APOCALIPSIS 21:21 - Dios Rimashcata Quillcashcami

²¹ Chai chunga ishcai pungucunaca chunga ishcai perlacunami carca. Cada pungumi shuclla perlasmanta ruhuashca carca. Chai pueblopi cac jatun ñanca llambuclla vidrio shina curimanta ruhuashcami carca.

Nuevo Testamento en Quichua Cañar 1996

²¹ Shuc shuc pungumi shuclla perlamanta*f** ruhuashca carca. Shina cacpica chunga ishcai pungucunaca chunga ishcai perlacunami carca. Chai pueblopi cac jatun ñanca llambuclla vidrio shina curimanta ruhuashcami carca.

APOCALIPSIS 21:21 ပူးပေါင်းရင်းမြစ်များ

1 REYES 6:20

Diospaclla chicanyachishca ucuca largomanpish, anchomanpish altomanpish iscun metrotami charirca. Chai ucutaca imahuan mana chapushpami curillahuan taparca. Cedro caspihuan ruhuashca Diospac altartapish curillahuantacmi taparca.

APOCALIPSIS 17:4

Chai huarmica morado, shinallatac amsa puca churanata churashcami carca. Paica curihuanpish, sumac rumihuanpish, perlas-huanpish allichishca huarmimi carca. Chai huarmica millanayaitapish, huacllirishcatapish jundachishca curi copatami maquipi charicurca.

APOCALIPSIS 18:16

Chashna saquirishpaca: «¡Aij, aij, jatun pueblolla! Canca sumaimana lino nishca morado, shinallatac puca churanata churarishca sumac huarmi shinami carcangui. Shinallatac curihuanpish, sumaimana rumicunahuanpish, perlascunahuanpish allichishcami carcangui.

APOCALIPSIS 21:15

Ñucahuan parlanacuc angelca pueblotapish, pungucunatapish, muyundi jarcashcatapish medina curi varatami charicurca.

APOCALIPSIS 21:18

Chai muyundi pircashcaca jaspe rumihuanmi pircashca carca. Cutin chai puebloca llambuclla vidrio shina curimanta ruhuashcami carca.

APOCALIPSIS 22:2

Chai pueblopi tiyac jatun ñan chaupita callpacuc yacu ishcai ladopimi, causaita cuc yuraca carca. Chai yuraca quillanta pucushpami, huatapica chunga ishcai cutin pucun. Shinallatac pangacunapish gentecunata jambingapac allimi can.

APOCALIPSIS 4:6

Shinallatac jatun mandac mandashpa tiyarina ñaupapica, cristal jagan nicuc shina shuc jatun cuchaman ricchami carca. Chai tiyarinapac cuchulla muyundicpica, ñaupamanpish, huashamanpish ñahui murucuna junda causaita charic chuscucunami carca.