COLOSENSES 1:27 - Dios Rimashcata Quillcashcami

²⁷ Chashnami Diosca paipaclla causaccunaman yachachishpa, pacashca cashca sumaimana alli cashcata tucui gentecunaman ricuchisha nirca. Chai pacashca huillasha nicushcaca, cancunapi causacuc Cristomi can. Cristo cancunapi causacushcamantami, japina cashca sumaimana cashcataca ricuna yuyailla canguichic.

Nuevo Testamento en Quichua Cañar 1996

²⁷ Chashnami Taita Diosca paipaclla causaccunaman yachachishpa, pacashca cashca sumaimana alli cashcata tucui gentecunaman ricuchisha nirca. Chai pacashca huillasha nicushcaca, cancunapi causacuc Cristomi can. Cristo cancunapi causacushcamantami, japina cashca sumaimana cashcataca ricuna yuyailla canguichic.

COLOSENSES 1:27 ပူးပေါင်းရင်းမြစ်များ

SAN MATEO 13:11

Chashna tapucpimi Jesusca: —Cancunaman Dios mandacucmanta yachachishpaca, pimanpish mana yachachishcatami yachachini, ashtahuanpish shuccunamanca mana chashna yachachishcanichu.

SAN LUCAS 17:21

Mana: “Caipimi, chaipimi ña mandacun” ningachu. Ashtahuanpish Diosca ñami cancunapac chaupipi mandacun— nirca.

SAN JUAN 14:17

Paica cashcata nic Espiritumi. Paitaca cai pacha runacunaca mana ricunchu, mana ricsinchu. Chaimantami mana chasqui pudin. Shina cacpipish, cancunaca ricsinguichicmi.

SAN JUAN 14:20

Chai punzhami ñucaca Taitahuan shuclla cashcata, cancunaca ñucahuan, ñucaca cancunahuan shuclla cashcata yachanguichic.

SAN JUAN 14:23

Shina nicpimi Jesusca: —Maijanpish ñucata cuyacca, ñuca rimashcacunatami cazun. Paitaca ñuca Taitapish cuyanmi. Chaimantami paihuan causangapac shamushun.

SAN JUAN 17:26

Can ñucata cuyac shinallatac paicunapish cuyanacuchun, shinallatac ñucahuan shuc shinalla cachunmi, can rimashcacunataca ricsichini, shinallatac ricsichishpa catishami— nirca.

SAN JUAN 6:56

Maijanpish ñuca aichata micucca, ñuca yahuarta ubiacca, ñucahuanmi causan. Ñucapish paihuanmi causani.

ROMANOS 11:33

¡Dios mandanapish, yachaipish, yuyaipish yalli jatunmi! Pai yuyacushcapish, maita mana yachaipacmi. Pai ruhuashcapish mana entendipacchu.

ROMANOS 2:4

¿Dios cuyac cashcata, llaquic cashcataca yangalla cashcatachu yuyangui? ¿Dios llaquishpa, paiman cuti richun shuyacushcatapish yangapichu churangui?

ROMANOS 5:2

Shinallatac Apunchic Jesucristota crishcallamantami Dios cuyashca, cushilla causacunchic. Shinami Diospac sumaimana mandanata cushicushpa shuyacunchic.

ROMANOS 8:10

Cristo cancunapi causacucpica, cuerpoca juchamanta huañushcami can. Shina cacpipish, Dios cashcata ruhuac cashcamantami, paipac Espíritu causaita cun.

ROMANOS 9:23

Diosca sumaimana cashcata ricuchingapacmi, ñaupamanta pacha cuyac cashcata ñucanchicman ricuchirca. Chaitaca ñaupamanta pachami, allichishca carca.

1 CORINTIOS 3:16

Cancunaca Dios causana huasi cashcata, shinallatac Diospac Espiritupish cancunapac shungupi causacushcataca, ¿manachu yachanguichic?

2 CORINTIOS 2:14

Diostaca pagui ninimi. Paimi ñucanchictaca Cristo Jesus-huan mishaccuna cashcata ricuchishpa punzhanta pushacun. Shinallatac mai llactapipish mishquilla ashnacuc shina Cristopac alli huillaica ñucanchicmantami huillaricun.

2 CORINTIOS 4:17

Cai causaipi ashacamanlla llaquita apacushcaca tucuringami. Shina cashpapish, llaquicunaca tucuimanta yalli huiñai causaiyuctami ruhuacun.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

2 CORINTIOS 6:16

Dios causana huasihuan ruhuashcalla dioscunahuanca, ¡maitatac shuc shinalla tucungayari! Ñucanchicmi causac Dios causana huasica canchic. Diosllatacmi: «Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Paicunaca ñuca acllashcacunami canga» nishca.

GÁLATAS 2:20

Ñucaca Cristohuanmi chacatashca shina cani. Ña mana ñucallachu causacuni, ashtahuanpish Cristomi ñucapica causacun. Cunan aichapi causacushpapish Diospac Churita crishpami causani. Paica ñucata cuyashpami, ñucamanta huañurca.

GÁLATAS 4:19

Cuyashca huahuacuna, cutinllatacmi shuc huarmi sajuarina nanaihuan llaquita apacuc shina, cancunamanta llaquita apacuni. Cancuna Cristo causashca shina causangacamanmi llaquita apacushalla.

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

EFESIOS 2:22

Shinallatacmi cancunapish Jesucristohuan shuc shinalla cashpaca, tucuilla tandanacushpa, Diospaclla cac huasi shina tucunguichic. Chashna cacpica Diosmi paipac Espiritumanta chaipi causacun.

FILIPENSES 4:19

Tucuita charic, ñuca Diosmi, Cristo Jesusmantaca cancunapac tucui ima illashcatapish yallita cunga.

COLOSENSES 1:5

Cashcata nic alli huillaita uyashpami, cancunaca jahua pachapi Dios huacaichishcata tucui shunguhuan cringuichic.

COLOSENSES 2:3

Diosmanta sumac yachaicunatapish, alli yuyaicunatapish paillatacmi charicun.

COLOSENSES 3:11

Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

1 TIMOTEO 1:1

Ñucanchicta Quishpichic Dios, shinallatac Apunchic Jesucristo mandashcamanta, ñucanchic shunguta churashpa shuyana Apunchic Jesucristo acllashca apóstol Pablomi,

HEBREOS 6:19

Cai shuyacushca yuyaica, barcota charic llashac fierro anclas shinami, ñucanchic yuyaitaca alli sinchita charicun. Cai shuyacushcami, ñucanchictaca jahua pacha Diosta mañana huasipi tiyac, lienzo paño jarcashca Diospaclla ucuman yaicuchin.

1 JUAN 4:4

Cuyashca huahuacuna, cancunaca Diospacmi canguichic. Cancunapi causacuc Espirituca cai pachapaclla causac espirituta atic cashcamantami, chai llullashpa huillaccunataca mishashcanguichic.

APOCALIPSIS 3:20

Ñucaca huasiyuc nishpami pungupi huactashpa shayacuni. Maijanpish ñuca rimashcata uyashpa punguta pascacpica, paipacman yaicushpa paihuan micushami, paipish ñucahuan micungami.