APOCALIPSIS 21:4 - Dios Rimashcata Quillcashcami

⁴ Paica tucui huiquitami ñahuicunamantaca pichanga. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu» nirca.

Nuevo Testamento en Quichua Cañar 1996

⁴ Paica ñahuicunamantapish tucui huiquita p'ichangami. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu— nirca.

APOCALIPSIS 21:4 ပူးပေါင်းရင်းမြစ်များ

SALMOS 144:4

Gentecunaca samai shinallami. Paicuna causana punzhacunaca llandu shinallami.

ISAÍAS 25:8

Mandac Diosca huañuitaca huiñaipacmi tucuchinga. Tucuipac ñahuimantami huiquita pichanga. Pai acllashcacunata pingaichiccunatapish tucui cai pachamanta anchuchingami. Chaitaca Mandac Diosmi nin.

ISAÍAS 30:19

Sión urcupi tiyac Jerusalenpi causaccunalla, mana ashtahuan huacanguichicchu. Cancunata llaquic Mandac Diosca cancuna caparishpa huacashcata uyashpami, cancuna mañashcata uyanga.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

ISAÍAS 60:20

Intica mana tutayangachu, quillapish mana amsayangachu. Mandac Dios ñucami huiñaita cantaca achicyachisha. Llaqui punzhacunapish tucuringami.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

JEREMÍAS 31:12

Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

JEREMÍAS 31:13

Carihuan mana chayarishca solteraca mosocunahuan, yuyaccunahuanmi danzashpa cushicungami. Huacanapac randica cushicungami. Nanaihuan canapac randica samaringami.

OSEAS 13:14

Paicunataca, ¿Seolman rinamanta anchuchishachu? ¿Huañuimanta quishpichishachu? Ñuca anchuchingapacca, ¿maipitac huañuica? Ñuca canta tucuchingapac, ¿maipitac Seolca? Cai runacunataca mana llaquinichu.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

1 CORINTIOS 15:26

Tucuipac quipaca, Cristoca huañuitami atinga.

1 CORINTIOS 7:31

Cai pachapi ima tiyashcahuan cushicuccunaca ama cushicuchun. Cai pachapi ima tiyashcacunaca chingaringallami.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

2 CORINTIOS 6:17

Chaimantami tucuita Mandac Diosca: «Paicunapuramanta llucshichic. Paicunamanta chicanyarichic. Imapish mapayachic-huanca ama chapurichicchu, chaipica ñucaca chasquishami.

HEBREOS 12:27

«Cutinllatac chucchuchishami» nishpaca, Dios ruhuashca cuyuchinacunallata anchuchishpa, mana cuyurinacunata saquirina cashcatami nisha nin.

2 PEDRO 3:10

Shina cashpapish Apunchic Jesús cutimuna punzhaca shuc shuhuac shamuc shinami canga. Jahua pachaca jatun manchanayaipac tulun nishca uyaricpimi chingaringa. Chaipi ima tiyaccunapish ninahuanmi tucuchishca canga. Shinallatac cai pacha allpataca, caipi tiyaccunandimi Dios taripashpa rupachinga.

1 JUAN 2:17

Cai pachaca tucui ima tiyashca millai munaicunandimi chingaringa, ashtahuanpish Dios munashcata ruhuacca huiñaitami causanga.

APOCALIPSIS 20:13

Huañushcacunataca mama cuchapish, huañuipish, hadespish paicuna imata ruhuashca shinallatac taripashca cachunmi llucchirca.

APOCALIPSIS 20:14

Chai quipaca, Huañuipish, Hadespish rupacuc nina cuchapimi shitashca carca. Chaica quipa huañuimi.

APOCALIPSIS 21:1

Chai quipaca ñaupaman cac jahua pachapish, cai pachapish shinallatac mama cucha yacupish chingaricpica, jahua pachatapish, cai pachatapish mushuc cashcatami ricurcani.

APOCALIPSIS 22:3

Chai pueblopica Dios mana alli nishcaca imapish mana tiyangachu. Diospacpish, Pactalla Ovejapacpish tiyana pueblomi can. Chaipica Diospacta ruhuaccunaca paita alli ningacunami.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.