APOCALIPSIS 16:15 - Dios Rimashcata Quillcashcami

¹⁵ «Uyaichic, ñucaca cancuna mana yuyashca horaspimi shuhua shamuc shina shamusha. Maijanpish riccharishca, churanata churarishca chapacucmanca, ¡mai cushicuimi canga! Chashna churarishca mana lluchulla cashpami, mana pinganachinga»

Nuevo Testamento en Quichua Cañar 1996

¹⁵ Chaipica: —Uyaichic, ñucaca cancuna mana yuyashca horaspimi shuhua shamuc shina shamusha. Maijanpish riccharishca shina, churanata churarishca chapacucmanca, ¡mai cushicuimi canga! Chashna churarishca mana lluchulla cashpami, mana pinganachinga— nishcatami uyarcani.

APOCALIPSIS 16:15 ပူးပေါင်းရင်းမြစ်များ

ÉXODO 32:25

Aarón israelcuna millaita ruhuacucpi, mana jarcashpa, paicuna munashcata ruhuachun saquishcata shinallatac paita piñaccunapac chaupipi pingaichishcatami Moisesca ricurca.

ISAÍAS 47:3

Churanacunata anchuchishpa lluchulla pingaihuan shayacuiyari. Can llaquichishca shinallatacmi cantapish llaquichisha. Cantaca pipish mana quishpichingachu» ninmi.

EZEQUIEL 16:37

Chaimantami canhuan huainayaccunatapish, cambac cuyashcacunatapish, can mana ricunayachishcacunatapish cambac ñaupapi tandachigrini. Chashna tandachishpa, cambac muyundipi churacpimi, can lluchulla cashcataca ricunga.

OSEAS 2:3

Pacta sajuarishca punzhapi ima shina lluchulla cashca shinallatac saquiman. Pacta shitashca pambata shina ruhuashpa yacunayaihuan huañuchiman.

HABACUC 2:15

¡Canca ubiachishpami machachingui! ¡Vinohuan machachishpami pingaichingui! ¡Aij, imachari tucungui!

SAN MATEO 25:13

Chai shinallatac Runa Tucungapac shamushca ñuca ima punzha, ima horas cutimunata mana yachashcamanta allichirishpa shuyacuichic.

SAN MATEO 26:41

Mana pandachishca cangapacca, Diosta mañashpa chaparacuichic. Cancunapac yuyaica sinchimi, ashtahuanpish cancunapac cuerpomi shaicushca— nirca.

MARCOS 14:38

Mana pandachishca cangapacca, Diosta mañashpa chaparacuichic. Cancunapac yuyaica sinchimi, ashtahuanpish cancunapac cuerpomi shaicushca— nirca.

SAN LUCAS 21:36

Chaimanta cancunaca allichirishca, ña rinalla shinami cana canguichic. Chai tucui llaquimanta quishpiringapacca, Runa Tucungapac shamushca ñucapac ñaupapi alli ricuringapac Diosta mañaracuichic» nirca.

HECHOS 20:31

Chaimanta alli yuyaihuan caichic. Ñucaca quimsa huatacamanmi tutapish, punzhapish mana samarishpa, tucui cancunata shucllancaman huacashpa cunacurcani.

2 CORINTIOS 5:3

Chai shina churanata mudarishpaca, ña mana lluchulla cashunchu, ashtahuanpish Dios allichishca cuerpohuanmi cashun.

1 TESALONICENSES 5:4

Chaimanta Apunchic Jesús shuhuac shina shamushpaca, mana manchachingachu.

1 TESALONICENSES 5:6

Chaimanta mana caishuccuna shina sueñunachu canchic. Ashtahuanpish riccharishca shina chaparanami canchic.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.

2 PEDRO 3:10

Shina cashpapish Apunchic Jesús cutimuna punzhaca shuc shuhuac shamuc shinami canga. Jahua pachaca jatun manchanayaipac tulun nishca uyaricpimi chingaringa. Chaipi ima tiyaccunapish ninahuanmi tucuchishca canga. Shinallatac cai pacha allpataca, caipi tiyaccunandimi Dios taripashpa rupachinga.

APOCALIPSIS 22:7

Shinallatac Jesusca: —¡Ñallami shamusha! Maijanpish cai libropi quillcashca, Dios huillashcata ricushpa cazucmanca, ¡mai cushicuimi canga!— nirca.

APOCALIPSIS 3:11

Canman ñuca cusha nishcata ama pi quichuchun, ñucata catirangui. Ñucaca ñallami shamusha.

APOCALIPSIS 3:18

Chaimantami ñucaca, ninapi rupachishca curita ñucamanta randishpa chayucyai, lluchulla pingaipi cashcata ama pi ricuchun, yuranlla churanata randishpa churari, ñahui alli ricuchunpish, jambita randishpa churari nini.