CANTARES 4:14 - Dios Rimashcata Quillcashcami

¹⁴ Shinallatac nardo shina, asafrán shina, ashnac huiru shina, canela shina, incienso, mirra yuracuna shina, áloes shina, tucuilaya mishquilla ashnacuc shinami cangui.

CANTARES 4:14 ပူးပေါင်းရင်းမြစ်များ

GÉNESIS 43:11

Shina nicpimi, taita Israelca: —Shina cana cacpica, chashna ruhuaichiclla. Chai mandacman convidangapac cai allpapi imalla tiyashca ashtahuan allicunata cancunapac tulupi churashpa apaichic. Asha bálsamo jambitapish, asha mishquitapish, mishquilla ashnacuctapish, mirra jambitapish, tuctitapish, almendracunatapish apaichic.

1 REYES 10:10

Shina nishca quipami, chai huarmica patsac ishcai chunga talento curita, alaja rumicunata jatun mandacmanca curca. Sabá llactata jatun mandac huarmi, jatun mandac Salomonman, mishquilla ashnacuc jambinata achcata cungapac apamushca shinaca jaicapi pi manarac apamurcachu.

2 CRÓNICAS 9:9

Shina nishca quipami, chai huarmica patsac ishcai chunga talento curita, mishquilla ashnacuc achca jambinacunata, alaja rumicunata, jatun mandacman curca. Sabá llactata jatun mandac huarmi jatun mandac Salomonman mishquilla ashnacucta achcata cungapac apamushca shinaca, jaicapi pi manarac apamurcachu.

SALMOS 45:8

Cambac tucui churanacunapish mirra, áloes, canela shinami mishquilla ashnacun. Marfilmanta ruhuashca can mandashpa tiyana huasicunapimi cantaccunaca cantashpa cushichincuna.

ÉXODO 30:23

«Sumac mishquilla ashnacucta acllai: Sucta kilo alli mirrata, quimsa kilo mishquilla ashnacuc canelata shinallatac quimsa kilo mishquilla ashnacuc calomata,

PROVERBIOS 7:17

Mishquilla ashnacuc mirrahuan, aloehuan shinallatac canelahuanmi mishquillata ruhuarcani

CANTARES 1:12

Jatun mandac mizapi tiyaricpica, ñuca nardoca mishquillatami ashnacurca.

CANTARES 3:6

¿Pi huarmitac chai pambata tucuilaya ashnacuc polvohuanpish, inciensohuanpish, mirrahuanpish cahuirishpa mishquilla ashnacuc puyu shina shamucunyari?

CANTARES 4:6

Manarac achicyacpi manarac llandu pasaricpimi mirra urcuman, incienso lomaman risha.

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

CANTARES 6:2

Ñuca cuyashcaca paipac huertamanmi rirca. Mishquilla ashnacuc huertaman, paipac huertapi michingapac, Lirio sisacunata tandangapacmi rirca.

EZEQUIEL 27:19

Dan llacta gentecunapish, Grecia gentecunapish Uzal llactamantami cambac charishcacunahuan cambiangapac sumacta allichishca fierrohuan, canelahuan, mishqui ashnacuc huiruhuan shamuc carca.

NÚMEROS 24:6

Jatun yacu tendirishpa ricuc shina, yacu lado huerta shinami ricurin. Mandac Dios tarpushca áloes yura shina, yacu lado cedro yura shinami cangui.

MARCOS 16:1

Samana punzha tucuricpimi, Magdala pueblomanta Mariapish, Jacobopac mama Mariapish, Salomepish mishquilla ashnacucta Jesuspac cuerpopi churangapac randirca.

SAN JUAN 19:39

Shinallatac shuc tuta Jesus-huan parlanacuc Nicodemopish mirrahuan, aloehuan chapushca shuc quintal shina mishquilla ashnacuctami apamurca.

APOCALIPSIS 18:13

Shinallatac canela, mishquilla ashnacuccuna, incienso, mirra, mishquiman ashnacuc jambicuna, vino, aceite, cutashca harina, trigo, aparic animalcuna, ovejacuna, caballocuna, carretacuna, amopacta ruhuac gentecunami carca.