CANTARES 5:9 - Dios Rimashcata Quillcashcami

⁹ ¿Cambac cuyashcaca shuctac caricunamanta yallica imapitac ashtahuan alli ricurin? Tucui huarmicunamanta yalli sumac huarmilla, ñucanchic canhuan tupacpi can chashna huillachunca, ¿cambac cuyashcaca shuctac caricunamanta yallica imapitac ashtahuan alli ricurin?

CANTARES 5:9 ပူးပေါင်းရင်းမြစ်များ

SALMOS 45:13

Jatun mandacpac ushica curihuan sumacta ruhuashca churanata churashcami tiyacun.

SALMOS 87:3

¡Diospac pueblolla, canmantaca sumaimanatami rimancuna!

CANTARES 1:8

Tucui huarmicunamanta yalli sumac huarmilla, can mana yachashpaca, oveja sarushcata ricushpa michina chuclla cuchuman cati rishpa, chaipi cambac malta chivocunata michiyari.

CANTARES 2:7

¡Jerusalenpi causac solteracunalla, gacela animalcunamanta, tarugacunamanta ari nichicyari! ¡Ñuca cuyashcataca amatac ricchachinguichicchu! ¡Ima horascamanpish samarichun saquinguichiclla!

CANTARES 6:1

Tucui huarmicunamanta sumac huarmilla, ¿cambac cuyashcaca maimantac rircayari? ¿Maitatac rircayari? Ñucanchicca canhuan mashcagrishunllami.

ISAÍAS 53:2

Diosta servicca chaquishca allpapi shuc sapi retoñac shinami, paipac ñaupapi llucshinga. Paipac ñahuitaca ricurcanchicmi, shinapish mana cuyaipacchu carca. Mana sumac ñahuichu carca.

SAN MATEO 21:10

Jesús Jerusalenman yaicucpi, tauca gentecuna mancharinacushpaca: —¿Pitac caica?— nishpa tapurca.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.