunapish rimashpaca: «¡Cunanca, ñucanchicta Mandac Diosman chicanyachishca punzhami! Ama llaquirichicchu, ama huacaichicchu» nirca.

SALMOS 42:4

Achcacunata pushashpami Diospac huasimanca ric carcani. Fiestacunapipish achcacunahuanmi cushi tonohuan cantashpa chayac carcani. Tucui chaicunata yuyarishpami, tucui almahuan yallita llaquirini.

SALMOS 81:3

Llullu quilla punzhacunapipish, entero quilla punzhacunapipish cornetapi tocaichic. Chai punzhacunaca yallita cushicuna punzhacunami.

ISAÍAS 1:13

Ama ashtahuan yanga ofrendacunata cuichicchu. Inciensota rupachishcatapish, llullu quillapi, samana punzhapi cancuna tandanacushcatapish ñucaca millanimi. ¡Cancunapac jatun fiestacunataca mana ricunayanchu!

EZEQUIEL 4:14

Shina nicpimi ñucaca: «¡Mandac Dioslla! Ñucaca huahuamanta pacha cunancaman jaicapi mana mapayashcanichu. Huañushca aichatapish, sacha animal huañuchishca aichatapish, ima shuctac mapa aichatapish mana micushcanichu. Mana shimipi churashcanillapishchu» nircani.

EZEQUIEL 45:17

Chai mandacmi israelcunapac jatun fiestacunapi, llullu quillapi, samana punzhapimi animalta huañuchishpa rupachinga, shinallatac vinota tallinga. Paicunallatacmi juchacunamanta ñucaman cunga, animaltapish rupachinga. Shinallatac ñucahuan alli tucungapacpish paicunallatacmi ofrendata cunga, israelcunapac juchacunata perdonachunpish animalta cunga.

LEVÍTICO 16:31

Chai punzhaca samarishpa, tucui shunguhuan llaquirina punzhami canga. Cai mandashcacunaca huiñaita chashnatac ruhuana mandashcami.

AMÓS 8:5

Cancunaca: «Trigota catungapac, ¿ima horastac quillaca tucuringayari? Shinallatac grano huacaichina ucumanta granota llucchishpa catungapac, ¿ima horastac samana punzha tucuringayari? Catuna punzhacuna chayamucpica, balanzatapish, medinacunatapish huacllichishpa catushpami achca cullquita japishun.

NÚMEROS 10:10

Cushicuna punzhacunapipish, quilla callari punzhacunapipish, imata yuyarina punzhacunapipish ñucahuan alli tucungapac animalcunata huañuchishpa, ofrendata tucui rupachishpaca trompetacunapi tocanguichic. Shina ruhuacpimi, Mandac Dios ñucaca cancunata yuyarisha. Ñucami cancunata Mandac Dios cani» nirca.

SAN MATEO 15:11

Imapish shimita yaicucca mana juchayucta ruhuanchu, ashtahuanpish shungumanta llucshishca, mana alli rimaicunami, runataca juchayucta ruhuan— nirca.

MARCOS 7:19

Micunaca shunguman mana yaicushpami, huicsallaman yaicun. Quipamanca llucshinllami— nirca. Chashna nishpaca, ima micunatapish micunallami nishpami yachachirca.

HECHOS 15:20

Chaipac randica, paicunataca ruhuashcalla dioscunaman ima cushcatapish, yahuartapish, sipishpa huañuchishca aichatapish ama micuchun, shinallatac ama huacllirichun, cunashpa, quillcashpa cachashunchic.

ROMANOS 14:10

Shina cacpica, ¿ima nishpatac shuctac cricta juchanchingui? ¿Ima nishpatac caishuc cricta mana valichingui? Tucuimi Diospac ñaupapi taripashca cangapac ricurishun. Paimi allitapish, mana allitapish ninga.

GÁLATAS 4:10

Cancunaca acllashca punzhacunatapish, quillacunatapish, cushicuna punzhacunatapish, shinallatac huatacunatapish yupashpa huacaichiccunami canguichic.

COLOSENSES 2:20

Cancuna Jesucristohuan huañushca shina cashcamantaca, cai pachapi tiyashca imapish manchanacunaca cancunata ña mana mandacunchu. Shina cashpaca, ¿ima nishpatac cai pacha mandashca shina causacunguichic?

HEBREOS 13:9

Cancuna mana ricsishca shuctac doctrinacunata ama chasquinguichicchu. Imacunallata micuna, imacunallata mana micuna nishpa mandashcaca ima allita mana ruhuashcachu. Chaipac randica, Diospac cuyaita shungupi charishpa, sinchiyaichic.

HEBREOS 9:10

Chaica micunapish, ubianapish, tucuilaya maillarinapish cuerpopac alli cashcatami ricuchin. Chai mandashcaca Dios shucta ruhuangacamanmi alli carca.

SANTIAGO 4:11

Cuyashca criccuna, ama caishuc chaishuc huashalla rimanacuichicchu. Maijanpish shuc huauquita mana allichu nishpa rimashpa, mana cashpaca juchanchishpaca, Dios mandashcatami mana alli nishpa juchanchin. Mandashcata mana allichu nishpa juchanchishpaca mana cazushpami, juez shina tucungui.

1 SAMUEL 20:18

Chai quipami Jonatanca: —Cayaca llullu quilla cacpimi, micunata ruhuanga. Cambac tiyarina chushaclla cacpica, cantaca piñangami.

1 SAMUEL 20:5

Chashna nicpimi Davidca Jonatantaca: —Riqui, cayaca llullu quillami. Ñuca jatun mandac-huanmi micungapac tiyarina cani. Ashtahuanpish canca quimsa punzhacaman pambapi ñuca miticugrichun saquingui.