CANTARES 8:14 - Dios Rimashcata Quillcashcami

¹⁴ ¡Ñuca cuyashcalla, utca shamuiyari. Canca gacela animal shina, malta taruga shina, mishquiman ashnacuc urcucunata callpashpa utca shamuiyari!

CANTARES 8:14 ပူးပေါင်းရင်းမြစ်များ

CANTARES 2:17

Ñuca cuyashcalla, manarac pacaricpi, manarac punzhayacpi utca cutimuiyari. Beter lomacunata huahua cerba shina, maltón taruga shina callpamuiyari.

CANTARES 2:7

¡Jerusalenpi causac solteracunalla, gacela animalcunamanta, tarugacunamanta ari nichicyari! ¡Ñuca cuyashcataca amatac ricchachinguichicchu! ¡Ima horascamanpish samarichun saquinguichiclla!

CANTARES 2:9

Ñuca cuyashcaca taruga shina, mana cashpaca maltón gacela shinami. Riquichic, paica ñucanchic pirca huashapimi ventanamanta chapacun. Ventanapi churashca caspi huashamantami chapacun.

CANTARES 4:6

Manarac achicyacpi manarac llandu pasaricpimi mirra urcuman, incienso lomaman risha.

SAN LUCAS 19:12

«Shuc alli mandacmi paipac llactata mandanata chasquishpa, cutingapac caru llactaman rirca.

DEUTERONOMIO 12:15

Shina cashpapish tucui cancunapac llactacunapimi cancuna munashca shina, Mandac Dios bendiciashca animalta huañuchishpa, micui pudinguichic. Chaicunataca mapa cashpapish, mana mapa cashpapish, gacelata, venadota micuc shina micunguichiclla.

FILIPENSES 1:23

Huañunapish, causanapish allimi. Shina cacpipish shuc yuyaipica, Cristohuan causagringapac huañushca caiman yuyanimi. Chaimi tucuimanta yalli allica.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.

APOCALIPSIS 22:20

Caicunata huillac Jesuspish: —¡Ari, utcami shamugrini!— ninmi. Chashna cachun. ¡Apunchic Jesús, utca shamuilla!