APOCALIPSIS 18:15 - Dios Rimashcata Quillcashcami

¹⁵ Chai pueblopi catushpa randishpa chayucyaccunaca chai llaquichicushcata ricushpami manchaihuan yallita huacashpa carupi saquiringacuna.

Nuevo Testamento en Quichua Cañar 1996

¹⁵ Chai pueblopi c'atushpa randishpa chayucyaccunaca chai llaquichicushcata ricushpaca, manchaihuan yallita huacashpami carupi saquiringacuna.

APOCALIPSIS 18:15 ပူးပေါင်းရင်းမြစ်များ

EZEQUIEL 27:31

Canmantami acchata pitirishpa, sharpa churanata churaringa. Canmantaca shungupi llaquirishpami, yallita huacanga.

ZACARÍAS 11:5

Chai ovejacunata randiccunaca mana llaquishpami huañuchinga. Cutin catuccuna catushpaca: “Chayucyashcanimi, chaimanta Mandac Diosca alli nishca cachun” nicunmi. Michiccunapish mana llaquinchu.

MARCOS 11:17

Jesusca chaipi caccunataca yachachishpaca: —Dios quillcachishcapica: “Ñuca huasica tucui llactamanta shamuccuna ñucata mañana huasimi canga” ninmi, ashtahuanpish cancunaca shuhuaccuna miticuna machaitami ruhuashcanguichic— nirca.

HECHOS 16:19

Chai huambrapac amocunaca cullqui japina tucuricpimi, Pablotapish, Silastapish prezushpa, jatun plazapi cac mandaccunapacman aparca.

APOCALIPSIS 18:12

Chai catunacunaca curi, cullqui, sumac rumicuna, perlascunami carca. Shinallatac valishca lienzo, seda, morado, puca pañocunami carca. Shinallatac tucuilaya mishquilla ashnacuc caspicuna, marfilmanta ruhuashcacuna, sumac caspimanta ruhuashcacuna, broncemanta ruhuashcacuna, fierromanta ruhuashcacuna, marmolmanta ruhuashcacunami carca.

APOCALIPSIS 18:13

Shinallatac canela, mishquilla ashnacuccuna, incienso, mirra, mishquiman ashnacuc jambicuna, vino, aceite, cutashca harina, trigo, aparic animalcuna, ovejacuna, caballocuna, carretacuna, amopacta ruhuac gentecunami carca.

APOCALIPSIS 18:14

Shinallatac chai pueblotaca: «Can mai munashca micunacunataca ña mana charinguichu. Can tucui chai sumaimana charishcacunaca huiñaipacmi chingarishca» ningacuna.

APOCALIPSIS 18:19

Shina nishpaca, mai llaquirishpa yallita huacashpami, ñuto allpata umapi churashpa: «¡Aij, aij, jatun pueblolla! Can charishcacunamantami mama cucha yacupi barcota chariccunaca chayuc tucushcacuna. Shina cashpapish shuc ñahui quimllaillapimi tucui tucurishca» nishpami caparircacuna.

APOCALIPSIS 18:3

Tucui llactacunapi causaccunami vinota ubiashpa machac shina, chai pueblota catishpa huacllirishcacuna. Cai pachapi tiyac jatun mandaccunapish paihuanmi huainayarcacuna. Shinallatac chai pueblo yallita chayucyanata munashcamantami, tucui llactacunamanta catushpa randishpa causaccunaca yallita chayucyashcacuna» nirca.