APOCALIPSIS 18:11 - Dios Rimashcata Quillcashcami

¹¹ Tucui llactacunamanta catushpa randishpa causaccunapish, pipish paicunapac catunacunata mana randiccuna tiyashcamantaca, chai pueblomanta llaquirishpami yallita huacangacuna.

Nuevo Testamento en Quichua Cañar 1996

¹¹ Tucui llactacunamanta c'atushpa randishpa causaccunapish, pipish paicunapac c'atunacunata mana randiccuna tiyashcamantaca, chai pueblomanta llaquirishpami yallita huacangacuna.

APOCALIPSIS 18:11 ပူးပေါင်းရင်းမြစ်များ

PROVERBIOS 3:14

Cai alli yachaica cullquitapish yalli valicmi. Cai alli yachaimanta japinaca valishca curitapish yallimi.

ISAÍAS 13:19

Tucui llactamanta yalli sumac Babilonia llactapish, chaipi causac mai alli nishca caldeocunapish Dios ñucallatac tucuchishca Sodoma, Gomorra shinami tucuringa.

ISAÍAS 47:15

Can huambramanta pachami yachaccunahuan apanacushpa, randishpa, catushpami causarcangui. Tucui paicunami quiquin ñanta japishpa ringa. Cantaca pipish mana quishpichi pudingachu» ninmi.

EZEQUIEL 27:9

Barco dañarishcata allichiccunaca Gebalmanta alli yachac, yuyac runacunami carca. Barcocunapish, barcota purichiccunapish randingapac, catungapacmi shamurca.

SOFONÍAS 1:11

Mactes pambapi causaccunalla, caparishpa huacaichicyari. Catuccunapish, randiccunapish, cullquita cambiaccunapish tucuchishcami canga.

SOFONÍAS 1:18

Mandac Dios piñarishpa llaquichi punzhapica paicunapac cullquipish, curipish mana quishpichingachu. Tucui cai pachataca nina japiric shinami tucuchinga. Cai pachapi causaccunataca cungaillami tucuchinga.

SAN MATEO 22:5

Chashna cayacpipish, mana uyashpami maijancunaca trabajangapac, maijancunaca catungapac rircacuna.

SAN JUAN 2:16

Shinallatac palomata catuccunataca: —¡Caicunata caimanta llucchichic! ¡Ñuca Taitapac huasitaca ama randina, catuna huasita ruhuaichicchu!— nirca.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

APOCALIPSIS 18:15

Chai pueblopi catushpa randishpa chayucyaccunaca chai llaquichicushcata ricushpami manchaihuan yallita huacashpa carupi saquiringacuna.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

APOCALIPSIS 18:23

Achicyachic luzpish jaicapi mana tiyangachu. Cazarashpa cushicuipish mana tiyangachu. Catushpa randishpa causaccunapish maimi chayucyashcacuna. Canca brujiashpami tucui llactacunapi causaccunatapish llullashpa umashcangui.

APOCALIPSIS 18:3

Tucui llactacunapi causaccunami vinota ubiashpa machac shina, chai pueblota catishpa huacllirishcacuna. Cai pachapi tiyac jatun mandaccunapish paihuanmi huainayarcacuna. Shinallatac chai pueblo yallita chayucyanata munashcamantami, tucui llactacunamanta catushpa randishpa causaccunaca yallita chayucyashcacuna» nirca.

APOCALIPSIS 18:9

Paihuan huainayashpa, munashcata ruhuashpa cushicuc cai pachapi tiyac jatun mandaccunaca, chai pueblo rupashpa cushni llucshicucta ricushpami chai pueblomanta llaquirishpa yallita huacangacuna.