COLOSENSES 1:20 - Dios Rimashcata Quillcashcami

²⁰ Diosca Cristomantami, tucui pai ruhuashcacunataca paihuan alli tucuchun chasquisha nirca. Chashnami, Jesucristo cruzpi huañushcamanta cai pachapi causaccunatapish paihuan alli tucuchun chasquirca.

Nuevo Testamento en Quichua Cañar 1996

²⁰ Taita Diosca Cristomantami, tucui pai ruhuashcacunataca paihuan alli tucuchun chasquisha nirca. Chashnami, Jesucristo cruzpi huañushcamanta cai pachapi causaccunatapish paihuan alli tucuchun chasquirca.

COLOSENSES 1:20 ပူးပေါင်းရင်းမြစ်များ

LEVÍTICO 6:30

Juchamanta Dios-huan tupana huasi ucupi tiyac altarman apashca yahuartaca mana micunachu. Chaitaca tucuimi rupachina can.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

MIQUEAS 5:5

¡Paimi ñucanchicmanca cushi causaita cunga! Asiriocuna ñucanchic llactaman shamushpa, mandashpa tiyana huasicunata sarunacucpica, canchis michiccunata, pusac mandaccunatami paicunata llaquichichun cachashun.

NÚMEROS 7:65

Shinallatac Dios-huan alli tucungapacca ishcai huagrata, pichca cari ovejata, pichca cari chivota, shinallatac shuc huatayuc pichca cari ovejatami apamurca. Caicunami Gedeonipac churi Abidanpac ofrendaca carca.

SAN MATEO 1:21

Paica shuc cari huahuatami charinga. Chai huahuataca JESÚS shutitami shutichingui. Paimi pai acllashcacunataca juchacunamanta quishpichinga. Chaimantami chai shutica canga» nirca.

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

HECHOS 10:30

Shina nicpimi Cornelioca: —Ñami chuscu punzha tucun. Chaica, cunan shina chishimi, cai ñuca huasipi ayunashpa, Diosta mañacurcani. Chaipimi jagan nicuc churanata churashca runa ñapish ricurirca.

ROMANOS 5:1

Ñucanchic crishcamanta Dios chasquicpimi, Apunchic Jesucristomanta Dios-huan cushi causanchic.

EFESIOS 1:10

Diosca cai cusha nishcataca pactana punzha chayacpimi pactachirca. Jahua pachapi, cai pachapi tiyac imacunatapish Cristo mandachunmi, tandachishpa chashnaca ruhuarca.

FILIPENSES 2:10

Jesuspac shutipi, jahua pachapi causaccunapish, cai pachapi causaccunapish, allpa ucupi caccunapish tucui cungurishpa,

COLOSENSES 1:16

Diosca paihuanmi jahua pachapi tiyac imacunatapish, cai pachapi tiyac imacunatapish, ricuipaccunatapish, mana ricuipaccunatapish, poderta charic mandac espiritucunatapish ruhuarca. Tucuitami paihuan ruhuashpa, paipaclla cachun ruhuarca.

HEBREOS 2:17

Paica, ayudangapacca paipac huauquicuna shinami tucurca. Chashna ayudashpami jatun mandac cura tucushpa, llaquishpa tucui gentecunapac juchacunata anchuchirca. Chashnami Diosta tucuita cazushpa servirca.