AMÓS 8:13 - Dios Rimashcata Quillcashcami

¹³ Chai punzhacunapica carihuan manarac chayarishca sumac solteracunapish, mosocunapish yacunayaihuanmi huañunalla tucunga.

AMÓS 8:13 ပူးပေါင်းရင်းမြစ်များ

SALMOS 63:1

¡Dioslla, ñuca Diosmi cangui! Manarac achicyacpimi cantaca mashcarcani. Ñuca almaca yacunayaihuan shinami canta mashcan. Ñuca cuerpopish can yuyaillami. Yacunayachicuc chaquishca allpa shinami cani.

ISAÍAS 40:30

Huambracunapish shaicunmi, mosocunapish shaicushpa urmanllami.

ISAÍAS 9:17

Tucui paicunami Mandac Diosta mana manchaccuna, millaita ruhuaccuna, millaita rimaccuna. Chaimantami Mandac Diosca mosocunatapish, viuda huarmicunatapish, taita mama illaccunatapish mana llaquirca. Chashna ruhuashpapish Mandac Dios pai nina japiric shina piñarishcataca mana pasachishcachu. Ashtahuanpish llaquichingaracmi.

JEREMÍAS 48:18

Dibón llactapi causaccunalla, sumaimana tiyanamanta uricushpa, chaquishca pambapi tiyarichicyari. Moab llactata tucuchicmari cancunapacman shamushpa cancunapac jatun pircata urmachinga.

LAMENTACIONES 1:18

Mandac Diosca cashcata ruhuacmi. Ñucami pai mandashcacunataca mana cazurcani. Tucui llactapi causaccuna, ñuca llaquita ricuichicyari. Carihuan manarac charishca solteracunapish, mosocunapish prezu japi tucurcami.

LAMENTACIONES 2:10

Sionpi causaccunata pushac yuyaccunaca pambapi tiyarishpami upalla saquirirca. Llaquirishpa umapi uchupata churashpami, sharpa churanata churarirca. Jerusalenpi causac solteracunapish allpacamanmi cumurirca.

LAMENTACIONES 2:21

Huahuacunapish, yuyaccunapish ñancunapimi huañucun. Solteracunapish, mosocunapish espadahuan chugrichishcami huañurca. Can piñarishca punzhapica mana llaquishpami huañuchircangui.

OSEAS 2:3

Pacta sajuarishca punzhapi ima shina lluchulla cashca shinallatac saquiman. Pacta shitashca pambata shina ruhuashpa yacunayaihuan huañuchiman.

OSEAS 2:5

Paicunapac mamaca huainayarcami. Paicunata sajuaricca pingaitami ruhuarca. Paica: “Ñuca cuyashcacunatami catisha. Paicunaca micunatapish, yacutapish, millmatapish, linotapish, aceitetapish, ima ubianacunatapish cunmi” nircami.

ZACARÍAS 9:17

¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

DEUTERONOMIO 32:25

Canzhapica espadacunahuan tucuchinga. Ucupica yalli manchaimi tucuchicunga. Chashnami mosocunatapish, solteracunatapish, chuchucuc huahuatapish, yuyaccunatapish tucuchinga.