COLOSENSES 2:13 - Dios Rimashcata Quillcashcami

¹³ Cancunaca ñaupaca juchata ruhuashcamantapish, shungumanta mana circuncisionta ruhuashcamantapish huañushca shinami carcanguichic. Chashna cacpipish Diosca juchacunata perdonashpami, Jesucristohuan pacta causachirca.

Nuevo Testamento en Quichua Cañar 1996

¹³ Cancunaca ñaupaca juchata ruhuashcamantapish, shungumanta mana circuncisionta ruhuashcamantapish huañushca shinami carcanguichic. Chashna cacpipish Taita Diosca juchacunata perdonashpami, Jesucristohuan pacta causachirca.

COLOSENSES 2:13 ပူးပေါင်းရင်းမြစ်များ

SALMOS 119:50

Can cusha nishcamantami llaquihuan cashpapish cushicuni. Chaillatacmi ñucamanca causaita cun.

SALMOS 32:1

Mana cazushcata perdonashca, tucui juchacunatapish cungarishca runaca mai cushicunmi.

SALMOS 71:20

Achca llaquicunata, nanaicunatami ricuchircangui. Shina cashpapish canllatacmi cutin causaita cushpa enterrashcamantapish llucchingui.

ISAÍAS 1:18

Mandac Diosca: «Cunanca tandanacushpa allichingapac ñucapacman shamuichic. Cancunapac jucha puca tela shina cacpipish, rasu shina yuranllatami ruhuasha. Yana puca tela shina cacpipish, yuranlla millma shinatami ruhuasha.

ISAÍAS 55:7

Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

JEREMÍAS 31:34

Paicunapurapish, huauquicunapurapish: “Mandac Diosta ricsichic” nishpaca, ña mana yachachingachu. Ñucataca uchillamanta callarishpa, yuyaccunacamanmi ricsinga. Paicunapac mana allita ruhuashcataca perdonashami. Paicunapac juchataca mana ashtahuan yuyarishachu» ninmi.

SAN LUCAS 15:24

Ñuca churica, huañushcami carca, causarishcami. Chingarishcami carca, cunanca cutimushcami” nirca. Chashnami yallita cushicui callarirca.

SAN LUCAS 15:32

Cai cambac huauquica, chingarishcami carca, cunanca cutimushcami. Huañushcami carca, cunanca causarishcami. Chaimantami jatun micuita ruhuashpa, cushicuna canchic” nircami» nirca.

SAN LUCAS 9:60

Chashna nicpimi Jesusca: —Huañushcacuna huañushcacunata enterrachun saqui. Canca, Dios mandacucmanta alli huillaita huillangapac shamui— nirca.

SAN JUAN 5:21

Ima shinami ñuca Taitaca huañushcacunata causachishpa, causaita cun, chashnallatacmi paipac Churi ñucapish maijanman causaita cusha nishpaca cuni.

SAN JUAN 6:63

Diospac Espiritumi causaita cun. Gentecunallaca imata ruhuai pudinchu. Tucui ñuca nishcacunaca, causaita cuc Diospac Espiritumantami.

ROMANOS 4:17

Dios quillcachishcapica: «Tauca llactacunapac taita cachunmi churani» ninmi. Abrahamca huañushcacunatapish causachic, ima mana tiyashcacunata ruhuac Diosta crishcamantami tucuipac taita tucushca.

ROMANOS 6:13

Ama cancunapac cuerpo ima mana allicunata ruhuachun saquinguichicchu. Chaipac randica huañushcacunapuramanta causarishca shina, Diospacllata ruhuachun paillaman cuichic. Cancunapac cuerpotaca Diospacta ruhuachun saquichic.

ROMANOS 8:11

Jesusta causachic Diospac Espíritu cancunapi causacucpica, Diosllatacmi cancunapi cac Espirituhuan cancunapac cuerpota causachinga.

1 CORINTIOS 15:36

¡Yuyai illac! Muyuta tarpucpica, muyuca ismunmi. Quipatami shuc huiñan.

1 CORINTIOS 15:45

Dios quillcachishcapica: «Diosca punta Adantaca causaiyuctami ruhuarca» ninmi. Cutin quipa Adantaca causachic Espirituyuctami Diosca ruhuarca.

2 CORINTIOS 3:6

Paillatacmi paipac mushuc ari ninacuita huillachun, ñucanchicman yachachirca. Chaica mana mandashcapi quillcashcachu, ashtahuanpish Diospac Espíritu yachachishcami. Mandashcaca huañuchinmi, ashtahuanpish Espirituca causaitami cun.

2 CORINTIOS 5:19

Diosca gentecunapac juchata mana yuyarishpami, Jesucristomanta tucui cai pachapi causaccuna paihuan alli tucuchun chasquicun. Dios-huan alli tucunata huillaccuna cachunmi, ñucanchicman mingarca.

EFESIOS 2:1

Ñaupaca Diosta mana cazushpa, juchata ruhuashpa causacushcamantami, cancunaca huañushca shina carcanguichic.

EFESIOS 2:11

Cancuna mana israelcunataca Circuncisionta mana ruhuaccuna, nishpa cayaccuna cashcata yuyarichic. Israelcunaca “circuncisionta ruhuaccunami canchic” nishpami, gentecuna yuyashca shinallatac ruhuancuna.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

COLOSENSES 2:12

Cancuna ña bautizarishca cashcamantaca, Cristohuan enterrashca shinami canguichic. Shinallatac Cristota causachic imatapish ruhuaclla Diosta crishcamantaca, huañushcacunapuramanta Cristohuan pacta causachishca shinami canguichic.

1 TIMOTEO 5:6

Ashtahuanpish quiquin munaita ruhuashpa causac viudaca, causacushpapish huañushca shinami can.

1 TIMOTEO 6:13

Cantaca tucui cai pachapi causaita cuc Diospac ñaupapi, shinallatac mandac Pilatoman cashcata nishpa allitac huillac Jesucristopac ñaupapimi, caicunataca mandani.

HEBREOS 6:1

Chaimanta Cristomanta callari yachanacunata saquishpa, ashtahuanpish alli yachaccuna cangapac ashtahuan yachacushun. Diosman cutirinamanta, ima shina crina yuyaicunamanta, huañuiman apacuc ima millaicunamanta,

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.

SANTIAGO 2:17

Chai shinallatacmi crishpapish, ima allita mana ruhuacpica, huañushca shinallatac can.

SANTIAGO 2:20

Ama upa shina caichu. Can crishpapish, ima allita mana ruhuashpaca, huañushca shinallatacmi cangui.

SANTIAGO 2:26

Shinashpaca ima shinami shuc cuerpo alma illaclla huañushca can, chai shinallatacmi crishcapish ima allita mana ruhuashpaca, huañushca shina can.

1 JUAN 2:12

Cuyashca huahuacuna, cancunapac juchacunataca Jesucristomanta Dios ña perdonashca cashcamantami, cancunamanca quillcani.