AMÓS 8:12 - Dios Rimashcata Quillcashcami

¹² Ñuca rimashcata uyanata munashpami, shuc mama cuchamantaca caishuc mama cuchaman, ura ladomantaca inti tigrana ladoman puringa. Shina purishpapish mana taringachu.

AMÓS 8:12 ပူးပေါင်းရင်းမြစ်များ

PROVERBIOS 1:28

Chai llaquicuna japicpimi, ñucata mañangacuna. Shina mañacpipish ñucaca mana uyashachu. Ñucata yallita mashcashpapish, mana taringacunachu.

PROVERBIOS 14:6

Mana cazushpa asic runaca alli yachaita mashcashpapish mana tarinchu. Ashtahuanpish allita yachac runamanca yachacunaca jahuallami.

PROVERBIOS 29:18

Dios huillashcata mana pi huillacpica, quiquin munashcata ruhuashpami chingarin. Ashtahuanpish mandashcacunata pactachic runaca yallitami cushicun.

EZEQUIEL 20:3

«Huañunalla runa, pushac yuyaccunataca: “Mandac Diosca: ¿Ñucamanchu tapuc shamunguichic? Mandac Dios ñuca shutipimi nini: ¡Cancuna tapushcataca mana cutichishachu!” ninmi ningui.

EZEQUIEL 20:31

Cunancamanmi cancunapac churicunata ruhuashcalla dioscunaman rupachishpa, yallita mapayashpa causanguichic. ¿Chai shina cashpachu tapuc shamunguichic? ¡Ñuca shutipimi nini: Cancuna tapushcataca mana cutichishachu!

DANIEL 12:4

Shina cacpipish, Daniel-lla, canca cai rimashcata quillcashca librotaca tucuri punzhacaman sellashpa churai. Achcacunami allita yachanata mashcashpa caiman chaiman callpanga.

OSEAS 5:6

Ovejacunata, vacacunata apashpami, Mandac Diosta mashcanga. Shina mashcashpapish mana taringachu. Paicunamantaca anchurircanimi.

SAN MATEO 12:30

Maijanpish mana ñucahuan cashpaca, ñucata piñacmi. Maijanpish ñucahuan mana cashpaca, ñuca tandachishcacunata tucuchicmi.

1 SAMUEL 3:1

Samuel huambraca Elí curapac ñaupapimi Mandac Diospacta ruhuashpa causarca. Chai punzhacunapica Mandac Diospac rimashca shimica maijan cutinllami uyarirca. Shinallatac maijan cutinllami muscuipi shina ricuric carca.