APOCALIPSIS 8:11 - Dios Rimashcata Quillcashcami

¹¹ Chai luceroca Jayac shutimi carca. Chaimantami yacucunataca quimsapi chaupishcamanta shuc parteta jayacyachirca. Chai yacuta ubiashpaca, achca gentecunami huañurca.

Nuevo Testamento en Quichua Cañar 1996

¹¹ Chai luceroca Jayac shutimi carca. Shinami yacucunata quimsapi chaupishcamanta shuc partetami jayacyachirca. Chai jayac yacuta ubiashpaca, achca gentecunami huañurca.

APOCALIPSIS 8:11 ပူးပေါင်းရင်းမြစ်များ

ÉXODO 15:23

Chaiman chayashpapish Mara yacu jayac cashcamanta, mana ubiai pudishpami, Marata shutichirca.

PROVERBIOS 5:4

Ashtahuanpish quipataca ajenjotapish yalli jayac, ishcai ladoman filoyuc espada chugrichic shinami tucun.

JEREMÍAS 23:15

Chaimantami tucuita Mandac Dios ñuca chai huillaccunahuan piñarishpaca: “Paicunamanmi jayac ajenjota carashpa, veneno yacuta ubiachigrini. Jerusalenpi huillaccunamantami tucui mana allita ruhuanacunaca tucui llactapi mirarishca” ninmi ningui» nirca.

JEREMÍAS 9:15

Chaimantami israelcunapac tucuita Mandac Dios ñucaca: Cai gentecunamanca ajenjotami caragrini. Shinallatac yacuhuan, venenohuan chapushpami ubiachigrini.

LAMENTACIONES 3:19

Llaquita apashcatapish, ñucata pi mana ayudashcatapish, jayac ajencota ubiashca shina, llaquita apashcatapish yuyarinimi.

LAMENTACIONES 3:5

Ñuca muyundipi baluarteta ruhuac shinami yallita llaquichirca.

AMÓS 5:7

¡Cancunaca cashcata ruhuanataca jayac ajenjota shina ruhuashpami, imapacpish mana valichinguichic!

AMÓS 6:12

¿Caballocunaca rumi quingraita callpanchu? ¿Mama cuchata yuntahuan yapunchu? ¡Cancunaca allita ruhuashpa causanataca venenota shinami ruhuashcanguichic! ¡Cashcata ruhuashpa causanataca jayac ajenjota shinami ruhuashcanguichic!

ZACARÍAS 13:8

Cai llactapi causaccunaca quimsa partepi chicanyachishcaca caillapitacmi huañushpa chingaringa. Ashtahuanpish caishuc quimsa partepi chicanyachishcallami puchunga.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.

DEUTERONOMIO 29:18

Cancunapuramanta cari cashpa, huarmi cashpa, familia cashpa, aillu cashpa Mandac Diosmanta caruyashpa, chai llacta dioscunata pacta adoranguichicman. Cancunapurapica pacta jayac venenota pucuc yura shina tiyanman.

HEBREOS 12:15

Pipish Diospac cuyaimanta ama caruyachun cuidanguichic. Maijanpish jayac yura shina gentecunata muspachishpa llaquichichun ama saquinguinchicchu.

APOCALIPSIS 12:4

Chupahuanca quimsapi chaupishcamanta shuc parte lucerocunatami jahua cielomanta cai pachaman aisashpa shitarca. Chai dragonca huarmi ña sajuarinca huahuata micungapacmi, chai huarmipac ñaupapi shayarirca.

APOCALIPSIS 8:7

Puntaniqui ángel tocacpica, yahuarhuan chapushca nina, rundumi urmarca. Chashna urmashpami cai allpataca quimsapi chaupishcamanta shuc parteta yuracunandi, quihuacunandi rupachirca.

APOCALIPSIS 9:15

Shina nicpimi chuscu angelcunata cacharishpaca, cai pachapi causac gentecunata quimsapi chaupishcamanta shuc parteta huañuchichun cacharca. Chai angelcunaca chai pacha, chai punzha, chai quilla, chai huata huañuchichun nishcatacmi carca.

APOCALIPSIS 9:18

Chai ninahuan, cushnihuan, azufrehuan, quimsa jatun llaquicunahuanmi, cai pachapi causac quimsapi chaupishcamanta shuc parte gentecunata huañuchirca.

RUT 1:20

Shina cacpimi Noemica: —Ama Noemí nishpa cayaichicchu, ashtahuanpish Mara nishpa cayaichic. Imatapish ruhuac Diosca yalli llaquitami ñucaman cushca.