APOCALIPSIS 15:5 - Dios Rimashcata Quillcashcami

⁵ Chai quipaca jahua pachapi cac, ari nishcata ricuchic Diosta mañana carpa huasi pascarictami ricurcani.

Nuevo Testamento en Quichua Cañar 1996

⁵ Chai q'uipaca jahua pachapi cac, ari nishcata ricuchic Diosman mañana carpa huasi pascarictami ricurcani.

APOCALIPSIS 15:5 ပူးပေါင်းရင်းမြစ်များ

ÉXODO 25:21

Arcataca tapahuan tapashpa, ucupica ñuca mandashca quillcata churangui. Chai mandashcataca ñucami cusha.

ÉXODO 38:21

Moisés mandashcamantami Aaronpac churi Itamarca Dios-huan tupana huasi ruhuanapi, Dios-huan ari nishcata quillcata huacaichina ruhuanapi mashnalla yaicushcata levitacunata quillcachirca.

NÚMEROS 1:50

Chaipac randica mandashcacunata huacaichishca ñucahuan tupana ucutapish, tucui chaipi tiyaccunatapish ricuchun churangui. Paicunami ñucahuan tupana huasitapish, chaipi imalla tiyaccunandi apanga. Chashnami carpa huasipi servishpa, chai muyundipi causanga.

NÚMEROS 1:53

Shina cacpipish, levitacunaca mandashcacunata huacaichishca ñucahuan tupana huasi muyundipimi causanga. Ñucahuan tupana huasita levitacuna cuidacucpimi, israelcunahuanca ñucaca mana piñarisha» nirca.

SAN MATEO 27:51

Chai ratomi Diosta mañana huasi tiyac lienzoca, jahuamanta uraiman chaupita lliquirirca. Allpapish chucchurcami, jatun rumicunapish chictarircami.

HEBREOS 8:5

Dios-huan tupana huasita Moisés ruhuagricucpimi, Dios rimashpaca: “Riqui, urcupi ricuchishca shina, chai huasita ruhuangui” nirca. Chaimantami cai pachapi cac curacuna servishpaca, jahua pachapi tiyashcata ricuchic llandu shinallatac ruhuacuncuna.

APOCALIPSIS 11:19

Shina cacpica, jahua pachapi tiyac Diosta mañana huasimi pascarirca. Chaipica Dios-huan ari nishca Arcami ricurirca. Urcucuna tulun nishcapish, rimashcacunapish uyarircami. Relampa achic nishcapish ricurircami. Allpapish chucchurcami, rundupish yallitami urmarca.

APOCALIPSIS 13:6

Shina cucpimi Diostapish piñashpa, paipac huasitapish, shinallatac jahua pachapi causaccunatapish mana alli nishpa mapata rimarca.